Мінторг усталяваў сацыяльныя кошты на “малочку” і кураціну

© Sputnik / Кирилл Каллиников / Перайсці ў медыябанкМалочныя прадукты ў вітрыне гандлевага павільена
Малочныя прадукты ў вітрыне гандлевага павільена - Sputnik Беларусь
Падпісацца
Міністэрства таксама акрэсліла межы гандлёвых надбавак на сацыяльна значныя тавары.

МІНСК, 23 сак-Sputnik. Міністэрства гандлю Беларусі ўсталявала максімальныя адпускныя цэны на малочныя прадукты і на мяса куранят-бройлераў, а таксама вызначыла максімальныя гандлёвыя надбаўкі да цэн на сацыяльна значныя тавары.

Функцыя рэгулявання цэн на сацыяльна значныя тавары ў Беларусі з лютага 2015 г. перададзена ад Міністэрства эканомікі Мінгандлю.

Як адзначаецца ў пастанове №2 Мінгандлю, якая апублікавана на Нацыянальным прававым інтэрнэт-партале, гаворка ідзе аб цэнах, па якіх вытворцы сацыяльна значных тавараў пастаўляюць іх у гандаль. Згодна з дакументам, мяса куранят-бройлераў не можа паступаць у гандаль даражэй за 24756 рублёў за кілаграм.

Максімальныя адпускныя цэны на малочную прадукцыю складаюць:

  • малако без смакавых дабавак і напаўняльнікаў у поліэтыленавых пакетах у залежнасці ад тлустасці 3075 — 5007 рублёў за літр;
  • кефір з кароўега малака без смакавых дабавак і напаўняльнікаў у поліэтыленавых пакетах — 2810 — 5051 рублёў за літр;
  • вагавая смятана без дабавак і напаўняльнікаў-122352-20091 рублёў за кілаграм;
  • вагавы тварог без дабавак і напаўняльнікаў-16232-20941  рублёў за кілаграм.

Згодна з пастановай Мінгандлю N6, для арганізацый гандлю ўсталёўваюцца максімальныя надбаўкі да адпускных цэн на сацыяльна значныя тавары.

У прыватнасці, на мяса куранят-бройлераў і паўфабрыкатаў з іх гандлёвая надбаўка не можа складаць больш за 18%.

Надбаўкі на малако (тлустасцю ад 1,5 да 3,5%), кефір (тлустасцю да 3,5%), смятану (тлустасцю да 25%), тварог (тлустасцю да 9%) складаюць не больш за 11%.

Максімальная гандлёвая надбаўка на аднесеныя да сацыяльных таварах ялавічыну і свініну складае 12%, на курыныя яйкі — 20%, на хлеб — 15%.

Максімальная гандлёвая надбаўка на "сацыяльнае" мяса складае 12%,  на яйкі-20%, хлеб-15%.

Надбаўкі на кансервы і сухія сумесі для дзіцячага харчавання складаюць 11%, на дзіцячыя сокі і плодаагароднінныя кансервы-12%.

У Беларусі ў другой палове снежня, у перыяд вострага крызісу на валютным рынку, урад увёў мараторый на рост цэн. У лютым мараторый пачаў мякчэць. На мінулым тыдні намеснік міністра гандлю Ірына Наркевіч заявіла, што ў хуткім часе ў рэспубліцы адбудзецца поўная лібералізацыя цэн.

Свабоднае цэнаўтварэнне з'яўляецца адным з асноўных патрабаванняў МВФ да ўладаў Беларусі для пачатку абмеркавання новай краінавай праграмы.

Стужка навiн
0