Супрацоўнікі спецназа

Лукашэнка павіншаваў беларускую міліцыю

12
(абноўлена 10:18 04.03.2020)
Прэзідэнт падкрэсліў, што ў захаванні стабільнасці ў грамадстве ёсць значны ўнёсак ахоўнікаў правапарадку.

МІНСК, 4 сак - Sputnik. Аляксандр Лукашэнка павіншаваў супрацоўнікаў і ветэранаў органаў унутраных спраў з Днём міліцыі, паведамілі ў прэс-службе беларускага прэзідэнта.

Прэзідэнт адзначыў значны ўнёсак супрацоўнікаў МУС у захаванне стабільнасці ў грамадстве, умацаванні суверэнітэту і незалежнасці краіны.

"Кожны дзень і гадзіну вы знаходзіцеся на пярэднім краі барацьбы са злачыннасцю", - падкрэсліў Аляксандр Лукашэнка.

Ён выказаў упэўненасць, што асабісты склад органаў унутраных спраў будзе і надалей эфектыўна адказваць на ўсе выклікі і пагрозы і, памнажаючы слаўныя традыцыі, з гонарам і годнасцю служыць Айчыне.

Беларускі лідар пажадаў абаронцам правапарадку "моцнага здароўя, сямейнага шчасця, поспехаў у нялёгкай, але вельмі важнай і патрэбнай працы на карысць нашай краіны і народа", - падкрэсліў Аляксандр Лукашэнка.

4 сакавіка 1917 года загадам грамадзянскага каменданта горада Мінска Міхаіл Фрунзэ быў прызначаны часовым начальнікам міліцыі Усерасійскага Земскага Саюза па ахове парадку ў горадзе Мінску. Гэтая дата лічыцца Днём стварэння беларускай міліцыі.

12
Тэги:
міліцыя, Беларусь, Аляксандр Лукашэнка
Міліцыянер

МУС: у Беларусі COVID-19 ужо сталі выкарыстоўваць ашуканцы

9
(абноўлена 16:15 06.04.2020)
У МУС Беларусі распавялі пра асноўныя схемы падману грамадзян, якімі карыстаюцца ашуканцы ў інтэрнэце.

МІНСК, 6 кра - Sputnik. Міністэрства ўнутраных спраў Беларусі заклікала грамадзян краіны быць пільнымі - з'явіліся першыя выпадкі махлярства на фоне пандэміі каронавіруса.

У МУС распавялі пра асноўныя схемы падману, якімі карыстаюцца інтэрнэт-ашуканцы.

Як адзначылі ва ўпраўленні па раскрыцці злачынстваў у сферы высокіх тэхналогій, у Беларусі пачынаюць актывізавацца аферысты, якія выкарыстоўваюць у сваіх схемах інфармацыю аб каронавірусе. Па словах праваахоўнікаў, першы выпадак быў зафіксаваны ў Мінскай вобласці.

"Жыхарка сталічнага рэгіёну паведаміла ў міліцыю, што невядомыя прасілі яе перавесці грошы ў фонд дапамогі беларусам, якія з-за каронавіруса нібыта не могуць вярнуцца на радзіму", - распавялі ў МУС.

Для рэспублікі такія факты, хутчэй, выключэнне, чым правіла, а вось у суседніх дзяржавах ашуканцы ўжо не першы дзень выкарыстоўваюць эпідэміялагічную абстаноўку для здзяйснення кіберзлачынстваў.

"У сувязі з гэтым мы звяртаем увагу на некалькі злачынных схем, якія могуць быць апрабаваны ў нашай краіне", - распавёў намеснік начальніка ўпраўлення "К" МУС Кірыл Вяткін.

Тэлефонныя званкі

Паводле яго слоў, часцей за ўсё зламыснікі выкарыстаюць тэлефонныя званкі. Прадстаўляючыся супрацоўнікам дзяржорганаў, абанент спасылаецца на выдуманы дакумент, які прадугледжвае разавыя выплаты насельніцтву для процідзеяння каронавірусу - набыцця масак, тэстаў.

Для залічэння "дапамогі" ў ахвяры просяць паведаміць нумар банкаўскай карты, пасля чаго выкрадаюць з яе грошы.

Ілжесайты

Акрамя таго, па словах міліцыянераў, аферысты ствараюць ілжесайты па продажы тэстаў на выяўленне каронавіруса. Спасылку на фальшыўку адпраўляюць карыстачу на электронную пошту. Ашуканцы прапаноўваюць аплаціць паслугу і абяцаюць, што пасля гэтага кур'ер даставіць тавар.

Веерныя рассылкі

Зламыснікі выкарыстоўваюць таксама рассылкі на электронныя скрыні лістоў нібы ад Сусветнай арганізацыі аховы здароўя. У пасланні змяшчаецца спасылка на статдадзеныя па сітуацыі з каронавірусам у Беларусі і рэкамендацыі па супрацьдзеянні інфекцыі.

Пры пераходзе па спасылцы актывізуецца шкоднасная праграма, якая блакіруе функцыянал камп'ютара і патрабуе пераводу грошай на рахунак злачынца.

