Калона танкаў M1 Abrams, архіўнае фота

Лукашэнка даручыў прадумаць рэакцыю на з'яўленне "Абрамса" ў Літве

20
(абноўлена 09:27 23.10.2019)
Канкрэтныя прапановы па мерам у адказ павінны быць даложаны кіраўніку дзяржавы ўжо ў пачатку наступнага тыдня.

МІНСК, 23 кас - Sputnik. Прэзідэнт Беларусі Аляксандр Лукашэнка даручыў Савету бяспекі і Міністэрству абароны прадумаць рэакцыю на перакідку бранятанкавай дывізіі НАТА да беларускай мяжы, пра гэта паведаміў дзяржсакратар Савета бяспекі Станіслаў Зась.

Падраздзяленні 1-й бранятанкавай дывізіі НАТА ўжо прыбываюць у Літву для ўдзелу ў ваенных вучэннях, якія запланаваны на вясну наступнага года. Дыслацыравацца амерыканскія танкі "Абрамс" і самаходкі "Брэдлі" будуць на палігоне Пабрадэ, гэта прыкладна ў 15 кіламетрах ад мяжы з Беларуссю.

"Да гэтага часу амерыканскіх падраздзяленняў у гэтай краіне не было. Зараз яны там з'яўляюцца", - цытуе БелТА словы Зася.

Дзяржсакратар адзначыў, што любая краіна прапрацоўвала бы ў такой сітуацыі меры ў адказ. І беларускі лідар даручыў прадумаць рэакцыю ў адказ Савету бяспекі і Мінабароны і прадставіць яму прапановы ў пачатку наступнага тыдня. Зась дадаў, што ўсё гэта адбываецца на фоне напружанасці ў свеце і рэгіёне, якая расце.

"Ці патрэбна Літве такая дадатковая напружанасць паміж нашымі дружалюбнымі народамі, хай яны самі прымаюць рашэнне", - заўважыў дзяржсакратар Савета бяспекі.

Ён адзначыў, што Беларусь занепакоеная і маштабнымі вучэннямі НАТА Defender Europe, запланаванымі на будучую вясну. У манеўрах прымуць удзел каля 40 тысяч вайскоўцаў, каля паловы з іх - амерыканскія. Паводле слоў дзяржсакратара, падчас вучэнняў будзе адпрацоўвацца перакідка на кантынент войскаў рознымі спосабамі.

"Ваенныя выдаткі ва ўсіх нашых суседзяў у апошнія гады растуць. Мала таго, што яны больш, чым у Беларусі і ў грашовых адзінках, і ў працэнтах ад ВУП, але яны растуць. Гэта значыць у наяўнасці мілітарызацыя гэтага рэгіёну", - прыйшоў да высновы Зась.

Раней Лукашэнка на саміце ў Ашхабадзе 11 кастрычніка выказаў непакой надыходзячымі вучэннямі НАТА каля беларускіх межаў. Прэзідэнт Расіі Уладзімір Пуцін адрэагаваў тады больш спакойна, але ўсё ж прапанаваў абмеркаваць гэта з кіраўнікамі дзяржаў СНД.

20
Тэги:
Міністэрства абароны РБ, Аляксандр Лукашэнка, Беларусь, НАТА
Аляксандр Вальфовіч у аэрапорце

Дзяржсакратар Савета бяспекі Беларусі паставіў задачы мытнікам і пагранічнікам

6
(абноўлена 21:23 15.04.2021)
Аляксандр Вальфовіч наведаў пункт пропуску "Нацыянальны аэрапорт Мінск", дзе заслухаў даклады кіраўніцтва ДМК і прадстаўнікоў органаў пагранічнай службы

МІНСК, 16 кра – Sputnik. Дзяржаўны сакратар Савета бяспекі Беларусі Аляксандр Вальфовіч паставіў задачы мытнай і памежнай службам - забеспячэнне нацыянальнай бяспекі на дзяржаўнай мяжы і абарона эканамічных інтарэсаў краіны, паведамілі Sputnik у Дзяржаўным мытным камітэце.

