Беларусь і Расія ўзгаднілі пытанні па ахове меж Саюзнай дзяржавы
(абноўлена 23:51 12.03.2021)
Пагранслужбы абедзвюх краін абмеркавалі арганізацыю пропуску асоб на тэрыторыю СД з трэціх краін ва ўмовах ўзаемнага прызнання віз.МІНСК, 13 сак – Sputnik. Пагранічныя службы Беларусі і Расіі ўзгаднілі ўзаемадзеянне ў ахове знешняй мяжы Саюзнай дзяржавы, паведаміў у сераду Дзяржпагранкамітэт.
Рабочая сустрэча кіраўніцтва ДПК Беларусі і Пагранічнай службы ФСБ Расіі адбылася 10 сакавіка. Прадстаўнікі ведамстваў узгаднілі асноўныя пытанні па арганізацыі пагранічнай бяспекі на знешняй мяжы.
"Абмеркавалі абстаноўку на дзяржмяжы і тэндэнцыі яе развіцця, рэалізацыю сумесных праектаў, праблемныя пытанні, якія аказваюць уплыў на стан пагранічнай бяспекі, супрацьстаянне розным выклікам, у тым ліку знешнім", - гаворыцца ў паведамленні ГПК.
Акрамя таго, бакі абмеркавалі арганізацыю пропуску асоб на тэрыторыю Саюзнай дзяржавы з трэціх краін ва ўмовах узаемнага прызнання віз.
Саюзны "шэнген"
Закон аб ратыфікацыі міжурадавага беларуска-расійскага пагаднення аб узаемным прызнанні віз, якое было падпісана 19 чэрвеня 2020 года ў Мінску, 28 кастрычніка таго ж года быў прыняты Палатай прадстаўнікоў і ўхвалены Саветам Рэспублікі 20 лістапада.
Пагадненне не датычыцца рэжыму ўзаемных паездак грамадзян Расіі і Беларусі і закранае толькі замежнікаў. Расіяне і беларусы, як і раней, могуць перамяшчацца па тэрыторыі Саюзнай дзяржавы ў адпаведнасці з пагадненнем 2006 года аб забеспячэнні роўных правоў грамадзян на свабоду перамяшчэння, выбар месца знаходжання і жыхарства.
Дакумент вызначае, што замежныя грамадзяне і асобы без грамадзянства маюць права ўязджаць, выязджаць, знаходзіцца на тэрыторыі Беларусі, а таксама ехаць транзітам па тэрыторыі абедзвюх дзяржаў на падставе візы адной з іх пры наяўнасці дакументаў, якія сведчаць асобу.
Чытайце таксама:
- Лукашэнка падпісаў закон аб ратыфікацыі пагаднення з Расіяй аб прызнанні віз
- Беларуска-расійскі "шэнген": што трэба ведаць замежнікам
- Расія спрасціла парадак уезду для замежнікаў
Тэги:
Па вадзе як па глебе: беларускія танкісты могуць і так – відэа
(абноўлена 20:01 14.04.2021)
Танкі не толькі не баяцца бруду, яны лёгка перамагаюць і водныя перашкоды. Глядзіце ў роліку, як беларускія танкісты вучацца пераадольваць брод пад вадой.Мала проста навучыцца кіраваць шматтоннай баявой машынай на палігоне, таму ў вучэбнай праграме падрыхтоўкі танкавых экіпажаў ёсць такі элемент, як кіраванне танка па дне вадаёма.
Складанасць заключаецца ў тым, што, калі Т-72 пераадольвае водную перашкоду, механікі аказваюцца ніжэй воднага гарызонту. У такіх умовах беларускі танкіст павінен быць максімальна сканцэнтраваны, таму што машыну ён вядзе строга па прыборах.
Вядома, ніхто проста так "не кідае" курсантаў 72-га аб'яднанага вучэбнага цэнтра на баявой машыне ў ваду. Спачатку будучым танкістам трэба будзе вывучыць тэорыю і навучыцца кіраваць тэхнікай на электронным трэнажоры.
