Меры бяспекі ўзмоцняць у Раўбічах: аглядаць будуць два разы

© Sputnik / Виктор ТолочкоГледачы ў Раўбічах
Гледачы ў Раўбічах - Sputnik Беларусь
Падпісацца
Арганізатары звярнуліся да гледачоў з просьбай прыходзіць на мерапрыемствы загадзя, каб пазбегнуць чэргаў у прапускных пунктах.

МІНСК, 15 лют - Sputnik. Праваахоўнікі ўзмоцняць меры бяспекі ў Раўбічах, дзе на будучым тыдні пройдзе біятлонная "Гонка легенд" і чэмпіянат Еўропы, паведамілі ў прэс-службе Беларускай федэрацыі біятлона (БФБ).

Французскі біятланіст Мартэн Фуркад - Sputnik Беларусь
Домрачава: магчыма, Фуркад прыедзе на ЧЕ па біятлоне

РЦАП "Раўбічы" 18 лютага прыме "Гонку легенд" з удзелам зорак сусветнага біятлону "на пенсіі", у тым ліку чатырохкратнай алімпійскай чэмпіёнкі Дар'і Домрачавай і яе мужа Уле Эйнара Б'ёрндалена. Затым, з 20 па 24 лютага, у спарткомплексе пройдзе ЧЕ.

"Так, уваход грамадзян на мерапрыемствы будзе ажыццяўляцца пасля праверкі іх ручной паклажы і асабістага надгляду з выкарыстаннем тэхнічных сродкаў", - распавялі ў БФБ.

Пункты пропуску будуць арганізаваны на падыходах да месцаў спартыўных мерапрыемстваў. "Гэта сусветная практыка. Галоўная задача - забяспечыць бяспеку людзей, правядзенне мерапрыемстваў у нармальнай, спакойнай абстаноўцы", - растлумачылі ў БФБ і дадалі, што сіл і сродкаў у праваахоўнікаў дастаткова.

"Але неабходна падтрымка і разуменне саміх грамадзян", - дадалі ў БФБ.

Суразмоўцы агенцтва звярнулі ўвагу, што п'яных заўзятараў не пусцяць на мерапрыемства.

"Распіццё спіртных напояў, дробнае хуліганства, нейкае неадчэпнае прыставанне да грамадзян і іншыя дзеянні, якія парушаюць грамадскі парадак, забаронены і будуць спыняцца. Парушальнікаў прыцягнуць да адміністрацыйнай адказнасці", - дадалі ў БФБ.

У выпадку выяўлення падазроных прадметаў неабходна звярнуцца ў міліцыю.

Стужка навiн
0