Сустрэча Станіслава Зася і Сяргея Лаўрова

Лаўроў паабяцаў Засю дапамогу ў рабоце на пасадзе генеральнага сакратара АДКБ

11
(абноўлена 09:04 21.01.2020)
Сакратарыят АДКБ плануе ў лютым прадставіць план дзеянняў арганізацыі старшыні СКБ АДКБ - расейскаму прэзідэнту Уладзіміру Пуціну.

МІНСК, 21 сту - Sputnik. Расія будзе аказваць падтрымку новаму генсеку АДКБ Станіславу Засю пры рэалізацыі задач, якія стаяць перад арганізацыяй у бягучым годзе, заявіў выконваючы абавязкі міністра замежных спраў Расіі Сяргей Лаўроў.

У панядзелак Зась і Лаўроў правялі ў Маскве перамовы, у ходзе якіх абмеркавалі актуальныя пытанні дзейнасці Арганізацыі, а таксама падрыхтоўку будучых пасяджэнняў яе органаў.

"Упэўнены, што ваш багаты палітычны вопыт на ўсіх папярэдніх пасадах, уключаючы ў Савеце бяспекі Рэспублікі Беларусь, зробіць вашу працу эфектыўнай, а мы абавязуемся падтрымліваць вас і дзейнасць Сакратарыята Арганізацыі па выкананні рашэнняў, якія прымаюцца кіраўнікамі дзяржаў АДКБ", - сказаў Лаўроў.

У сваю чаргу генеральны сакратар АДКБ адзначыў, што рух у гэтым напрамку ўжо распачаты, распрацаваны адпаведны план, які ў лютым будзе прадстаўлены старшыні СКБ АДКБ - расійскаму прэзідэнту Уладзіміру Пуціну.

Гадавіна Перамогі

Зась і Лаўроў падчас размовы закранулі тэму 75-годдзя Перамогі ў Вялікай Айчыннай вайне, якому ў краінах - членах АДКБ будзе прысвечаны шэраг мерапрыемстваў.

Генеральны сакратар арганізацыі адзначыў, што праўду пра Перамогу трэба адстойваць, процідзейнічаць спробам яе фальсіфікацыі, гэта адзін з кірункаў дзейнасці, якім будзе займацца АДКБ.

Лаўроў падкрэсліў, што ў дадзеным працэсе акрамя мемарыяльнага і палітычнага складніка, ёсць прававы аспект - прававыя вынікі Другой сусветнай зараз падвяргаюцца сумневу, што недапушчальна. У дзяржаў - членаў АДКБ па гэтым пытанні адзіная пазіцыя, і трэба яе прасоўваць.

11
Тэги:
Сяргей Лаўроў, Станіслаў Зась, АДКБ

Бяспека