Акрамя гэтага, курсанты праходзяць і курс лёгкавадалазнай падрыхтоўкі, каб больш упэўнена адчуваць сябе ў экстрэмальных сітуацыях. Як Т-72 рассякае водную роўнядзь, глядзіце на відэа.
Глядзіце таксама:
- Беларускія і расійскія ваенныя адпрацоўваюць перадыслакацыю ў Расіі – відэа
- Як працуюць СТКР па бронетэхніцы - відэа ад ваенных
- Мінабароны паказала, як танкі страляюць кіраванымі ракетамі
Тэги:
Інфармацыйная бяспека: праект закона аб СМІ прыняты ў другім чытанні
(абноўлена 14:37 16.04.2021)
У адпаведнасці з праектам закона, у Беларусі пракурорам дазволяць блакіраваць інтэрнэт-рэсурсы і сеткавыя выданні.МІНСК, 16 кра – Sputnik. Беларускія дэпутаты прынялі ў другім чытанні законапраект аб змене законаў па пытаннях СМІ, у адпаведнасці з якім уведзены больш жорсткія патрабаванні да сродкаў масавай інфармацыі ў кантэксце пытанняў нацыянальнай бяспекі.
Першае чытанне праекта закона прайшло ў Авальнай зале на мінулым тыдні, ён быў прыняты аднагалосна. Сёння ў Мінску праходзіць пасяджэнне пятай сесіі Палаты прадстаўнікоў Нацыянальнага схода Беларусі.
Прадстаўляючы праект закона дэпутатам, намеснік старшыні камісіі па правах чалавека, нацыянальных адносінах і сродках масавай інфармацыі, былы міністр інфармацыі Лілія Ананіч адзначыла, што яго прыняцце будзе садзейнічаць найбольш эфектыўнаму забеспячэнню інфармацыйнай бяспекі дзяржавы і рэалізацыі канстытуцыйных праў грамадзян на атрыманне поўнай, дакладнай i своечасовай iнфармацыi.
Як ранняе паведамляла агенцтва, у адпаведнасці з праектам закона ў Беларусі пракурорам дазволяць блакіраваць інтэрнэт-рэсурсы і сеткавыя выданні, калі тыя распаўсюджваюць інфармацыю, здольную нанесці шкоду нацыянальным інтарэсам.
Абмежаваць доступ могуць у выпадку, калі такія выданні "распаўсюджваюць звесткі, накіраваныя на прапаганду вайны, экстрэмісцкай дзейнасці або змяшчаюць заклікі да такой дзейнасці", а таксама за інфармацыю, якая "можа нанесці шкоду нацыянальным інтарэсам".
У праекце закона таксама пашыраны пералік відаў інфармацыі, распаўсюджванне якой забаронена. Таксама ўтрымліваецца норма аб абмежаванні замежнага ўплыву на інфармацыйны рынак, выключыўшы наяўную прэферэнцыю для СМІ, у статутным фондзе якіх прысутнічаюць замежныя інвестыцыі больш за 20%.
Акрамя гэтага, праектам закона прапануецца пашырыць падставы для адмовы ў дзяржаўнай рэгістрацыі і перарэгістрацыі СМІ. Спіс прычын для абмежавання доступу да інтэрнэт-рэсурсу або сеткаваму выданню ў новым праекце таксама стаў шырэй, а такое рашэнне можа прымаць не толькі Мінінфарм, але і пракуроры.
