A320 Airbus Air Canada

Прычынай аварыйнай пасадкі A320 Air Canada стала няспраўнасць шасі

23
(абноўлена 13:01 14.04.2015)
Віцэ-прэзідэнт Air Canada заявіў пра гатоўнасць кампаніі супрацоўнічаць з Упраўленнем бяспекі на транспарце.

МІНСК, 30 сак — Sputnik. Прадстаўнікі камітэта па бяспецы на транспарце Канады паведамілі, што прычынай аварыйнай пасадкі самалёта Airbus A320 авіякампаніі Air Canada стала няспраўнасць шасі самалёта, перадае агенцтва Рэйтэр.

Самалёт авіякампаніі Air Canada ў ноч з суботы на нядзелю здзейсніў аварыйную пасадку ў міжнародным аэрапорце канадскага горада Галіфакс. Самалет выехаў за межы ўзлётна-пасадачнай паласы, у выніку чаго пацярпелі па меншай меры 25 чалавек. Усе яны былі шпіталізаваны. Інцыдэнт адбыўся ў 00:43 па мясцовым часе.

Авіякампанія ў сваю чаргу распаўсюдзіла прэс-рэліз, у якім пацвердзіла, што ўсе пасажыры і члены экіпажа, атрымаўшы неабходную медыцынскую дапамогу, былі выпісаны з бальніцы.

"Мы вельмі рады, што ніхто сур'ёзна не пацярпеў", — цытуе прэс-служба заяву віцэ-прэзідэнта Air Canada Клаўса Гаерша.

Менеджэры Air Canada прыбылі ў Галіфакс, каб аказаць усю неабходную дапамогу пасажырам і членам іх сем'яў. Віцэ-прэзідэнт авіякампаніі назваў інцыдэнт "вельмі трывожным вопытам як для нашых пасажыраў, так і для нашых супрацоўнікаў". І заявіў пра гатоўнасць супрацоўнічаць з Упраўленнем бяспекі на транспарце ў рамках расследавання дадзенага інцыдэнту.

23
Тэги:
Здарэнні на транспарце, Air Canada, Канада, Паўночная Амерыка, Амерыка

Сустрэча Макея і Лаўрова ў Маскве - відэа

22
(абноўлена 14:02 18.06.2021)
Сёння ў расійскай сталіцы праходзяць перамовы кіраўнікоў МЗС Расіі і Беларусі Сяргея Лаўрова і Уладзіміра Макея. Відэа перамоў глядзіце на Sputnik.

Міністр замежных спраў Беларусі Уладзімір Макей прыбыў у Маскву напярэдадні для перамоў з расійскім калегам Сяргеем Лаўровым.

Кіраўнікі знешнепалітычных ведамстваў правялі ў чацвер сустрэчу, на якой Лаўроў праінфармаваў свайго беларускага калегу аб выніках сустрэчы прэзідэнтаў Уладзіміра Пуціна і Джо Байдэна ў Жэневе 16 чэрвеня. Нагадаем, на саміце абмяркоўвалася беларускае пытанне.

Афіцыйны прадстаўнік МЗС РФ Марыя Захарава ў чацвер распавяла, што адной з тэм перамоў міністраў стане затрыманне ў Мінску грамадзянкі Расіі Сафіі Сапегі.

Сапега была затрымана ў Нацыянальным аэрапорце Мінск 23 траўня разам з заснавальнікам Telegram-канала NEXTA ("Нехта"), прызнанага ў Беларусі экстрэмісцкім, Раманам Пратасевічам.

Чытайце таксама:

22
Тэги:
Sputnik, МЗС, Беларусь, Расія, сталіца, відэа, Масква, Сяргей Лаўроў, Уладзімір Макей, сустрэча
Міністр замежных спраў Расіі Сяргей Лаўроў

Мінск перадаў Маскве інфармацыю аб затрыманай расіянцы Сапеге - Лаўроў

17
(абноўлена 12:57 18.06.2021)
Соф'я Сапега была знята з самалёта ірландскай кампаніі Ryanair, які экстранна сеў у Мінску 23 траўня, у Беларусі яна праходзіць па дзвюх крымінальных справах.

МІНСК, 18 чэр – Sputnik. МЗС Беларусі перадаў Расіі інфармацыю пра затрыманых расійскіх грамадзян, у тым ліку пра Соф'ю Сапегу, пра гэта заявіў міністр замежных спраў Расіі Сяргей Лаўроў.

"Уладзімір Уладзіміравіч Макей праінфармаваў пра сітуацыю з затрыманымі ў Беларусі расійскімі грамадзянамі, маю на ўвазе Соф'ю Сапегу, Ягора Дуднікава", - сказаў ён на прэс-канферэнцыі па выніках перамоў з беларускім калегам Уладзімірам Макеем.

Лаўроў удакладніў, што пасольства Расіі ў Мінску "трымае гэтае пытанне на асаблівым кантролі".

