Прызыўнікі адпраўляюцца ў войска, архіўнае фота

Магістрантаў і аспірантаў хочуць пазбавіць адтэрміновак ад войска

66
(абноўлена 11:34 22.02.2019)
Калі прапановы Мінабароны будуць падтрыманы, адтэрміноўка ад арміі на адукацыю будзе выдавацца толькі адзін раз.

МІНСК, 22 лют - Sputnik. Міністэрства абароны Беларусі прапануе перагледзець правілы прадастаўлення адтэрміновак ад тэрміновай службы на атрыманне адукацыі, заявіў кіраўнік абароннага ведамства Андрэй Раўкоў у эфіры тэлеканала АНТ.

Міністр абароны паскардзіўся на дэфіцыт прызыўной моладзі, якая падыходзіць па стане здароўя і не мае ніякіх адтэрміновак. Па словах Раўкова, гэтая сітуацыя турбуе, бо гаворка ідзе аб нацыянальнай бяспецы.

З улікам сітуацыі, якая склалася, Мінабароны прапануе ўнесці пэўныя змены ў заканадаўства. Як патлумачыў Раўкоў, калі фармавалася дзеючая заканадаўчая база, дэмаграфічных праблем не было.

"На пачатку 2000 гадоў быў сур'ёзны лішак прызыўнікоў, і дзяржава магла сабе дазволіць даваць адтэрміноўкі для атрымання другой і наступных адукацый. То бок, не было неабходнасці ў нейкіх абмежаваннях. Зараз жа колькасць прызыўнікоў зменшылася з-за дэмаграфічнай ямы амаль у два разы" , - адзначыў Раўкоў.

Па словах міністра, са ста чалавек 70 атрымліваюць па тых ці іншых прычынах адтэрміноўкі і не ідуць у войска. Большасць жа адтэрміновак выдаюцца на адукацыю. Зрэшты, гэтую сітуацыю спадзяюцца змяніць.

"Што ж тычыцца адтэрміноўкі на адукацыю, то ён (прызыўнік - Sputnik) будзе мець магчымасць атрымаць яе толькі адзін раз: паступіў 18 гадоў у навучальную ўстанову, атрымаў адтэрміноўку, адвучыўся - усё, ідзе служыць на тэрміновую службу", - дадаў кіраўнік Мінабароны.

Такім чынам, калі падобная ініцыятыва будзе падтрымана, то жадаючыя вучыцца ў магістратуры і аспірантуры атрымліваць адтэрміноўку на атрыманне адукацыі больш не змогуць - гэтак жа, як і тыя, хто хоча перапаступіць або атрымліваць другую адукацыю. Зрэшты, пакуль падрабязнасці прапанаваных змяненняў не вядомыя.

66
Тэги:
Міністэрства абароны РБ, Беларусь, Андрэй Раўкоў
Тэмы:
Закон аб адтэрміноўцы: апошнія навіны (24)
Дзяржаўныя сцягі Расіі і Беларусі

Беларусь і Расія выступаюць за пошук рашэння па Дамове аб адкрытым небе

3
(абноўлена 16:09 06.07.2020)
Мінск і Масква, як гаворыцца ў заяве, выказваюць шкадаванне ў сувязі з рашэннем ЗША пра выхад з Дамовы па адкрытым небе.

МІНСК, 6 ліп - Sputnik. Беларусь і Расія гатовыя да раўнапраўнага дыялога, накіраванага на пошук комплекснага вырашэння праблем выканання Дамовы аб адкрытым небе, адпаведную заяву зрабілі МЗС дзвюх краін.

Канферэнцыі па ацэнцы наступстваў выхаду ЗША з Дамовы па адкрытым небе праходзіць у панядзелак у Вене. У сувязі з гэтым мерапрыемствам МЗС дзвюх краін падрыхтавалі заяву, яе тэкст таксама распаўсюдзілі дэлегацыі сярод удзельнікаў канферэнцыі.

"Рэспубліка Беларусь і Расійская Федэрацыя выказваюць шкадаванне ў сувязі з рашэннем ЗША пра выхад з Дамовы па адкрытым небе. Гэты крок здольны нанесці сур'ёзны ўрон архітэктуры агульнаеўрапейскай бяспекі і сістэме дамоўленасцяў у галіне кантролю над узбраеннямі", - адзначана ў заяве.

Беларусь і Расія, якія складаюць групу краін-удзельніц дамовы, "гатовыя да раўнапраўнага і ўзаемапаважлівага дыялога, накіраванага на пошук комплекснага вырашэння праблем выканання дамовы, без ультыматумаў і пры ўліку усімі яго бакамі інтарэсаў і заклапочанасцящ адзін аднаго".

У заяве таксама падкрэсліваецца, што пры вызначэнні і рэалізацыі лініі ў дачыненні да ДАН краіны будуць цесна супрацоўнічаць у рамках групы дзяржаў-удзельніц дагавора, "кіруючыся мэтамі падтрымання міжнароднай стабільнасці, павышэння эфектыўнасці і жыццяздольнасці дагавора за кошт ўмацавання даверу паміж дзяржавамі-удзельнікамі і з улікам забеспячэння інтарэсаў Беларусі і Расіі".

