АМАП і спецтранспарт заступіў праспект перад Палацам Незалежнасці

Затрыманняў падчас акцыі апазіцыі ў Мінску не было - МУС

9
(абноўлена 09:15 24.08.2020)
Звесткі пра колькасць удзельнікаў пратэстнай акцыі ў Мінску праваахоўныя органы паабяцалі паведаміць на наступны дзень.

МІНСК, 24 жні - Sputnik. Затрыманняў падчас нядзельнай акцыі апазіцыі ў Мінску і іншых гарадах не было, паведаміла напярэдадні прэс-сакратар МУС Беларусі Вольга Чамаданава.

"Да цяперашняга часу інфармацыі пра затрыманні падчас несанкцыянаваных акцый апазыцыі ў Мінску і іншых гарадах Беларусі няма", - распавяла Sputnik Чамаданава.

На пытанне аб тым, якая была колькасць удзельнікаў акцыі ў Мінску, яна паабяцала агучыць інфармацыю на наступны дзень. Паводле яе слоў, аператыўна колькасць палічыць складана з прычыны таго, што калона пастаянна перамяшчалася па горадзе.

У нядзелю ў Мінску прайшла акцыя пратэсту апазіцыі, на гэты раз мітынгоўцы накіраваліся ў бок Палаца Незалежнасці, аднак дарогу ім заступіў міліцэйскі кардон. Праз некаторы час удзельнікі акцыі пачалі разыходзіцца.

Масавыя акцыі пратэсту пачаліся ў Беларусі 9 жніўня пасля завяршэння галасавання на прэзідэнцкіх выбарах. Па дадзеных ЦВК, перамог Аляксандр Лукашэнка. У першыя дні акцыі жорстка падаўляліся сілавікамі. У дачыненні да ўдзельнікаў праваахоўнікі выкарыстоўвалі спецсродкі: слёзатачывы газ, светлашумавыя гранаты, гумовыя кулі. Праз некалькі дзён сілавыя метады ўжываць перасталі. Па афіцыйных дадзеных, за першыя дні пратэстаў каля 6700 чалавек былі затрыманыя, сотні пацярпелі. Улады паведамлялі аб гібелі траіх пратэстуючых.

9
Тэги:
акцыі пратэстаў, Мінск, МУС РБ
Тэмы:
Пратэсты пасля выбараў у Беларусі (146)
Знішчальнікі Су-30 беларускіх ВПС падчас вучэнняў Славянскае брацтва - 2020

Мінабароны: авіяцыя адпрацоўвае абарону межаў Саюзнай дзяржавы

11
(абноўлена 11:51 23.09.2020)
Адпрацаваць тактычны эпізод плануюць сёння на 210-ым авіяцыйным палігоне Ружаны з вялікай колькасцю авіяцыйнай тэхнікі.

МІНСК, 23 вер - Sputnik. Абарона межаў Саюзнай дзяржавы ў паветранай прасторы адпрацоўваецца ў рамках другога этапа сумеснага беларуска-расійскага вучэння "Славянскае брацтва - 2020". Пра гэта паведамляе прэс-служба Міністэрства абароны Беларусі ў сераду.

Камандуючы Ваенна-паветранымі сіламі і войскамі супрацьпаветранай абароны УС генерал-маёр Ігар Голуб растлумачыў, што некаторыя задачы, якія выконвалі дзяжурныя сілы па супрацьпаветранай абароне ВПС сумесна з расійскімі калегамі, ужо адпрацаваны.

"Цяпер пераходзім да выканання авіяцыйных удараў з мэтай ліквідацыі незаконных узброеных фарміраванняў умоўнага праціўніка, а таксама да патрульнага суправаджэння самалётаў транспартнай авіяцыі, якія ажыццяўляюць высадку дэсанту ў зададзеным раёне", - распавёў Голуб.

Пару расійскіх бамбавікоў Тую-160 суправаджала пара беларускіх знішчальнікаў Су-30. Адначасова ў паветры знаходзіліся верталёты армейскай авіяцыі, якія сумесна з падраздзяленнямі сіл спецаперацый і Паветрана-дэсантных войскаў Расіі выконвалі задачы авіяцыйнай падтрымкі пры ліквідацыі дыверсійна-разведвальных груп умоўнага праціўніка на палігоне Брэсцкі.

Для вучэнняў ўжо задзейнічаны тры палігона - Брэсцкі, Гожскі і Абуз-Лясноўскі. Паводле інфармацыі прэс-службы, сёння адпрацаваць тактычны эпізод маюць намер на 210-ым авіяцыйным палігоне Ружаны з вялікай колькасцю авіяцыйнай тэхнікі.

Запланавана адпрацоўка лётна-тактычных вучэнняў у рамках выканання задач па авіяцыйнай падтрымцы абараняючых войскаў: удары будуць нанесеныя па зададзеных мішэнях самалётамі далёкай авіяцыі Расіі, беларускімі знішчальнікамі Су-30, а таксама штурмавікамі Су-25 і Як-130. Гэтая групоўка будзе прыкрывацца з паветра знішчальнай авіяцыяй і ваенна-транспартнымі верталётамі Мі-8МТВ-5.

