Парася на ферме

Рассельгаснагляд дазволіў пастаўку мяса з трох беларускіх камбінатаў

47
Забарона адменена, але з умовай – павінен быць пастаянны лабараторны маніторынг прадукцыі гэтых камбінатаў.

МІНСК, 1 ліп — Sputnik. Федэральная служба па ветэрынарным і фітасанітарным кантролі Расіі (Рассельгаснагляд) адмяніла часовыя абмежаванні на пастаўкі на тэрыторыю РФ свініны ў паўтушы з трох беларускіх прадпрыемстваў, паведамляе прэс-служба ведамства.

Расія напрыканцы 2014 года забараніла ўвоз на сваю тэрыторыі мясной прадукцыі шэрагу беларускіх мясакамбінатаў з-за АЧС, мікробнага забруджвання і наяўнасці антыбіётыкаў.

 "Федэральная служба па ветэрынарным і фітасанітарным наглядзе паведамляе аб адмене з 1 ліпеня 2015 часовых абмежаванняў на пастаўкі на тэрыторыю Расійскай Федэрацыі свініны ў паўтушы з трох прадпрыемстваў Рэспублікі Беларусь: ААТ "Гродзенскі мясакамбінат",  ААТ  "Бярозаўскі мясакамбінат", філіял "Мастоўскі кумпячок",  ААТ "Агракамбінат  "Скідзельскі" пры ўмове пастаяннага лабараторнага маніторынгу прадукцыі гэтых прадпрыемстваў", —  гаворыцца ў паведамленні ведамства.

Там таксама падкрэсліваецца, што адпаведнае ўказанне накіравана ў тэрытарыяльныя органы службы. Абмежаванні ў дачыненні да ААТ "Агракамбінат "Скідзельскі" і ААТ "Гродзенскі мясакамбінат" былі ўведзеныя Рассельгаснаглядам 26 лістапада 2014 года, ААТ "Бярозаўскі мясакамбінат" — 24 лістапада.

47
Тэги:
Макраэканоміка, Палітыка, Дзяржаўны апарат, Рассельгаснагляд, Еўропа, Увесь свет
Каментары