Клавіятура

Беларусь і Расія падпісалі план супрацоўніцтва па кібербяспецы

7
(абноўлена 08:49 11.09.2019)
План прадугледжвае шэраг мер у сферы забеспячэння міжнароднай інфармацыйнай бяспекі.

МІНСК, 11 вер - Sputnik. Сакратар Савета бяспекі Беларусі Станіслаў Зась і яго расійскі калега Мікалай Патрушаў падпісалі план супрацоўніцтва ў галіне міжнароднай інфармацыйнай бяспекі, паведаміла прэс-служба Савета бяспекі Расіі.

Патрушаў прыбыў у беларускую сталіцу ў аўторак 10 верасня і правёў сустрэчу з прэзідэнтам краіны Аляксандрам Лукашэнкам, абмеркаваўшы з ім пытанні міжнароднай і рэгіянальнай бяспекі, а таксама тэму выхаду ЗША з ДРСМД. Пасля сакратар расійскага Савета бяспекі адправіўся на перамовы з Засем.

"Мікалай Патрушаў і Станіслаў Зась падпісалі план рэалізацыі асноўных напрамкаў расійска-беларускага супрацоўніцтва ў галіне забеспячэння міжнароднай інфармацыйнай бяспекі на 2019-2020 гады", - гаворыцца ў паведамленні.

У прэс-службе ведамства ўдакладнілі, што гэты план прадугледжвае сумесныя меры ў сферы інфармбяспекі, правядзенне кансультацый у дадзенай вобласці, абмен звесткамі, аналіз і ацэнку пагроз і каардынацыю мер рэагавання на іх.

Акрамя таго, Зась і Патрушаў абмеркавалі пытанні ўзаемадзеяння краін у рамках розных міжнародных арганізацый, такіх як ААН, АЗХЗ і АБСЕ, разгледзелі цяперашні стан механізмаў кантролю над узбраеннямі.

7
Тэги:
Расія, Беларусь, Кібербяспека

Бяспека