Рэпетыцыя парада да Дня Незалежнасці

Лукашэнка павіншаваў дэсантнікаў

37
(абноўлена 11:36 01.08.2020)
Паветрана-дэсантныя войскі Беларусі адзначаюць 90-годдзе з дня ўтварэння, у віншаванні прэзідэнт адзначыў, што цяперашнія дэсантнікі працягваюць традыцыі бацькоў і дзядоў.

МІНСК, 1 жні - Sputnik. Прэзідэнт Беларусі Аляксандр Лукашэнка павіншаваў ваеннаслужачых і ветэранаў з Днём дэсантніка і сіл спецыяльных аперацый Узброеных сіл, а таксама з 90-годдзем з дня ўтварэння ПДВ.

"Гэта свята сімвалізуе адзінства і доблесць некалькіх пакаленняў воінаў у блакітных берэтах, якія пакрылі сябе неўвядальнай славай, змагаючыся на палях Вялікай Айчыннай вайны, на афганскай зямлі, у розных лакальных канфліктах", - гаворыцца ў віншаванні.

Кіраўнік дзяржавы падкрэсліў, што воіны і камандзіры ў нашы дні працягваюць пераможныя традыцыі бацькоў і дзядоў, з гонарам выконваючы свой воінскі абавязак.

"Вам па плячы самыя складаныя задачы ў найбольш цяжкіх і небяспечных умовах. Вы эліта Узброеных сілаў краіны, прыклад служэння Айчыне для моладзі, якая ўступала ў жыццё", - падкрэсліў кіраўнік дзяржавы.

Прэзідэнт выказаў упэўненасць, што воіны-дэсантнікі і надалей зробяць усё, каб захаваць мір, забяспечыць ваенную бяспеку і нацыянальныя інтарэсы Беларусі.

Чытайце таксама:

37
Тэги:
Дзень ПДВ, Аляксандр Лукашэнка, Беларусь
Салдат вайсковай часці

Мінабароны: у Віцебскай вобласці ідзе планавы заклік на зборы

14
(абноўлена 13:01 04.08.2020)
Беларускае войска рэгулярна заклікае на зборы так званых "партызан", часцяком ваенкаматы выклікаюць іх толькі для таго, каб удакладніць дадзеныя, што з'яўляецца руцінай для камісарыятаў.

МІНСК, 4 жні - Sputnik. Планавыя ваенныя зборы ў Віцебскай вобласці пачнуцца 11 жніўня, паведаміла Sputnik афіцыйны прадстаўнік міністэрства абароны Беларусі Наталля Гаўрусік.

Раней некалькі Telegram-каналаў распаўсюдзілі інфармацыю пра тое, што ў Беларусі заклікаюць з рэзерву грамадзян у прыгранічных з Расіяй раёнах. З'явіцца яны нібыта павінны будуць у ваенкаматы 10 жніўня, на наступны пасля выбараў прэзідэнта дзень.

"Падрыхтоўка ваеннаабучанага рэзерву на вайсковых зборах - гэта працэс, які ва Узброеных Сілах ідзе бесперапынна. Ваеннаабавязаныя пастаянна прызываюцца на зборы рознай працягласці на працягу года. Планавыя зборы праходзяць і ў жніўні", - нагадала Гаўрусік.

Пры гэтым яна звярнула ўвагу, што "у Віцебскай вобласці яны пачнуцца 11 жніўня. Не варта забываць, што атрыманне позвы не абавязкова азначае заклік на зборы. Удакладненне дакументаў, дадзеных ваеннаабавязаных, мабілізацыйных прадпісанняў - гэта бягучая праца ваенкаматаў".

Прэс-сакратар беларускага абароннага ведамства канстатавала, што заклік рэзервістаў у Віцебскай вобласці яшчэ не азначае, што і зборы пройдуць у гэтым рэгіёне. Рэзервістаў могуць адправіць у часці, дзе яны раней праходзілі службу, па ўсёй тэрыторыі рэспублікі.

14
Тэги:
Міністэрства абароны РБ, Віцебская вобласць, Беларусь
МУС палічыла колькасць удзельнікаў мітынга ў падтрымку Ціханоўскай

МУС палічыла колькасць удзельнікаў мітынга ў падтрымку Ціханоўскай

44
(абноўлена 16:23 31.07.2020)
Паводле ацэнак ведамства, праз кантрольна-прапускныя пункты, абсталяваныя рамачнымі металадэтэктарамі, прайшлі 18250 чалавек.

МІНСК, 31 ліп - Sputnik. Крыху больш за 18 тысяч чалавек прынялі ўдзел у мітынгу ў падтрымку кандыдата ў прэзідэнты Святланы Ціханоўскай у Мінску, такую лічбу агучыла афіцыйны прадстаўнік МУС Беларусі Вольга Чамаданава.

