Да новага навучальнага года ў школах Беларусі з'явяцца трывожныя кнопкі

© Sputnik / Антон Уницын / Перайсці ў медыябанкДа новага навучальнага года ў школах Беларусі з'явяцца трывожныя кнопкі
Да новага навучальнага года ў школах Беларусі з'явяцца трывожныя кнопкі - Sputnik Беларусь
Падпісацца
Часцей за ўсё праваахоўнікі выязджаюць на сігналы трывогі, звязаныя з распіццём спіртных напояў на тэрыторыі ўстаноў адукацыі або з хуліганствам.

МІНСК, 11 кра - Sputnik. Кнопкамі трывожнай сігналізацыі аснасцяць ўсе школы і гімназіі да новага навучальнага года, паведамілі прадстаўнікі Мінадукацыі падчас круглага стала ў БелТА.

Мінадукацыі хоча забараніць гаджэты і ўвесці заняткі па псіхалогіі - Sputnik Беларусь
Мінадукацыі хоча забараніць гаджэты і ўвесці заняткі па псіхалогіі

Новаўвядзенне закране навучальныя ўстановы, якія знаходзяцца ў зоне рэагавання падраздзяленняў Дэпартамента аховы МУС.

"Прыблізна ў палове з 2813 устаноў сярэдняй адукацыі ёсць тэхнічныя ўмовы для аснашчэння іх кнопкамі трывожнай сігналізацыі", - адзначыла спецыяліст Мінадукацыі Аляксандра Аляксеева.

Тыя навучальныя ўстановы, якія не ўваходзяць у зону рэагавання Дэпартамента аховы МУС, у перспектыве будуць падлучаныя да тэрытарыяльных райаддзелаў міліцыі. У 3128 установах адукацыі розных узроўняў з 3894, якія знаходзяцца ў зоне рэагавання Дэпартамента аховы, ужо ўстаноўлены кнопкі трывожнай сігналізацыі.

Як адзначыў намеснік начальніка Дэпартамента аховы МУС - начальнік упраўлення сродкаў і сістэм аховы Алег Шаблыка, часцей за ўсё праваахоўнікі выязджаюць на сігналы трывогі, звязаныя з распіццём спіртных напояў на тэрыторыі ўстаноў адукацыі або недалёка ад іх і з хуліганствам.

Пасля трагічных падзей у Стаўбцоўскай школе ў лютым гэтага года, калі школьнік з нажом напаў на настаўніцу і вучня, у краіне пачалі правяраць меры бяспекі ў навучальных установах. Шматлікія праверкі розных ведамстваў не выявілі неабходных "трывожных кнопак" у шэрагу школ, інтэрнатаў і цэнтраў развіцця.

Стужка навiн
0