Чытайце таксама:
- Змяненні ў закон аб СМІ: што ўвайшло ў новы дакумент
- Журналістаў на несанкцыянаваных акцыях могуць прызнаць іх удзельнікамі
- Асацыяцыю па недапушчэнні негатыўнага кантэнту стварылі ў Беларусі
Тэги:
Новыя вытворчасці вакцыны "Спутник V" адкрыюць у ЕАЭС
(абноўлена 16:32 16.04.2021)
Зараз ідуць перамовы з Кыргызстанам і Арменіяй, у першы час вытворчасць вакцын будзе арыентавана на ўнутраны рынак.МІНСК, 16 кра – Sputnik. Еўразійская эканамічная камісія зацікаўлена ў адкрыцці новых вытворчасцей расійскай вакцыны "Спутник V" на прасторы Саюза, паведаміў падчас анлайн-тэлемоста ў мультымедыйным прэс-цэнтры Sputnik міністр па прамысловасці і аграпрамысловаму комплексу ЕЭК Артак Камалян.
Паводле яго слоў, цяпер ідуць актыўныя перамовы па наладжванні вытворчасцей прэпарату з двума краінамі - Арменіяй і Кыргызстанам. ЕЭК таксама займаецца гэтым пытаннем.
"Паводле маёй інфармацыі, эканамічныя ведамствы Кыргызстана і Расіі абмяняліся дакументамі. Перамовы працягваюцца. Магчыма, яны некалькі запаволіліся па той прычыне, што цяпер ва ўрадзе Кыргызстана ідуць сур'ёзныя перастаноўкі. Але мы спадзяемся, што пляцоўка для "Спутник V" будзе адкрыта ў гэтай краіне", - падкрэсліў Камалян.
Ён таксама ўдакладніў, што вытворчасць спачатку будзе разлічана для ўнутранага рынку, а ўжо пасля можна будзе наладзіць пастаўкі вакцыны за мяжу.
"Вакцына "Спутник V" карыстаецца вялікім попытам у свеце, многія краіны хочуць атрымаць гэты прэпарат", - дадаў міністр ЕЭК.
Як заявіў Артак Камалян, Арменія зараз знаходзіцца ў завяршальнай стадыі перамоў па вытворчасці расійскай вакцыны.
"Арменія гатова прадаставіць пляцоўку пад вытворчасць 100 тысяч доз у месяц", - адзначыў ён.
Міністр па прамысловасці і аграпрамысловаму комплексу ЕЭК выказаў надзею на больш хуткую рэалізацыю дамоўленасцей.
"Спутник V" у свеце
Расійская вакцына зарэгістравана ў 60 краінах з насельніцтвам звыш 1,5 мільярда чалавек. Па колькасці атрыманых адабрэнняў рэгулятарамі прэпарат займае другое месца ў свеце.
Навуковы часопіс Lancet ў пачатку лютага апублікаваў вынікі трэцяй фазы клінічных даследаванняў вакцыны "Спутник V", якія пацвярджаюць высокую эфектыўнасць і бяспеку прэпарату. У ходзе фазы III клінічных даследаванняў прэпарат "Спутник V" прадэманстраваў высокія паказчыкі імунагеннасці і бяспекі, а эфектыўнасць склала 91,6 працэнта.
"Спутник V" дае поўную абарону ад цяжкіх выпадкаў захворвання новай каронавіруснай інфекцыяй.
Вытворчасць у Беларусі
Першыя вопытныя партыі расійскай вакцыны на "Белмедпрэпаратах" былі выраблены 28 лютага. 25 сакавіка ў Беларусі пачаўся прамысловы выпуск вакцыны па расійскіх тэхналогіях. Першую такую партыю праверыў сам распрацоўшчык - Навуковы цэнтр імя Гамалеі.
Плануецца, што прамысловы выпуск расійскай вакцыны складзе 500 тысяч у месяц. Адна вакцына ўключае ў сябе дзве дозы прэпарату, такім чынам, пасля выпуску першай партыі, прышчапіцца змогуць паўмільёна чалавек.
Чытайце таксама:
- Першую партыю вакцыны "Спутник V" у Беларусі выпусцяць у сярэдзіне красавіка
- ЕС спрабуе прыняць тэрміновыя меры па дыскрэдытацыі расійскай вакцыны - СЗР
- Пададзена заяўка на ўдзел вакцыны "Спутник V" у глабальнай праграме COVAX
Тэги: