Вайскоўцы падчас беларуска-расійскіх вучэнняў Шчыт Саюза

Дэпутаты адобрылі змяненні ў дагавор аб ваенным супрацоўніцтве РФ і РБ

28
(абноўлена 13:27 02.10.2019)
Прапанаваныя змены ў гэтае пагадненне паміж дзвюма краінамі ў Авальнай зале прадставіў кіраўнік абароннага ведамства.

МІНСК, 2 кас - Sputnik. Беларускія дэпутаты ратыфікавалі змены і дапаўненні ў дагавор аб ваенным супрацоўніцтве паміж Беларуссю і Расіяй ад 19 снежня 1997 года. Праект закона ў Авальнай зале прадставіў міністр абароны Беларусі Андрэй Раўкоў, перадае карэспандэнт Sputnik.

Праект закона "Аб ратыфікацыі Пратакола аб унясенні змяненняў у дагавор паміж Рэспублікай Беларусь і Расійскай Федэрацыяй аб ваенным супрацоўніцтве ад 19 снежня 1997 года" быў унесены ў Палату прадстаўнікоў у канцы чэрвеня 2019 года. Сам пратакол быў падпісаны ў Маскве 17 снежня 2018 года.

Праект закона знаходзіўся ў камісіі па нацыянальнай бяспецы ніжняй палаты беларускага парламента.

На прадстаўленне законапраекта і яго ратыфікацыю спатрэбілася каля 10 хвілін, пасля гэтага кіраўнік абароннага ведамства коратка патлумачыў журналістам сутнасць пытання.

"Змяняюцца назвы двух органаў, і ёсць тэхнічныя ўдакладненні. Таму нічога там (у пратаколе змяненняў і дапаўненняў - Sputnik) звышнатуральнага няма, нічога асаблівага няма", - сказаў міністр.

Паводле яго слоў, дагавор аб вайсковым супрацоўніцтве, у які ўносяцца папраўкі, з'яўляецца ўніверсальным базавым дагаворам.

"Усе яго палажэнні змешчаныя на 4 старонках, там усё выразна і ясна напісана, задавальняе абодва бакі, з'яўляецца асновай для нашага ўзаемадзеяння", - удакладніў кіраўнік ведамства.

І падкрэсліў, што з цягам часу гэты дакумент аб двухбаковым ваенным супрацоўніцтве "падлягае развіццю".

28
Тэги:
Беларусь, Расія, Андрэй Раўкоў, Міністэрства абароны РБ

Бяспека