Уладзімір Пуцін

Пуцін пералічыў галоўныя пагрозы бяспекі краінам СНД

11
(абноўлена 14:22 05.04.2017)
Практычна кожная з краін СНД з'яўляецца патэнцыйным аб'ектам нападаў тэрарыстаў, заявіў расійскі лідэр.

МІНСК, 5 кра — Sputnik. Прэзідэнт Расіі Уладзімір Пуцін на сустрэчы з кіраўнікамі органаў бяспекі краін СНД назваў пяць асноўных пагроз, якія ўплываюць на сітуацыю ў краінах Садружнасці.

Сустрэча з кіраўнікамі спецслужбаў прайшла праз некалькі дзён пасля выбуху ў піцерскім метро, які, на думку кіраўніка расійскай дзяржавы, пацвярджае, што сітуацыя з пагрозай тэрарызму не паляпшаецца, практычна кожная з краін СНД з'яўляецца патэнцыйным аб'ектам тэрарыстычных нападаў.

"Шмат і іншых пагроз для нашых краін. Гэта і арганізаваная злачыннасць, і наркатрафік. Гэта, дарэчы кажучы, і карупцыя, гэта і ўздзеянне знешніх сіл, якія, так ці інакш, спрабуюць паўплываць на развіццё ўнутрыпалітычных сітуацый у нашых краінах", — сказаў Пуцін.

Кажучы пра складаныя і шматстайныя задачы, якія стаяць перад кіраўнікамі органаў бяспекі, расійскі лідэр адзначыў эфектыўнае супрацоўніцтва спецслужбаў у рамках СНД і выказаў надзею, што гэта ўзаемадзеянне будзе развівацца і далей.

"Мы ведаем, што кожная з нашых краін, практычна кожная, з'яўляецца магчымым, патэнцыйным аб'ектам тэрарыстычных нападаў", — канстатаваў прэзідэнт.

Нагадаем, што прэзідэнт РФ на аналагічнай сустрэчы ў 2015 годзе звярнуў увагу на існуючыя пагрозы вакол краін СНД, да якіх дадаюцца новыя, улічваючы сітуацыю ў Афганістане, на Блізкім Усходзе. Пуцін тады заявіў, што без эфектыўнай работы спецслужбаў дзяржавы не могуць развівацца, эфектыўна змагацца з арганізаванай злачыннасцю і тэрарызмам.

Расійскі лідэр таксама неаднаразова звяртаў увагу на тое, што ў Сірыі сярод баевікоў ёсць выхадцы з Расіі і рэспублік былога СССР. У канцы лютага кіраўнік дзяржавы заявіў, што гаворка ідзе ў агульнай складанасці аб дзевяці тысячах чалавек.

У сваю чаргу Антытэрарыстычны цэнтр СНД паведамляе, што колькасць баевікоў, якія выязджаюць з краін СНД, скарачаецца, назіраецца працэс іх вяртання назад.

11
Тэги:
Тэракт, тэрарызм, СНД, Расія
СІЗА, архіўны фотаздымак

Радзей заключаць пад варту ў Беларусі будуць з 14 красавіка

9
(абноўлена 13:04 03.03.2021)
У цяперашні час да абвінавачаных і падазроных ужываецца сем відаў мер стрымання, асноўная колькасць якіх не звязана з пазбаўленнем волі.

МІНСК, 3 сак – Sputnik. На 20% скарацілася колькасць санкцый, якія тычацца ўжывання меры стрымання ў выглядзе заключэння пад варту абвінавачаных, у мінулым годзе, паведамілі ў Генпракуратуры.

З сярэдзіны красавіка 2021 года ў сілу ўступаюць нормы абноўленага Крымінальна-працэсуальнага кодэкса, у адпаведнасці з якімі пашыраны пералік асоб, якіх не могуць заключаць пад варту.

"З 14 красавіка ўступаюць у сілу навацыі КПК, якімі устанаўліваецца забарона на заключэнне пад варту ў выпадку магчымасцi прымянення больш мяккай меры стрымання", - паведамілі Sputnik у сераду ў Генпракуратуры.

Там удакладнілі, што ў мінулым годзе з ліку абвінавачаных, у дачыненні да якіх дадзена санкцыя на заключэнне пад варту, больш за 50% былі раней судзімыя, больш за 10% хаваліся ад органа крымінальнага пераследу, больш за 5% - замежныя грамадзяне і асобы без грамадзянства, а 5 % - не мелі пэўнага месца жыхарства.

Адзначым, што з-за адсутнасці дастатковых падстаў пракуроры ў мінулым годзе адмовілі ў дачы санкцыі на заключэнне пад варту ў дачыненні да 315 грамадзян.

Меры стрымання ў Беларусі

У адпаведнасці з КПК, у цяперашні час у Беларусі да абвінавачаных і падазроных ужываецца сем відаў мер стрымання, з якіх пераважная большасць не звязана з пазбаўленнем волі.

Сярод іх - падпіска аб нявыездзе і належных паводзінах, асабістае даручальніцтва, залог, перадача асобы, на якую распаўсюджваецца статус ваеннаслужачага, пад назіранне камандавання вайсковай часткі. Непаўналетніх могуць аддаваць пад нагляд на час следства. Таксама ў Беларусі прымяняецца такая мера стрымання, як хатні арышт.

Тэрмін утрымання пад вартай вылічаецца з часу заключэння падазронага, абвінавачанага пад варту і да перадачы крымінальнай справы пракурору для накіравання ў суд. Знаходжанне абвінавачанага пад вартай больш за тры месяцы падчас следства можа быць падоўжана да трох месяцаў пракурорамі раёнаў. Далей тэрміны ўтрымання абвінавачанага пад вартай падаўжаюць пракуроры вобласці, горада Мінска або іх намеснікі да шасці месяцаў.

Падаўжэнне тэрміну ўтрымання пад вартай звыш шасці месяцаў дапускаецца толькі ў дачыненні да асоб, якія абвінавачваюцца ў здзяйсненні цяжкіх або асабліва цяжкіх злачынстваў, а таксама аб'ёмных крымінальных спраў.

Чытайце таксама:

9
Тэги:
воля, мера стрымання, варта, Беларусь
Беларускі знішчальнік Су-30СМ падчас паветранай бітвы

Лукашэнка: самалёты НАТА "змыліся", калі насустрач вылецелі Су-30

21
(абноўлена 17:48 02.03.2021)
Лукашэнка расказаў, як два тыдні таму самалёты НАТА спрабавалі наблізіцца да мяжы Саюзнай дзяржавы.

МІНСК, 3 сак – Sputnik. Баз для авіяцыі ў Беларусі дастаткова, лепш купіць ці пабудаваць новыя самалёты для забеспячэння бяспекі, сказаў прэзідэнт рэспублікі Аляксандр Лукашэнка.

Прэзідэнт у аўторак правёў нараду па пытанні беларуска-расійскага супрацоўніцтва ў ваеннай сферы.

Ён заявіў, што пару тыдняў таму самалёты НАТА выляталі на беларускую мяжу.

"І што мы вымушаны былі зрабіць? Мы паднялі Су-30 - самалёт новы - і насустрач падляцелі ім. Змыліся за сотню кіламетраў. Гэта сведчыць аб тым, што нас будуць увесь час торгаць, а мы павінны адказваць", - цытуе Лукашэнку яго прэс- служба.

Працаваць разам

Беларускі лідэр успомніў, як падчас чэмпіянату свету па хакеі 2014 года расійскія самалёты прыляцелі ў рэспубліку для нясення сумеснага дзяжурства. Прытым удзельнічалі лётчыкі абедзвюх краін. Гэты вопыт можна выкарыстоўваць і ў далейшым, лічыць прэзідэнт.

"Дайце нам гэтыя самалёты. Але на гэтых самалётах, як тады, павінны лётаць расіяне і беларусы разам. А баз дастаткова, іх не трэба ствараць, навошта грошы дарма марнаваць? Лепш купіць ці пабудаваць новыя самалёты для гэтага", - сказаў ён.

Паводле слоў Лукашэнкі, калі авіяцыя будзе знаходзіцца ў Беларусі, то да яе трэба прасіць і ўзбраенне, прытым "сучасная зброя павінна быць".

Прэзідэнт адзначыў, што Беларусь і Расія маюць намер і далей дзейнічаць у рамках сумеснай групоўкі войск. Ён звярнуў увагу на расійскія перадавыя методыкі вядзення баявых дзеянняў, якія беларусам трэба пераймаць. Таксама варта сумесна асвойваць найноўшае ўзбраенне, дадаў Лукашэнка.

Новыя Су-30

Беларусь чакае другую партыю расійскіх самалётаў Су-30СМ у кастрычніку 2022 года.

Су-30СМ - цяжкі шматмэтавы знішчальнік, прызначаны для вядзення паветранага бою, заваявання панавання ў паветры, знішчэння паветраных цэляў днём і ноччу, у простых і складаных метэаўмовах, а таксама на фоне зямлі.

Звышманёўранасць - мабыць, самая адметная асаблівасць Су-30 СМ. Самалёт валодае рухавіком з кіраваным вектарам цягі. Па ідэі канструктараў, такое апярэнне дазваляе выконваць неймаверныя віражы і літаральна завісаць у паветры.

Чытайце таксама:

21
Тэги:
Саюзная дзяржава, НАТА, Самалёты, Аляксандр Лукашэнка
Тэмы:
Саюзная дзяржава Беларусі і Расіі
Здымак планеты Зямля з космасу, архіўны фотаздымак

Два ўсплёскі магнітнай буры зафіксавалі навукоўцы

0
(абноўлена 17:57 03.03.2021)
Папярэдняя магнітная бура была зафіксавана 1 сакавiка i была сярэдняга (умеранага) ўзроўню.

МІНСК, 3 сак – Sputnik. Адразу два ўсплёскі магнітнай буры адбыліся на працягу мінулай ночы, паведамляе сайт Лабараторыі рэнтгенаўскай астраноміі Сонца Фізічнага інстытута акадэміі навук.

Па дадзеных навукоўцаў, слабыя магнітныя буры адбыліся да паўночы і ў раёне з 3 да 6-й раніцы. Да гэтага яны лічылі, што ў другой палове ночы ніякіх бур быць не павінна, а магнітасфэра Зямлі павінна была быць спакойнай.

Папярэдняя магнітная бура была зафіксавана 1 сакавiка i была сярэдняга (умеранага) ўзроўню.

Усяго ў класіфікацыі магнітных бур пяць узроўняў - ад G1 да G5. Лічыцца, што слабая бура можа справакаваць нязначныя збоі ў працы энергасістэм, а таксама паўплываць на шляхі міграцый птушак і жывёл.

Больш моцныя буры выклікаюць парушэнні караткахвалевай сувязі і работы навігацыйных сістэм, а таксама збоі напружання ў прамысловых сетках.

0
Тэги:
магнітная бура, Навукоўцы