Сумесныя штабныя вучэнні Беларусі і Расіі

Сумесную штабную трэніроўку правялі ваеннаслужачыя Беларусі і Расіі

19
(абноўлена 20:23 18.03.2021)
Да манеўраў былі прыцягнуты сілы і сродкі падраздзяленняў супрацьпаветранай абароны і баявой авіяцыі.

МІНСК, 19 сак – Sputnik. Беларуска-расійскія вучэбныя манеўры ў частках ВПС і СПА завяршыліся ў чацвер, пра гэта паведамілі ў прэс-службе Міністэрства абароны Беларусі.

Да вучэнняў, якія прайшлі з 16 па 18 сакавіка, ад Расіі былі залучаны аператыўныя групы Заходняй, Цэнтральнай і Паўднёвай ваенных акруг. Адпрацаваны пытанні перабазіравання авіяцыі ВКС РФ на беларускія аэрадромы.

Кіраўніцтва высока ацаніла дзеянні падначаленых. Усе задачы былі выкананы на адзнаку выдатна. У прыватнасці, былі спланаваны і выкананы дзеянні на выпадак сумеснай абарончай аперацыі сіламі рэгіянальнай групоўкі. Таксама былі адпрацаваны дзеянні па ахове заходняй мяжы Саюзнай дзяржавы.

Беларускім лётчыкам вучэнні дазволілі пераняць вопыт расійскіх вайскоўцаў, якія знаходзіліся ў камандзіроўцы ў Сірыі. Акрамя таго, былі прааналізаваны характар ​​і дзеянні бакоў падчас нядаўняга канфлікту ў Нагорным Карабаху.

Падраздзяленні ВПС і СПА працягнуць умацоўваць супрацоўніцтва. Самым сур'ёзным іспытам для ваенных Беларусі і Расіі стануць сумесныя стратэгічныя вучэнні "Захад-2021". Яны адбудуцца ўвосень, да іх беларускія і расійскія ваенныя будуць паляпшаць вывучку. Акрамя таго беларускія каманды ваенных будуць прадстаўлены на прафесійных конкурсах "Армейскіх міжнародных гульняў". Лётчыкі, да прыкладу, могуць змагацца ў такой дысцыпліне як "Авіядартс".

Чытайце таксама:

19
Тэги:
вучэнні, авіяцыя, Абарона, Расія, Беларусь, Ваеннаслужачыя
Тэмы:
Саюзная дзяржава Беларусі і Расіі (144)
Камеры і журналісты

Інфармацыйная бяспека: праект закона аб СМІ прыняты ў другім чытанні

12
(абноўлена 14:37 16.04.2021)
У адпаведнасці з праектам закона, у Беларусі пракурорам дазволяць блакіраваць інтэрнэт-рэсурсы і сеткавыя выданні.

МІНСК, 16 кра – Sputnik. Беларускія дэпутаты прынялі ў другім чытанні законапраект аб змене законаў па пытаннях СМІ, у адпаведнасці з якім уведзены больш жорсткія патрабаванні да сродкаў масавай інфармацыі ў кантэксце пытанняў нацыянальнай бяспекі.

Першае чытанне праекта закона прайшло ў Авальнай зале на мінулым тыдні, ён быў прыняты аднагалосна. Сёння ў Мінску праходзіць пасяджэнне пятай сесіі Палаты прадстаўнікоў Нацыянальнага схода Беларусі.

Прадстаўляючы праект закона дэпутатам, намеснік старшыні камісіі па правах чалавека, нацыянальных адносінах і сродках масавай інфармацыі, былы міністр інфармацыі Лілія Ананіч адзначыла, што яго прыняцце будзе садзейнічаць найбольш эфектыўнаму забеспячэнню інфармацыйнай бяспекі дзяржавы і рэалізацыі канстытуцыйных праў грамадзян на атрыманне поўнай, дакладнай i своечасовай iнфармацыi.

Як ранняе паведамляла агенцтва, у адпаведнасці з праектам закона ў Беларусі пракурорам дазволяць блакіраваць інтэрнэт-рэсурсы і сеткавыя выданні, калі тыя распаўсюджваюць інфармацыю, здольную нанесці шкоду нацыянальным інтарэсам.