Сустрэча кіраўнікоў знешнепалітычных ведамстваў адбываецца ў Маскве ў пятніцу.

Затрыманне Сапегі

Грамадзянку Расіі Сафію Сапегу затрымалі разам з экс-галоўным рэдактарам Telegram-канала Nexta (прызнанага ў Беларусі экстрэмісцкім) Раманам Пратасевічам пасля экстранай пасадкі самалёта Ryanair у Мінску 23 траўня. Дзяўчыну арыштавалі на два месяцы па падазрэнні ў здзяйсненні шэрага крымінальных злачынстваў у жніўні-верасні 2020 года.

Афіцыйны прадстаўнік МЗС Расіі Марыя Захарава раней заявіла, што пасольства РФ у Мінску атрымала ад беларускіх улад шматразовы дазвол на наведванне Сафіі Сапегі.

Раней у эфіры тэлеканала СТБ было прадстаўлена відэа, у якім Сапега прызналася, што з'яўляецца рэдактарам Telegram-канала "Чорная кніга Беларусі", які публікуе асабістыя дадзеныя сілавікоў. Гэты сэрвіс, як і яго рэгіянальныя версіі, прызнаны ў Беларусі экстрэмісцкім.

На прэс-канферэнцыі, арганізаванай МЗС Беларусі, старшыня Следчага камітэта Дзмітрый Гара распавёў, што Сафія Сапега была затрымана ў аэрапорце па падазрэнні ў здзяйсненні злачынства, прадугледжанага артыкулам 342 КК (удзел у масавых беспарадках). Яна была прыцягнута ў якасці абвінавачанай па іншай крымінальнай справе, якая расследуецца па частцы 3 артыкула 130 (распальванне сацыяльнай варожасці).

Затрыманне Дуднікава

Дуднікаў быў затрыманы 5 траўня ў Мінску. На яго здымнай кватэры правялі вобыск, распачата справа па частцы 1 артыкула 342 Крымінальнага кодэкса ("Арганізацыя дзеянняў, што груба парушаюць грамадскі парадак"), па якой яму пагражае да трох гадоў пазбаўлення волі. Яго вінавацяць у Беларусі ў арганізацыі групавых дзеянняў, якія груба парушаюць грамадскі парадак.

Крымінальную справу, па інфармацыі адваката, у дачыненні да Дуднікава распачалі з-за таго, што ён агучваў ролікі для беларускай апазіцыі.

Расіянін знаходзіцца ў СІЗА нумар 1 УДВП па Мінску і Мінскай вобласці, да гэтага ён знаходзіўся амаль месяц у СІЗА КДБ.

Чытайце таксама:

17
Тэги:
крымінальная справа, справа, Расія, Беларусь, самалёт, Ryanair, Сяргей Лаўроў, Сафія Сапега, інфармацыя, Масква, Мінск
Фантан - любімае месца ўсіх дзяцей

Зноў аранжавы ўзровень: спёка ў Беларусі захоўваецца

24
(абноўлена 16:19 20.06.2021)
Дажджоў сіноптыкі па-ранейшаму не прагназуюць, у некаторых раёнах з-за спякоты забаронена наведванне лясоў.

МІНСК, 20 чэр - Sputnik. У дзённы час у пачатку тыдня на большай частцы Беларусі максімальная тэмпература паветра дасягне +33 градусаў.

Захаваецца спякота 22-23 чэрвеня, чакаецца малавоблачнае надвор'е, пераважна без ападкаў, вецер будзе дзьмуць умераны і паўднёва-ўсходні, паведамілі ў Белгідрамеце.

Сіноптыкі раяць не забываць асноўныя правілы паводзін у спякоту, асабліва для пажылых людзей: не выходзіць з дому без патрэбы падчас максімальнай сонечнай актыўнасці, абавязкова апранаць галаўны ўбор і браць з сабой ваду. Знаходзячыся на вуліцы, можна часам заходзіць у крамы або гандлёвыя цэнтры з кандыцыянерамі.

Надвор'е ў Беларусі ў пачатку тыдня

У Мінску ў панядзелак ападкаў не чакаецца, тэмпература паветра ноччу да +18, днём паветра прагрэецца да +32C.

У Брэсце невялікая воблачнасць, могуць прайсці кароткачасовыя дажджы (іх верагоднасць сіноптыкі ацэньваюць у 5-10%, тэмпература паветра да +32C, такое ж надвор'е чакаецца і ў Гродне.

У Віцебску без ападкаў і да +33C, а вось у Гомелі сіноптыкі не выключаюць дождж, тэмпература паветра да + 32C. У Магілёве невялікая воблачнасць, таксама магчымы кароткачасовы дождж.

Чытайце таксама:

24
Тэги:
Дождж, сіноптыкі, Беларусь, Аранжавы ўзровень небяспекі