Беларускія ваенныя назіраюць за маштабнымі вайсковымі вучэннямі ў Літве

© Фото: LRKAMЛітоўскія салдаты трэніруюцца, архіўнае фота
Літоўскія салдаты трэніруюцца, архіўнае фота - Sputnik Беларусь
Падпісацца
Найбуйнейшыя нацыянальныя ваенныя вучэнні ў Літве, у якіх прымаюць удзел саюзнікі краіны па НАТА, працягнуцца два тыдні.

МІНСК, 1 чэр — Sputnik. Найбуйнейшыя ў гісторыі Літвы нацыянальныя ваенныя манеўры Perkuno griausmas ("Гром Пяркунас") пачнуцца 1 чэрвеня, у ліку назіральнікаў у Літву на вучэнні запрошаны беларускія ваенныя, паведаміла літоўскае абароннае ведамства.

Шматлікія гледачы ваеннага параду ў Мінску - Sputnik Беларусь
Упершыню ў парадзе на Дзень Незалежнасці прыме ўдзел "жаночы полк"

Маштабныя вучэнні працягнуцца з 1 па 15 чэрвеня. У іх возьмуць удзел каля 9 тысяч ваеннаслужачых. У літоўскай арміі заявілі, што надаюць вялікае значэнне празрыстасці вучэнняў.

"Для забеспячэння празрыстасці і духу адкрытасці ў якасці назіральнікаў на манеўры запрошаны прадстаўнікі Расіі, Беларусі, Фінляндыі і Швецыі", — паведамілі ў абаронным ведамстве.

Там таксама паведамілі, што ў вучэннях Perkuno griausmas удзельнічаюць вайсковыя падраздзяленні і падраздзяленні органаў унутраных спраў Літвы.

Разам з тым у міністэрстве адзначылі, што, нягледзячы на нацыянальны статус вучэнняў, у іх возьмуць удзел саюзнікі Літвы па НАТА з раскватараванага ў краіне зводнага батальёна альянсу перадавога базавання пад камандаваннем Германіі. Акрамя гэтага ў Літву на манеўры прыбыў кантынгент з Партугаліі, паведамілі літоўскія вайскоўцы.

Яны падкрэслілі, што вучэнні носяць абарончы характар і іх варта расцэньваць як падрыхтоўку арміі да забеспячэння бяспекі краіны.

Стужка навiн
0