Абмежаваць доступ могуць у выпадку, калі такія выданні "распаўсюджваюць звесткі, накіраваныя на прапаганду вайны, экстрэмісцкай дзейнасці або змяшчаюць заклікі да такой дзейнасці", а таксама за інфармацыю, якая "можа нанесці шкоду нацыянальным інтарэсам".

У праекце закона таксама пашыраны пералік відаў інфармацыі, распаўсюджванне якой забаронена. Таксама ўтрымліваецца норма аб абмежаванні замежнага ўплыву на інфармацыйны рынак, выключыўшы наяўную прэферэнцыю для СМІ, у статутным фондзе якіх прысутнічаюць замежныя інвестыцыі больш за 20%.

Акрамя гэтага, праектам закона прапануецца пашырыць падставы для адмовы ў дзяржаўнай рэгістрацыі і перарэгістрацыі СМІ. Спіс прычын для абмежавання доступу да інтэрнэт-рэсурсу або сеткаваму выданню ў новым праекце таксама стаў шырэй, а такое рашэнне можа прымаць не толькі Мінінфарм, але і пракуроры.

Чытайце таксама:

12
Тэги:
інтэрнэт-рэсурсы, сеткавыя выданні, Інтэрнэт, пракурор, Беларусь, СМІ, закон, праект, Бяспека
Тэмы:
Пратэсты пасля выбараў у Беларусі
Аляксандр Вальфовіч у аэрапорце

Дзяржсакратар Савета бяспекі Беларусі паставіў задачы мытнікам і пагранічнікам

6
(абноўлена 21:23 15.04.2021)
Аляксандр Вальфовіч наведаў пункт пропуску "Нацыянальны аэрапорт Мінск", дзе заслухаў даклады кіраўніцтва ДМК і прадстаўнікоў органаў пагранічнай службы

МІНСК, 16 кра – Sputnik. Дзяржаўны сакратар Савета бяспекі Беларусі Аляксандр Вальфовіч паставіў задачы мытнай і памежнай службам - забеспячэнне нацыянальнай бяспекі на дзяржаўнай мяжы і абарона эканамічных інтарэсаў краіны, паведамілі Sputnik у Дзяржаўным мытным камітэце.

Вальфовіч наведаў напярэдадні пункт пропуску "Нацыянальны аэрапорт Мінск", дзе заслухаў даклады кіраўніцтва ДМК і прадстаўнікоў органаў пагранічнай службы.

Дзяржсакратар азнаёміўся з парадкам арганізацыі работы кантралюючых органаў у аэрапорце, пацікавіўся, якім чынам ажыццяўляецца мытны кантроль міжнародных паштовых адпраўленняў, якія паступаюць авіяпоштай.

Старшыня ДМК Уладзімір Арлоўскі далажыў аб мерах, накіраваных на павышэнне эфектыўнасці работы мытні, у тым ліку па стварэнні ўмоў, якія садзейнічаюць паскарэнню тавараабароту, а таксама па спыненні кантрабанды і іншых злачынстваў.

Кіраўнік ДМК адзначыў, што ў першым квартале гэтага года мытні пералічылі ў рэспубліканскі бюджэт каля 2,4 мільярда рублёў, што на 30% больш, чым за аналагічны перыяд 2020-га. На 14,4% павялічылася колькасць перамешчаных праз мытную мяжу тавараў. Разам з тым не спыняюцца спробы парушэння заканадаўства на мяжы.

"У 2021 годзе выяўлена 130 фактаў незаконнага перамяшчэння наркатычных сродкаў і псіхатропных рэчываў (61 факт - у аэрапорце), з незаконнага абароту канфіскавана 76 кілаграмаў наркотыкаў", - адзначыў Арлоўскі.

Нямала забароненых да перамяшчэння праз мяжу прадметаў затрымліваецца і пры кантролі міжнародных пасылак. Старшыня ДМК падкрэсліў, што ў гэтым годзе мытняй ужо канфіскаваны 430 адзінак зброі, яе частак і боепрыпасаў, а таксама больш за 8 кілаграмаў наркатычных сродкаў і псіхатропаў, 28 тысяч нарказмяшчальных прэпаратаў, якія перамяшчалі з дапамогай пошты.

