Зенітчыкі прыступілі да дзяжурства каля БелАЭС

Зенітчыкі прыступілі да дзяжурства каля БелАЭС

11
(абноўлена 09:13 02.12.2018)
На ўзбраенне зенітнага палка неўзабаве паступіць ЗРК "Тор-М2".

МІНСК, 2 сне - Sputnik. На баявое дзяжурства каля Беларускай атамнай электрастанцыі заступілі вайскоўцы 1146-га гвардзейскага зенітнага ракетнага палка ВПС і войскаў СПА, паведамілі ў прэс-службе Міністэрства абароны. У задачы палка будзе ўваходзіць нясенне баявога дзяжурства па супрацьпаветранай абароне БелАЭС.

1146-ы полк быў сфарміраваны год таму, а гэтым летам размясціўся ў ваенным гарадку Варняны непадалёк ад будоўлі Беларускай АЭС.

Урачысты рытуал заступлення на баявое дзяжурства прайшоў у прысутнасці ўсяго асабовага складу палка. За цырымоніяй назіралі таксама запрошаныя госці і жыхары Астравецкага раёна.

Гатоўнасць да выканання пастаўленай задачы вайскоўцы пацвердзілі ў ходзе аператыўна-тактычнага вучэння на палігонах Беларусі і Расіі. У прыватнасці, падчас стрэльбаў на расійскім палігоне Ашулук, вайскоўцы змаглі ўразіць ўсе тыпы цэляў, якія імітавалі палёты крылатых ракет на малых вышынях, палёты беспілотнікаў, а таксама цэлі, якія ляцяць па балістычнай траекторыі, распавёў журналістам у Астраўцы камандуючы ВПС і войскамі СПА ВС Ігар Голуб.

"Хутка полк прыме чарговую зенітную ракетную батарэю "Тор-М2", якая ўжо знаходзіцца ў шляху з расійскага прадпрыемства", - цытуе Голуба агенцтва БелТА.

Акрамя таго, у будучым годзе полк прыме ўдзел у сумесным аператыўным вучэнні "Шчыт Саюза - 2019", якое пройдзе на палігонах Расіі.

11
Тэги:
БелАЭС
Каментары