МІНСК, 24 лют — Sputnik. Прэзідэнт Беларусі Аляксандр Лукашэнка даручыў ураду прыняць меры для забеспячэння сацыяльнай абароны насельніцтва, дадатковай падтрымкі малазабяспечаных грамадзян і пенсіянераў.
Адпаведныя палажэнні замацаваны ва ўказе прэзідэнта №78 "Аб мерах па павышэнню эфектыўнасці сацыяльна-эканамічнага комплексу Беларусі". Тэкст дакумента апублікаваны на афіцыйным партале кіраўніка дзяржавы.
Прэзідэнцкім указам даручаецца ураду ўнесці прапановы па павелічэнні з 1 сакавіка 2016 года бюджэту пражытачнага мінімуму ў сярэднім на душу насельніцтва з мэтай забеспячэння сацыяльнай абароны грамадзян.
З гэтай жа даты ў краіне павінны быць ўзмоцнены механізмы дзяржаўнай адраснай сацыяльнай падтрымкі грамадзян, у тым ліку шляхам перагляду памераў выплат сацыяльнага характару.
Таксама ўраду даручаецца ўнесці прапановы па ўкараненні з 1 кастрычніка 2016 года безнаяўных жыллёвых субсідый для частковай аплаты асноўных жыллёва-камунальных паслуг.
Мясцовым Саветам дэпутатаў даручана разгледзець магчымасць аказання за кошт мясцовых бюджэтаў дадатковай сацыяльнай падтрымкі дзецям, моладзі, ветэранам, інвалідам, пажылым людзям, а таксама іншым катэгорыям грамадзян, якія маюць патрэбу ў дапамозе.