Чытайце таксама:

6
Тэги:
ДМК РБ, Мінск, Нацыянальны аэрапорт Мінск, Аэрапорт, Аляксандр Вальфовіч, пагранічнікі, мытнікі, Беларусь, Савет бяспекі Беларусі, дзяржсакратар
Старшыня ўрада Расіі Міхаіл Мішусцін

Мішусцін: усе нашы міністры працуюць над паляпшэннем адносін з Беларуссю

0
(абноўлена 15:57 16.04.2021)
У беларускі сталіцы расійскі прэм'ер, які прыбыў з афіцыйным візітам, падчас перамоў на вышэйшым узроўні павінен абмеркаваць пытанні двухбаковага супрацоўніцтва з рэспублікай, у тым ліку інтэграцыйную тэматыку.

МІНСК, 16 кра – Sputnik. Расце лічба ўзаемнага тавараабароту, які паступова аднаўляецца, пра гэта заявіў прэм'ер-міністр Расіі Міхаіл Мішусцін падчас перамоў з Аляксандрам Лукашэнкам у Палацы Незалежнасці, перадае карэспандэнт Sputnik.

Па словах Мішусціна, напярэдадні візіту ён абмеркаваў гэтую тэму з прэзідэнтам Расіі Уладзімірам Пуціным. Пры гэтым удакладніў, што падтрымлівае кантакты з кіраўніком беларускага ўрада Раманам Галоўчанкам.

"Усе нашы міністры, прадстаўнікі ведамстваў працуюць як над паляпшэннем нашых адносін, так і над надзённымі праблемамі", - запэўніў кіраўнік расійскага ўрада.

Усё аднаўляецца

Міхаіл Мішусцін звярнуў увагу, што пачаў аднаўляцца ўзаемны тавараабарот, пра што сведчаць лічбы, якія растуць.

"Мы зафіксавалі, што падзенне пасля каронавіруса было значным. Цяпер гэта ўсё аднаўляецца", - удакладніў ён.

"Мы аднаўляем і паветраныя зносіны. 30 красавіка з Масквы ў Мінск павінна "паляцець" "Ласточка" (фірменны цягнік - Sputnik). Мы гэта вітаем. Слава Богу каронавірусная інфекцыя адыходзіць", - адзначыў кіраўнік урада РФ.

Ёсць пытанні

Пасля чаго дадаў, што яшчэ ёсць шмат пытанняў. Медыкі папярэджваюць пра рызыкі, якія могуць утрымлівацца ў розных варыяцыях штамаў каронавіруса.

Расійскі прэм'ер выказаў надзею, што сумесныя меры па супрацьдзеянні інфекцыі прынясуць свой плён і асабліва адзначыў, што ў канцы сакавіка ў Беларусі пачаўся выраб расійскай вакцыны "Спутник V".

Інтэграцыя сістэм

"Наша ўзаемадзеянне ў галіне прамысловасці, энергетыкі, транспарту, інфраструктуры, будаўніцтва вельмі актыўнае. 2021 год - гэта год Расіі ў Беларусі, а наступны Беларусі ў Расіі. Нашы культурныя сувязі, абмен прадстаўнікамі культуры, будзе інтэнсіфікаваны", - сказаў ён.

Міхаіл Мішусцін паведаміў, што падпісаў са сваім беларускім калегам Раманам Галоўчанкам адпаведную праграму культурнага супрацоўніцтва.

"Сёння мы паглядзім, як можна інтэграваць нашы сістэмы. Я даўно ведаю беларускіх калег з Мытнай службы, з Падатковай службы. Гэта высокія прафесіяналы. Але нашы сістэмы, паколькі яны ўзаемадзейнічаюць ў пастаянным рэжыме (увесь таваразварот), павінны быць інтэграваныя", - таксама канстатаваў ён.

На яго думку, інтэграцыя будзе на карысць Саюзнай дзяржаве.

"Выгада, а ні ў якім разе нейкія паглынанні. Мы так гэта і бачым. Паспрабавалі разгледзець магчымасці гэтай інтэграцыі на аснове лепшых тэхналогій, якія прапануе і беларускі, і расійскі бок. Сёння пагаворым пра гэта, мы рыхтаваліся з Раманам Аляксандравічам (Галоўчанкам - Sputnik) да гэтай падзеі", - растлумачыў пазіцыю расійскі прэм'ер-міністр.

Чытайце таксама:

0
Тэги:
Урад, Інтэграцыя, рэспубліка, Расія, перамовы, візіт, прэм'ер, сталіца, Беларусь, Адносіны, Міністры, Міхаіл Мішусцін
Тэмы:
Саюзная дзяржава Беларусі і Расіі (144)