11
Тэги:
Расія, Беларусь, ваенныя вучэнні
Ігар Каротчанка

"Гэта дзеянні ў адказ": эксперт аб характары вучэнняў "Славянскае брацтва"

5
(абноўлена 09:30 22.09.2020)
Вучэнні "Славянскае брацтва-2020", якія праходзяць зараз пад Брэстам, носяць характар дзеянняў у адказ і дэманструюць рашучасць у абароне Саюзнай дзяржавы, лічыць ваенны эксперт Ігар Каротчанка.
"Это ответные действия": эксперт о характере учений

Дэсантнікі на расійска-беларускіх вучэннях "Славянскае брацтва-2020" знішчаюць умоўных тэрарыстаў, фарсіруюць раку пасля парушэння мяжы ўмоўным праціўнікам і выконваюць задачы сумеснай тактычнай групы ў раёне выканання пастаўленых задач. Любыя такія манеўры на тэрыторыі Беларусі варта разглядаць у кантэксце ваенна-палітычнай сітуацыі каля межаў рэспублікі, лічыць галоўны рэдактар часопіса "Нацыянальная абарона" Ігар Каротчанка.

"Безумоўна, нашы вучэнні, якія мы (Расія - Sputnik) праводзім з Беларуссю, хоць яны і планавыя, носяць характар дзеянняў у адказ, каб прадэманстраваць рашучасць у абароне Саюзнай дзяржавы, нашых заходніх межаў, і не дапусціць якіх-небудзь сілавых дзеянняў НАТА ў дачыненні да нашага партнёра Рэспублікі Беларусь", - распавёў Каротчанка радыё Sputnik.

На яго думку, пасля выбараў у Беларусі войскі НАТА былі прыведзены ў баявую гатоўнасць з улікам неабходнасці ваеннага ўварвання ў выпадку форс-мажорных абставінаў. І пакуль не завершыцца "палітычная турбулентнасць у Беларусі", варта было б "прыкрыць" сумеснай вайсковай групай заходнія рубяжы Саюзнай дзяржавы, каб своечасова адрэагаваць на любыя фарматы магчымага вонкавага ваеннага ўмяшання.

"Славянскае брацтва" праводзіцца па чарзе на тэрыторыі адной з краін-удзельніц. Так, у 2018 годзе вучэнні праходзілі ў Расіі, а ў 2019-м - у Сербіі. Але ў гэтым годзе ўрад Сербіі вырашыў на паўгода ўвесці мараторый на ўдзел у ваенных вучэннях з краінамі АДКБ, Захаду, а таксама Кітаем.

Каментар ваеннага эксперта, галоўнага рэдактара часопіса "Нацыянальная абарона" Ігара Каротчанкі слухайце ў аўдыёзапісы на радыё Sputnik Беларусь.

5
Тэги:
Саюзная дзяржава, ваенныя вучэнні
Жыхары Буэнас-Айрэса ў парку

ААН: спад у сусветнай эканоміцы з-за пандэміі COVID перавысіць 4%

0
(абноўлена 15:25 23.09.2020)
Найбольш адчувальным будзе падзенне аб'ёмаў вытворчасці ў развітых краінах, а вось у эканамічным і сацыяльным планах пацерпяць дзяржавы, што развіваюцца.

МІНСК, 23 вер - Sputnik. Спад у сусветнай эканоміцы ў сувязі з пандэміяй каронавіруса перавысіць 4% у бягучым годзе. Такі прагноз утрымліваецца ў дакладзе Канферэнцыі ААН па гандлі і развіцці (ЮНКТАД).

Аналітыкі прыводзяць у дакладзе і іншыя важнейшыя паказчыкі: унутраная актыўнасць зніжана практычна паўсюдна, гэта не можа не адбівацца на эканоміцы.

"Сусветнs гандаль у бягучым годзе скароціцца прыкладна на адну пятую, прамыя замежныя інвестыцыі - да 40%, а грашовыя пераклады - больш чым на 100 мільярдаў долараў", - перакананыя спецыялісты ЮНКТАД ААН.

На думку экспертаў, найбольш адчувальным будзе падзенне аб'ёмаў вытворчасці ў развітых краінах. А вось у эканамічным і сацыяльным планах пацерпяць краіны, якія развіваюцца з высокім узроўнем "нефармальнай эканомікі", у якіх асноўнымі крыніцамі замежных сродкаў з'яўляюцца сыравінныя рэсурсы і турызм.

ААН прагназуе, што ў такіх краінах 90-120 мільёнаў чалавек сутыкнуцца з крайняй галечай, а каля яшчэ 300 мільёнаў - з праблемай "адсутнасці харчовай бяспекі".

Устойлівае аднаўленне сусветнай эканомікі пасля пандэміі магчыма толькі ў выпадку цеснага ўзаемадзеяння краін, перакананыя эксперты: павінна быць ажыццёўлена мэтанакіраваная бюджэтная экспансія пад кіраўніцтвам дзяржаў з развітой эканомікай.

0
Тэги:
ААН, каронавірус
Тэмы:
Каронавірус COVID-19