МІНСК, 31 сту - Sputnik. Ваенная і спецыяльная тэхніка з'явіцца на дарогах Беларусі 31 студзеня і 1 лютага, пра гэта удзельнікаў дарожнага руху папярэдзілі ў Міністэрстве абароны.
Ваенная і спецтэхніка будзе рухацца па дарогах агульнага карыстання да месцаў выканання вучэбна-баявых задач у рамках праверкі боегатоўнасці арміі. Вайсковыя машыны можна будзе сустрэць у пятніцу і суботу ў Магілёўскай, Мінскай, Брэсцкай і Гродзенскай абласцях.
"ДАІ і ВАІ рэкамендуюць ўдзельнікам дарожнага руху павысіць пільнасць і выконваць правілы дарожнага руху", - падкрэслілі ў Мінабароны.
Раптоўная праверка баявой гатоўнасці арміі пачалася ў Беларусі 30 студзеня. Галоўная мэта праверкі - вызначыць здольнасць органаў ваеннага кіравання і камандзіраў кіраваць падначаленымі воінскімі часцямі і падраздзяленнямі, а для воінскіх частак і падраздзяленняў Узброеных Сіл - гатоўнасць выконваць задачы па прызначэнні ва ўмовах, якія хутка змяняюцца.
Дзеянні войскаў пройдуць на палігонах і асобных участках мясцовасці. Падраздзяленні будуць дзейнічаць у розных умовах: пераадольваць водныя перашкоды, адпрацоўваць вучэбна-баявыя задачы днём і ноччу як у лясных масівах, так і ў населеных пунктах.
