Памежны слуп

Расія закрывае межы з Беларуссю для перамяшчэння людзей

36
(абноўлена 09:49 16.03.2020)
Міхаіл Мішусцін асабіста ўзначаліць каардынацыйны савет па барацьбе з распаўсюджваннем каронавіруса.

МІНСК, 16 сак - Sputnik. Расія закрывае межы з Беларуссю для перамяшчэння людзей, адпаведную заяву зрабіў прэм'ер-міністр РФ Міхаіл Мішусцін.

Кіраўнік расійскага кабінета міністраў распавёў, што межы зачыняюцца "паслядоўна, у залежнасці ад развіцця пандэміі. Спачатку гэтая мера закранула Кітай і іншыя краіны Азіі, дзе з'явіўся каронавірус. Затым былі ўведзеныя абмежаванні авіязносін з краінамі Еўрасаюза, прыпынены ўезд замежнікаў праз мяжу з Польшчай, Нарвегіяй, адменена чыгуначныя зносіны з Латвіяй, Малдовай, Украінай.

"Мы таксама прынялі рашэнне аб закрыцці мяжы з Беларуссю для перамяшчэння людзей, зрабілі шэраг іншых папераджальных крокаў", - сказаў Мішусцін.

Ён прыняў рашэнне асабіста ўзначаліць каардынацыйны савет па барацьбе з распаўсюджваннем каронавіруса, апроч яго ў працы савета будуць задзейнічаны дырэктар ФСБ Аляксандр Бортнікаў, губернатар Маскоўскай вобласці Андрэй Вараб'ёў, мэр Масквы Сяргей Сабянін, намеснік старшыні ўрада Таццяна Голікава.

З аўторка, 17 сакавіка, па распараджэнні кіраўніка расійскага Кабміна на мытні будзе арганізаваны так званы зялёны калідор для тавараў першай неабходнасці.

Міхаіл Мішусцін на выхадных двойчы абмяркоўваў праблему каронавіруса з прэм'ер-міністрам Беларусі Сяргеем Румасам. У першы раз яны стэлефаноўваліся у суботу - тады было закранута некалькі тэм, уключаючы інтэграцыйныя працэсы. Другі раз кіраўнік расійскага Кабміна тэлефанаваў беларускаму калегу ў нядзелю: ён праінфармаваў Румаса аб новых мерах, якія маюць намер прыняць у РФ, каб не дапусціць распаўсюджвання COVID-19. Акрамя таго, гаворка ішла аб забеспячэнні транзіту людзей і грузаў.

36
Тэги:
каронавірус, Расія, Беларусь
Тэмы:
Успышка каронавіруса з Уханя (212)
Мінчане назіраюць за праходжаннем калоны ваеннай тэхнікі па вуліцах Мінска падчас рэпетыцыі параду ў гонар 70-годдзя Перамогі

Мінабароны Беларусі расказала, якім будзе парад да 75-годдзя Перамогі

19
(абноўлена 16:59 31.03.2020)
Ужо вядома, што парад 9 мая пройдзе ўвечары і будзе доўжыцца каля гадзіны, калону ваеннай тэхнікі ўзначаліць танк Т-34.

МІНСК, 31 сак - Sputnik. Падрыхтоўка да вайсковага параду да 75-годдзя Перамогі ў Мінску працягваецца, а ў Мінабароны Беларусі раскрылі некаторыя падрабязнасці мерапрыемства.

Парад плануюць правесці ўвечары 9 мая, ён будзе доўжыцца каля гадзіны. За гэты час пройдуць пешая і механізаваная калоны, а таксама адбудзецца паветраны парад. Завершыцца ўсё пляц-канцэртам роты ганаровай варты і выступленнем аркестра.

"Цяпер ўдзельнікі парада трэніруюцца тройчы на тыдзень: пешая калона - на пляцы Мінскай ваеннай камендатуры, механізаваная калона - на аэрадроме "Ліпкі". На 5 і 7 мая спланаваныя генеральныя трэніроўкі ў Мінску", - распавялі ў прэс-службе Мінабароны.

У складзе пешай калоны пройдуць 22 парадных разлікі, сярод якіх будзе па адным разліку вайскоўцаў з Расіі і Кітая. У складзе механізаванай калоны ў парадзе прымуць удзел 18 парадных разлікаў - усяго 185 адзінак тэхнікі.

"Узначаліць калону танк Т-34, затым пройдуць 13 парадных разлікаў ад Узброеных Сіл Беларусі, у склад якіх уключаны толькі новыя і мадэрнізаваныя ўзоры ваеннай тэхнікі, парадны разлік лёгкабраняваных аўтамабіляў "Ліс" ад унутраных войскаў МУС, парадны разлік ад Дзяржаўнага ваенна-прамысловага камітэта , прадстаўлены дваццаццю сямю найноўшымі ўзорамі ўзбраення і ваеннай тэхнікі", - адзначылі ў ведамстве.

Ад Расійскай Федэрацыі ў парадзе прыме ўдзел разлік БТР-82А і разлік аператыўна-тактычных ракетных комплексаў "Іскандэр".

Паветраным парадам над Мінскам праляцяць 42 самалёта і верталёта. Частка з іх - таксама з Расіі.