9
Тэги:
Беларусь, каронавірус, МУС РБ
Тэмы:
Успышка каронавіруса з Уханя
Мінчане назіраюць за праходжаннем калоны ваеннай тэхнікі па вуліцах Мінска падчас рэпетыцыі параду ў гонар 70-годдзя Перамогі

Мінабароны Беларусі расказала, якім будзе парад да 75-годдзя Перамогі

21
(абноўлена 16:59 31.03.2020)
Ужо вядома, што парад 9 мая пройдзе ўвечары і будзе доўжыцца каля гадзіны, калону ваеннай тэхнікі ўзначаліць танк Т-34.

МІНСК, 31 сак - Sputnik. Падрыхтоўка да вайсковага параду да 75-годдзя Перамогі ў Мінску працягваецца, а ў Мінабароны Беларусі раскрылі некаторыя падрабязнасці мерапрыемства.

Парад плануюць правесці ўвечары 9 мая, ён будзе доўжыцца каля гадзіны. За гэты час пройдуць пешая і механізаваная калоны, а таксама адбудзецца паветраны парад. Завершыцца ўсё пляц-канцэртам роты ганаровай варты і выступленнем аркестра.

"Цяпер ўдзельнікі парада трэніруюцца тройчы на тыдзень: пешая калона - на пляцы Мінскай ваеннай камендатуры, механізаваная калона - на аэрадроме "Ліпкі". На 5 і 7 мая спланаваныя генеральныя трэніроўкі ў Мінску", - распавялі ў прэс-службе Мінабароны.

У складзе пешай калоны пройдуць 22 парадных разлікі, сярод якіх будзе па адным разліку вайскоўцаў з Расіі і Кітая. У складзе механізаванай калоны ў парадзе прымуць удзел 18 парадных разлікаў - усяго 185 адзінак тэхнікі.

"Узначаліць калону танк Т-34, затым пройдуць 13 парадных разлікаў ад Узброеных Сіл Беларусі, у склад якіх уключаны толькі новыя і мадэрнізаваныя ўзоры ваеннай тэхнікі, парадны разлік лёгкабраняваных аўтамабіляў "Ліс" ад унутраных войскаў МУС, парадны разлік ад Дзяржаўнага ваенна-прамысловага камітэта , прадстаўлены дваццаццю сямю найноўшымі ўзорамі ўзбраення і ваеннай тэхнікі", - адзначылі ў ведамстве.

Ад Расійскай Федэрацыі ў парадзе прыме ўдзел разлік БТР-82А і разлік аператыўна-тактычных ракетных комплексаў "Іскандэр".

Паветраным парадам над Мінскам праляцяць 42 самалёта і верталёта. Частка з іх - таксама з Расіі.

На мінулым тыдні прэзідэнт Беларусі Аляксандр Лукашэнка заявіў, што наша краіна не будзе адмяняць святочныя мерапрыемствы да Дня Перамогі. Паводле яго слоў, тэматыка святкавання не згубіцца на фоне негатыўных навін.

У пацверджанне слоў кіраўніка дзяржавы ў аўторак на праспекце Машэрава ў сталіцы пачалі ўсталёўваць трыбуны да Дня Перамогі. Менавіта там пройдуць асноўныя святочныя мерапрыемствы.

21
Тэги:
Парад Перамогі, Міністэрства абароны РБ
Дабравешчанне

Які сёння дзень: 7 красавіка 2020 года

0
(абноўлена 15:39 06.04.2020)
Гэты дзень з'яўляецца дзевяноста восьмым па грыгарыянскім календары, да канца года засталося 268 дзён.

Сёння праваслаўныя вернікі святкуюць Дабравешчанне. Якія яшчэ падзеі адбыліся 7 красавіка і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 7 красавіка

  • У 1992 годзе Беларусь устанавіла дыпламатычныя адносіны з Латвіяй.

Хто нарадзіўся 7 красавіка

  • 1947 год: Валерый Славук, беларускі мастак.

Таксама сёння нарадзіліся французскі паэт Шарль Бадлер, амерыканская джазавая спявачка Білі Холідэй, амерыканскі кінарэжысёр Фрэнсіс Форд Копала і ганконгскі і амерыканскі акцёр Джэкі Чан.

7 красавіка ў народным календары

Сёння праваслаўныя вернікі святкуюць Дабравешчанне Прасвятой Багародзіцы. У гэты дзень архангел Гаўрыіл прыйшоў да Марыі са звесткай, што яна прывядзе ў свет Сына Божага.

Дзева Марыя была дачкой праведных Анны і Іакава і да 14 гадоў выхоўвалася ў храме. Пасля яна павінна была вярнуцца да бацькоў або абрацца шлюбам, але дзяўчына вырашыла захаваць цнатлівасць. У царкве для яе знайшлі праведнага чалавека – Іосіфа, які павінен быў клапаціцца пра яе.

Дабравешчанне адзначаецца за 9 месяцаў да Каляд.

У Беларусі ў гэты дзень шанавалі буслоў, якія вырталіся з выраю ў свае гнёзды.

Лічылася, якое надвор'е будзе на Дабравешчанне, такое і на Вялікдзень. Калі у гэты дзень быў туман або вецер, год чакалі ўраджайны. Туман таксама прадвяшчаў паводку.

0
Тэги:
народны каляндар, які сёння дзень, Дабравешчанне Прасвятой Багародзіцы