На митинге в поддержку Светланы Тихановской 30 июля
© Sputnik / Виктор Толочко
На мітынгу ў падтрымку Святланы Ціханоўскай 30 ліпеня

Масавы мітынг у падтрымку кандыдата ў прэзідэнты Святланы Ціханоўскай прайшоў у сталічным парку Дружбы народаў увечары ў мінулы чацвер. Афіцыйна мітынг пачаўся ў 18:00, аднак людзі працягвалі прыходзіць на працягу некалькіх гадзін.

"Для аб'ектыўнага пацверджання інфармацыі МУС абагульніць дадзеныя аб колькасці ўдзельнікаў масавага мерапрыемства, якое адбылося 30 ліпеня ў сталічным парку Дружбы народаў. Праз кантрольна-прапускныя пункты, абсталяваныя рамачнымі металадэтэктарамі, прайшлі 18250 чалавек", - паведаміла Чамаданава.

Дакладныя дадзеныя аб колькасці ўдзельнікаў мітынгу ў чацвер агучаны не былі, аднак было відавочна, што на гэты мітынг людзей прыйшло больш, чым на папярэднія акцыі ў рамках выбарачнай кампаніі, якаязараз праходзіць. Практычна ўся тэрыторыя парка Дружбы народаў была запоўненая людзьмі.

Паводле ацэнак праваабаронцаў, у мерапрыемстве прыняло ўдзел больш за 60 тысяч чалавек. Гаворка ідзе не пра аднамомантавую прысутнасць у парку, а пра колькасць людзей, якія там пабывалі на працягу некалькіх гадзін, пакуль праходзіў мітынг.

44
Тэги:
Святлана Ціханоўская, Міністэрства ўнутраных спраў Рэспублікі Беларусь, Мінск
Тэмы:
Выбары прэзідэнта Беларусі - 2020
Кандыдат у прэзідэнты Святлана Ціханоўская

У Мінску затрымлівалі давераную асобу Святланы Ціханоўскай

3
(абноўлена 12:59 06.08.2020)
За што Марыю Мароз затрымалі, пакуль не вядома. У праваахоўных органах удакладнілі, што "яе, хутчэй за ўсё, затрымлівалі не супрацоўнікі ГУУС Мінска, а аператыўнікі ДФР або АБЭП".

МІНСК, 6 жні - Sputnik. Давераная асоба кандыдата ў прэзідэнты Святланы Ціханоўскай Марыя Мароз затрыманая ў Мінску, паведамілі ў чацвер у аб'яднаным штабе кандыдата.

Пра затрыманне Мароз стала вядома днём у чацвер. У аб'яднаным штабе палітыка гэтую інфармацыю пацвердзілі.
"Была затрыманая людзьмі, якія прадставіліся супрацоўнікамі МУС, каля 11 раніцы сёння пры выхадзе з літоўскага пасольства пасля падачы дакументаў на візу", - распавялі ў аб'яднаным штабе.

Штаб Святланы Ціханоўскай, а таксама штабы Валерыя Цапкалы і Віктара Бабарыкі, якія падтрымліваюць кандыдата, працягваюць сваю працу.

На пытанне Sputnik аб затрыманні Мароз у ГУУС Мінгарвыканкама сказалі, што такой інфармацыяй на дадзены момант не маюць.

У праваахоўных органах Sputnik пацвердзілі інфармацыю аб затрыманні Мароз, але ўдакладнілі, што "яе, хутчэй за ўсё, затрымлівалі не супрацоўнікі ГУУС Мінска, а аператыўнікі ДФР або АБЭП". Там таксама адзначылі, што "можа быць, яе проста даставілі для высвятлення асобы, альбо высвятлення нейкіх іншых абставінаў".

У сваю чаргу афіцыйны прадстаўнік МУС Беларусі Вольга Чамоданова паведаміла Sputnik, што "інфармацыі пра затрыманне дадзенай асобы (Марыі Мароз Sputnik) у МУС няма. Магчыма, яе запрасілі. Затрымалі і запрасілі - гэта два цалкам розных паняцця".

Як пазней паведамілі ў штабе Ціханоўскай, у 12:45 Марыю Мароз праваахоўнікі адпусцілі. Прычына правядзення гутаркі пакуль не вядомая.

У жніўні былі затрыманыя некалькі іншых давераных асоб Ціханоўскай, у тым ліку Валянцін Троцкі і Мікалай Маслоўскі.

У ходзе кампаніі па зборы подпісаў таксама затрымліваўся шэраг сяброў ініцыятыўнай групы Святланы Ціханоўскай, у тым ліку - кіраўнік групы, яе муж Сяргей Ціханоўскі, які на дадзены момант знаходзіцца ў СІЗА і падазраецца ў арганізацыі масавых беспарадках і гвалце ў дачыненьні да супрацоўніка міліцыі.

3
Тэги:
Святлана Ціханоўская, Беларусь, Выбары
Тэмы:
Выбары прэзідэнта Беларусі - 2020