На мінулым тыдні прэзідэнт Беларусі Аляксандр Лукашэнка заявіў, што наша краіна не будзе адмяняць святочныя мерапрыемствы да Дня Перамогі. Паводле яго слоў, тэматыка святкавання не згубіцца на фоне негатыўных навін.

У пацверджанне слоў кіраўніка дзяржавы ў аўторак на праспекце Машэрава ў сталіцы пачалі ўсталёўваць трыбуны да Дня Перамогі. Менавіта там пройдуць асноўныя святочныя мерапрыемствы.

19
Тэги:
Парад Перамогі, Міністэрства абароны РБ
Беларускія вайскоўцы на вучэннях, архіўнае фота

Мінабароны: у войску няма ні аднаго выпадку заражэння каронавірусам

14
(абноўлена 13:38 30.03.2020)
У цяперашні час ідуць вучэнні на дзесяці палігонах, у якіх задзейнічаны звыш за сем тысяч беларускіх вайскоўцаў.

МІНСК, 30 сак - Sputnik. У беларускім войску няма ні аднаго выпадку заражэння каронавірусам, заявіў журналістам міністр абароны Віктар Хрэнін.

Паводле яго слоў, у шэрагах Узброеных сіл Беларусі няма ніякіх панічных настрояў. Усе мерапрыемствы ў абаронным ведамстве праходзяць згодна з планам.

"На сённяшні дзень ва Узброеных сілах няма ні аднаго выпадку заражэння каронавірусам", - запэўніў міністр абароны.

Зараз на дзесяці ваенных палігонах па ўсёй краіне праходзяць розныя мерапрыемствы з удзелам 7,5 тысяч беларускіх вайскоўцаў.

"Яны здаровыя і здольныя выконваць задачы. Аднак мы не расслабляемся. Нашы санітарна-эпідэміялагічныя службы, медыкі знаходзяцца ў павышанай гатоўнасці", - асабліва адзначыў Віктар Хрэнін, яго словы прывяла БелТА.

14
Тэги:
войска, каронавірус, Беларусь
Тэмы:
Успышка каронавіруса з Уханя (212)
Амапавец на плошчы Свабоды ў Мінску

Лукашэнка заявіў, што мог бы ўвесці рэжым НС перад выбарамі, але не хоча

0
(абноўлена 17:01 02.04.2020)
Беларускія ўлады здольныя за суткі нейтралізаваць любы горад, калі гэта спатрэбіцца, але масавая ізаляцыя будзе толькі пагаршаць сітуацыю.

МІНСК, 2 кра - Sputnik. У Беларусі будуць змагацца з любой хваробай, а не толькі з каронавірусам, заявіў Аляксандр Лукашэнка ў інтэрв'ю міждзяржаўнай тэлерадыёкампаніі "Мір".

"Калі ўжо шчыра, я б сёння мог увесці надзвычайнае становішча. Патрулі па вуліцах, усе сядзяць, і паказаць перад прэзідэнцкімі выбарамі, які я круты хлопец, што я магу ўсё ўзяць пад кантроль", - прызнаўся кіраўнік дзяржавы.

Пры гэтым ён адзначыў, што не хацеў бы апынуцца ў сітуацыі, калі абмяжоўваюць магчымасці для людзей выйсці на вуліцу і пагуляць з дзіцем.

"І я ў гэтыя гульні гуляць не жадаю. Мы будзем змагацца з любой хваробай. Я не вылучаю таму каронавірус", - патлумачыў сваю пазіцыю прэзідэнт Беларусі.

Аляксандр Лукашэнка ў чарговы раз адзначыў, што масавая ізаляцыя ў дамах можа толькі паспрыяць пагаршэнню стану людзей, якія чымсьці захварэлі.

"Гэта не праблема. Мы за суткі нейтралізуем горад. Але чаго гэта будзе каштаваць і колькі будзе тады смерцяў? Мы ўжо потым будзем выхопліваць з кватэр людзей, якія будуць цяжкія, і адразу іх на штучную вентыляцыю лёгкіх. І што, мы выратуем гэтых людзей? Таму не трэба дурасцю займацца", - заклікаў ён.

Пасля чаго нагадаў пра старое правіла, што трэба праветрываць памяшканні і выходзіць дыхаць свежым паветрам. Улады, у сваю чаргу, калі прыйдзе такая неабходнасць, патушаць "пажар".

"І прытым значна больш эфектыўна, чым літоўскі прэзідэнт (Гітанас Науседа - Sputnik). Ён паклапаціўся пра беларускі вірус. Сваім вірусам займіся, у цябе там куча пытанняў. Ён яшчэ папракае, што, напэўна, беларусы не пра ўсё інфармуюць", - абурыўся Аляксандр Лукашэнка.

Пры гэтым беларускі прэзідэнт падзякаваў медыкам за іх працу і тое, як яны лечаць вірусныя захворванні. Праўда, адзначыў, што сітуацыю ў Беларусі нельга назваць спакойнай.

"Глупства поўнае, проста мы не панікуем. Займаемся кожны сваёй справай. Не вырашаем праз каронавірус ніякіх палітычных пытанняў, хоць у нас палітычны год", - падкрэсліў кіраўнік дзяржавы.

0
Тэги:
каронавірус, Беларусь, Аляксандр Лукашэнка
Тэмы:
Успышка каронавіруса з Уханя (212)