3
Тэги:
Беларусь, Расія
Парад Перамогі ў Мінску -2020

Лукашэнка заявіў пра пагрозу разбурэння сістэмы кантролю над узбраеннямі

2
(абноўлена 12:45 06.07.2020)
Сутыкнення геапалітычных інтарэсаў звышдзяржаў падаграваюць існуючыя і спараджаюць новыя лакальныя канфлікты, падкрэслівае прэзідэнт Беларусі.

МІНСК, 6 ліп - Sputnik. Пагроза разбурэння глабальнай сістэмы кантролю над узбраеннямі ўжо стала рэальнасцю, заявіў прэзідэнт Беларусі Аляксандр Лукашэнка.

Кіраўнік дзяржавы ў панядзелак прыняў удзел у цырымоніі ўшанавання выпускнікоў вышэйшых ваенных навучальных устаноў і вышэйшага афіцэрскага складу.

"Сённяшняй рэальнасцю стала пагроза разбурэння глабальнай сістэмы кантролю над узбраеннямі, у тым ліку ядзернымі, нягледзячы на тое, што 75 гадоў таму назад усе адчулі і зразумелі, што такое вайна", - сказаў у сваёй прамове Лукашэнка.

Па словах прэзідэнта, "сутыкненні геапалітычных інтарэсаў звышдзяржаў падаграваюць існуючыя і спараджаюць новыя лакальныя канфлікты". Універсальных рэцэптаў для іх вырашэння, упэўнены Лукашэнка, няма.

"Відавочна, што мілітарызацыя Усходняй Еўропы і актывізацыя ваеннай дзейнасці, у тым ліку каля нашых межаў, ні да чаго добрага не вядзе. Рызыкі і выклікі ў ваеннай сферы растуць, давер паміж краінамі падрываецца, і на гэтым фоне эканамічныя, дэмаграфічныя, а таксама экалагічныя праблемы будуць абвастрацца", - дадаў прэзідэнт, яго цытуе БелТА.

Беларусь, зазначыў Лукашэнка, выступае актыўным удзельнікам працэсу ўмацавання міжнароднай бяспекі.

Нагадаем, некалькі гадоў таму ў Беларусі ўпершыню прагучала ідэя аб ініцыятыве "Хельсінкі-2", якая дапамагла б умацаваць бяспеку ў Еўропе і свеце ў цэлым. Зрэшты, да гэтага часу міжнародная супольнасць не зрабіла крокаў у гэтым кірунку.

2
Тэги:
Бяспека, Беларусь, Аляксандр Лукашэнка
У студэнцкай вёсцы

Прэзідэнт даручыў пабудаваць чатыры новыя інтэрнаты ВНУ

0
(абноўлена 17:26 06.07.2020)
Гаворка ідзе пра ўзвядзенне новых інтэрнатаў для шэрагу сталічных універсітэтаў - ад БДУІР да БДУФК.

МІНСК, 6 ліп - Sputnik. Прэзідэнт Беларусі Аляксандр Лукашэнка сваім распараджэннем ад 2 лiпеня 2020 г. № 121рп даручыў пабудаваць новыя інтэрнаты для шэрагу ВНУ, паведамілі на Нацыянальным прававым інтэрнэт-партале.
Пабудаваць новыя інтэрнаты для сталічных ВНУ павінны да 2024 года.

Як паведамляюць у НЦПІ, гаворка ідзе пра інтэрнат на 1030 месцаў - яго падзеляць студэнты Беларускага дзяржаўнага ўніверсітэта інфарматыкі і радыёэлектронікі (БДУІР) і Беларускага дзяржаўнага медыцынскага ўніверсітэта (БДМУ).

Акрамя таго, новы інтэрнат пабудуюць для Беларускага нацыянальнага тэхнічнага ўніверсітэта (БНТУ) і Беларускага дзяржаўнага тэхналагічнага ўніверсітэта (БДТУ), абодва - на 1030 месцаў.

Таксама на 700 месцаў плануецца пабудаваць інтэрнат для Беларускага дзяржаўнага ўніверсітэта фізічнай культуры (БДУФК).

Да 2024 года плануюць таксама ўзвесці навучальны корпус практыка-арыентаванага навучання для БДМУ.
"Дакументам вызначаны генеральныя праектныя і падрадныя арганізацыі па будаўніцтве гэтых аб'ектаў, а таксама парадак прадастаўлення і пагашэння крэдытаў на названыя мэты", - паведамілі ў НЦПІ.

Дзе будуць пабудаваны новыя інтэрнаты, пакуль не вядома.

Нагадаем, кіраўнік дзяржавы раней паставіў задачу забяспечыць усіх студэнтаў ВНУ магчымасцю пражываць у інтэрнатах. Сёння праблема з колькасцю месцаў ёсць толькі ў мінскіх універсітэтах, у рэгіёнах недахопу інтэрнатаў няма.

0
Тэги:
ВНУ, Беларусь, Аляксандр Лукашэнка