Танк каманды арміі Беларусі

Беларусы ў трэці раз перамаглі на "Танкавым біятлоне"

18
(абноўлена 09:41 06.08.2018)
Каманда беларускіх танкістаў выйграла ўсе тры індывідуальныя заезды ў сваёй групе, зараз экіпаж чакае барацьба ў эстафеце.

МІНСК, 4 жні — Sputnik. Беларуская каманда трэці раз запар атрымала перамогу ў "Танкавым біятлоне", які праходзіць на падмаскоўным палігоне ў Алабіна ў рамках вайсковых гульняў АрМГ-2018.

Экіпаж беларускага танка скончыў этап з лепшым часам 20 хвілін і 22 секунды і адным промахам. На другім месцы зноў фінішавалі танкісты з Сірыі, саступіўшы пераможцам больш за дзевяць хвілін і дапусціўшы тры промахі.

Трэцяй зноў прыехала каманда з Таджыкістана, аднак адрыў ад уладальнікаў другога месца быў на гэты раз мінімальны — усяго 18 секунд. Таджыкскія танкісты дапусцілі два промахі, аднак здзейснілі памылкі, якія прывялі да страты часу.

Па максімальнай хуткасці беларусы на гэты раз падзялілі пальму першынства з сірыйцамі — абодва экіпажы разагналі свае танкі да 67 кіламетраў у гадзіну.

Беларускія экіпажы выйгралі ўсе тры індывідуальныя заезды ў сваёй групе. На другім месцы ідзе каманда Сірыі, на трэцім — танкісты з Таджыкістана. Цяпер беларусаў чакае ўдзел у эстафеце. Танкісты ўжо на працягу некалькіх гадоў з'яўляюцца аднымі з фаварытаў танкавых спаборніцтваў.

18
Тэги:
танкавы біятлон, Армейскія міжнародныя гульні, Расія, Беларусь
По теме
Костка: на "АрМГ-2018" мы пераймаем вопыт усіх краін-удзельніц
Каментары