Вальфовіч наведаў напярэдадні пункт пропуску "Нацыянальны аэрапорт Мінск", дзе заслухаў даклады кіраўніцтва ДМК і прадстаўнікоў органаў пагранічнай службы.

Дзяржсакратар азнаёміўся з парадкам арганізацыі работы кантралюючых органаў у аэрапорце, пацікавіўся, якім чынам ажыццяўляецца мытны кантроль міжнародных паштовых адпраўленняў, якія паступаюць авіяпоштай.

Старшыня ДМК Уладзімір Арлоўскі далажыў аб мерах, накіраваных на павышэнне эфектыўнасці работы мытні, у тым ліку па стварэнні ўмоў, якія садзейнічаюць паскарэнню тавараабароту, а таксама па спыненні кантрабанды і іншых злачынстваў.

Кіраўнік ДМК адзначыў, што ў першым квартале гэтага года мытні пералічылі ў рэспубліканскі бюджэт каля 2,4 мільярда рублёў, што на 30% больш, чым за аналагічны перыяд 2020-га. На 14,4% павялічылася колькасць перамешчаных праз мытную мяжу тавараў. Разам з тым не спыняюцца спробы парушэння заканадаўства на мяжы.

"У 2021 годзе выяўлена 130 фактаў незаконнага перамяшчэння наркатычных сродкаў і псіхатропных рэчываў (61 факт - у аэрапорце), з незаконнага абароту канфіскавана 76 кілаграмаў наркотыкаў", - адзначыў Арлоўскі.

Нямала забароненых да перамяшчэння праз мяжу прадметаў затрымліваецца і пры кантролі міжнародных пасылак. Старшыня ДМК падкрэсліў, што ў гэтым годзе мытняй ужо канфіскаваны 430 адзінак зброі, яе частак і боепрыпасаў, а таксама больш за 8 кілаграмаў наркатычных сродкаў і псіхатропаў, 28 тысяч нарказмяшчальных прэпаратаў, якія перамяшчалі з дапамогай пошты.

Чытайце таксама:

6
Тэги:
ДМК РБ, Мінск, Нацыянальны аэрапорт Мінск, Аэрапорт, Аляксандр Вальфовіч, пагранічнікі, мытнікі, Беларусь, Савет бяспекі Беларусі, дзяржсакратар
Прэзідэнты Аляксандр Лукашэнка і Уладзімір Пуцін

Лукашэнка і Пуцін пагаварылі па тэлефоне

31
(абноўлена 12:08 15.04.2021)
За два апошнія тыдні кіраўнікі дзяржаў сазваніліся ўжо двойчы, папярэдняя размова адбылася 2 красавіка.

МІНСК, 15 кра – Sputnik. Прэзідэнты Беларусі і Расіі Аляксандр Лукашэнка і Уладзімір Пуцін правялі тэлефонную размову, паведамляе Telegram-канал "Пул Першага", блізкі да прэс-службы беларускага лідэра.

У паведамленні адзначаецца, што прэзідэнты закранулі шэраг тэм, абмеркаваўшы не толькі развіццё беларуска-расійскіх адносін, але і пытанні міжнароднага парадку дня. Акрамя таго, лідэры абмеркавалі графік будучых сустрэч і больш падрабязна спыніліся на візіце ў Мінск расійскага прэм'ер-міністра Міхаіла Мішусціна.

У прэс-службе Крамля раскрылі падрабязнасці гутаркі прэзідэнтаў. У прыватнасці, Лукашэнка і Пуцін абмеркавалі тэму карабахскага ўрэгулявання. Нагадаем, напярэдадні завяршыўся двухдзённы афіцыйны візіт беларускага лідэра ў Баку, дзе ён правёў перамовы з прэзідэнтам Ільхамам Аліевым.

