Мабільны браніраваны транспартны сродак Кайман беларускай вытворчасці

Беларуская "абаронка" пакажа ў РФ найноўшыя ўзоры зброевай тэхнікі

18
(абноўлена 17:48 21.08.2018)
У маштабнай міжнароднай выставе ўзбраення, акрамя краін АДКБ, прымуць удзел Кітай, Індыя, Турцыя.

МІНСК, 21 жні — Sputnik. Больш за 150 узораў прадукцыі Ваенна-прамысловага комплексу прадставіць Беларусь на міжнародным форуме "Армія-2018" у Падмаскоўі, паведамілі Sputnik у панядзелак у Дзяржаўным ваенна-прамысловым камітэце.

4-ы Міжнародны ваенна-тэхнічны форум "Армія-2018" пройдзе 21-26 жніўня ў Кубінцы (Маскоўская вобласць). Экспазіцыя разгарнецца на плошчах Кангрэс-выставачнага цэнтра "Патрыёт". У выставе прымуць удзел краіны — удзельніцы АДКБ. Прывязуць прадукцыю сваёй "абаронкі" Індыя, Іран, Кітай, Турцыя. Плануецца, што ў выставе прымуць удзел амаль 1300 прадпрыемстваў расійскага ВПК. Усяго чакаецца ўдзел 15 краін.

"Наш беларускі ВПК будуць прадстаўляць больш за 150 узораў ваеннага прызначэння, частка з іх будзе выстаўлена ўпершыню", — паведаміў Sputnik у панядзелак афіцыйны прадстаўнік ВПК Беларусі Уладзімір Лаўрэнюк.

Паводле яго слоў, Беларусь пакажа на падмаскоўнай зброевай выставе рабатызаваную тэхніку, новыя распрацоўкі стралковай зброі, мабільныя і індывідуальныя сродкі радыёсувязі, радыёлакацыйныя станцыі і іншыя ўзоры.

Акрамя гэтага, на экспазіцыі будзе прадстаўлена лёгкабраніраваная тэхніка, аптычныя прыцэлы, кішэнныя камп'ютары, трэнажорныя комплексы і іншыя распрацоўкі.

Сярод навінак беларускага ВПК — комплекс камандзірскіх машын кіравання агнём "Легіён-Б", аўтаматызаваная сістэма кіравання для сіл спецыяльных аперацый "Альянс", зенітна-ракетны комплекс "Трыа".

18
Тэги:
зброя, Выстава, Дзяржаўны ваенна-прамысловы камітэт Беларусі (ДВПК Беларусі), Расія, Беларусь