Клайпедскі марскі порт

МЗС: больш за трэць грузаў у порце Клайпеды беларускія

37
Беларусь і Літва, паводле слоў намесніка міністра, “павінны біцца за кожны долар гандлёвага абароту”.

МІНСК, 29 кра — Sputnik. Больш за трэць магутнасцяў порта ў Клайпедзе задзейнічаны на перавалцы беларускіх грузаў, заявіў першы намеснік міністра МЗС Беларусі Аляксандр Міхневіч.

У цяперашні час транзіт беларускіх грузаў праз Клайпедскі порт, па словах намесніка міністра, павялічыўся.

"Бачым добрыя перспектывы павелічэння транзіту беларускіх тавараў праз Клайпедскі порт. Перевалка грузаў з Беларусі складае каля 35% загружанасці гэтага порта. Некалькі гадоў таму перавальваць каля 8,9 млн тон грузаў з Беларусі, а цяпер — каля 13 млн тон", —  сказаў Міхневіч у інтэрв'ю літоўскай газеце "Летувас жынес".

Паводле слоў намесніка міністра, Літва ўваходзіць у першую дзесятку асноўных знешнегандлёвых партнёраў Беларусі: ў 2014 годзе аб'ём узаемнага гандлю склаў 1,4 мільярда даляраў, тады як раней дадзеная сума дасягала 1,7 мільярда.

"Мы хацелі б, каб ён (аб'ём гандлю — Sputnik) быў больш, але зараз склаўся такі аптымальны ўзровень", — сказаў намеснік міністра.

Пры гэтым Міхневіч падкрэсліў, што "мы не павінны апускаць рукі, а біцца за кожны даляр нашага гандлёвага абароту". Ён таксама адзначыў, што вопыт супрацоўніцтва Беларусі і Літвы мог бы стаць прыкладаў для іншых краін Еўрасаюза.

"Калі б мы з усімі краінамі ЕС мелі такой абарот гандлю, як з Літвой, гэта было б вялікім прарывам у нашых эканамічных адносінах з ЕС", — сказаў прадстаўнік МЗС.

Паводле яго слоў, гандлёва-эканамічныя сувязі Беларусі і ЕС трэба дыверсіфікаваць, каб "у нас быў мост паміж Усходам і Захадам".

Міхневіч таксама праінфармаваў, што Беларусь і Літва зараз пераходзяць да інвестыцыйнага супрацоўніцтва — ствараюцца агульныя кампаніі, ідзе абмен капіталамі: цяпер у рэспубліцы дзейнічае каля 600 кампаній з літоўскім капіталам, а ў Літве — каля 250 кампаній з беларускім капіталам.

37
Тэги:
Водны транспарт, Міжнародны гандль, Транспарт, Міністэрства замежных спраў Рэспублікі Беларусь, Аляксандр Міхневіч
Каментары