"У кантэксце толькі што праведзенага візіту Аляксандра Лукашэнкі ў Азербайджан закранута тэма нагорнакарабахскага ўрэгулявання", - гаворыцца ў паведамленні.

Кіраўнікі дзяржаў таксама выказалі настрой на ўмацаванне саюзніцкіх адносін.

Гэта другая тэлефонная размова кіраўнікоў дзяржаў за апошнія два тыдні. Папярэдняя адбылася 2 красавіка ў Дзень яднання народаў Беларусі і Расіі. Тады прэзідэнты абмеркавалі шэраг пытанняў, у тым ліку барацьбу з каронавірусам, знешнія пагрозы, а таксама падрыхтоўку да правядзення чарговага пасяджэння Вышэйшага Дзяржсавета Саюзнай дзяржавы.

Чытайце таксама:

31
Тэги:
размова, дзяржава, кіраўнік, Тэлефон, Уладзімір Пуцін, Аляксандр Лукашэнка
Тэмы:
Саюзная дзяржава Беларусі і Расіі
Абітурыенты здаюць ЦТ

У міністэрстве адукацыі РБ распавялі, як зменіцца ЦТ

3
Тэсты ў поўным аб'ёме будуць адпавядаць вучэбнай праграме, аднак пры гэтым частка А скароціцца, а вось частка B - павялічыцца.

МІНСК, 16 кра – Sputnik. У гэтым годзе ЦТ крыху зменіцца, пра гэта распавёў начальнік галоўнага ўпраўлення адукацыі Міністэрства адукацыі Сяргей Каспяровіч.

Ён запэўніў, што тэсты ў поўным аб'ёме будуць адпавядаць вучэбнай праграме. Аднак пры гэтым частка А скароціцца, а вось частка B - павялічыцца.

"Паступова адбываецца ў нас планамернае скарачэнне часткі А (гэта сучасныя трэнды ў свеце ў частцы падыходаў ацэнкі ведаў), што зніжае верагоднасць угадвання і ўплыў угадвання на агульны вынік, і павелічэнне частцы В", - заявіў Сяргей Каспяровіч.

У гэтым годзе абітурыентаў чакае і некаторае скарачэнне тэстаў - па 11 з 15 прадметаў. Так, на 12 заданняў скароціцца тэст па замежнай мове - з 60 заданняў да 48.

На шэсць заданняў скароцяцца тэсты па біялогіі, хіміі, геаграфіі, грамадазнаўстве, гісторыі Беларусі, сусветнай гісторыі (з 50 да 44 пытанняў).

Без змен застануцца тэсты па рускай і беларускай мовах (40 заданняў), а таксама па фізіцы і матэматыцы (32 пытанні).

Сяргей Каспяровіч яшчэ раз падкрэсліў, што колькасць заданняў у частцы А паменшыцца, у частцы В - стане пабольш. Але вялікай праблемы Міністэрства адукацыі ў гэтым не бачыць.

"Для абітурыента, які сур'ёзна адносіцца да тэста і не забег проста паглядзець на тэст і нешта там адгадаць "авось пройдзе", уласна кажучы, структура тэста - цалкам не значны момант. Калі вядзецца належным чынам падрыхтоўка... то частка А ці частка В не важная. Трэба атрымаць гатовы адказ, а потым яго ўпісаць альбо абраць правільны варыянт з наяўных. Для нармальнага абітурыента гэта павінна працаваць менавіта так", - упэўнены Каспяровіч.

Ён дадаў, што ўсё робіцца для таго, каб стварыць умовы для плённай працы над тэстам і, самае галоўнае, аб'ектыўнай і справядлівай ацэнкі.

У пачатку красавіка Мінадукацыі апублікавала графік ЦТ у 2021 годзе - першае тэставанне намечана на 16 чэрвеня.

Чытайце таксама:

3
Тэги:
праграма, тэст, ЦТ, Міністэрства адукацыі РБ