МІНСК, 3 чэр — Sputnik. Міністэрства гандлю Беларусі нагадала арганізацыям грамадскага харчавання пра тое, што яны не маюць права ўсталёўваць сумы мінімальнай замовы на аднаго чалавека пры правядзенні вяселляў, юбілеяў і выпускных вечароў.
Такія высновы спецыялісты Мінгандлю зрабілі па выніках маніторынгу парадку прыёму папярэдніх замоў на абслугоўванне ў беларускіх кавярнях і рэстаранах, паведамілі Sputnik ў прэс-службе ведамства.
"Было выяўлена, што некаторымі суб'ектамі грамадскага харчавання усталёўваецца мінімальная сума перадаплаты пры замове, а таксама мінімальная сума заказу на аднаго чалавека пры правядзенні вяселляў, юбілеяў, а таксама пры арганізацыі мерапрыемстваў для выпускнікоў", — заўважылі ў Мінгандлі.
Там звярнулі ўвагу на тое, што такія дзеянні разглядаюцца як парушэнне пастановы Мінгандлю №7, якое было прынята ў лютым 2008 года.
"За падобнае парушэнне па артыкуле 12.17 КаАП Беларусі грамадзянін або арганізацыя, прызнаныя вінаватымі, нясуць адміністрацыйную адказнасць", — заўважылі ў міністэрстве.
Там нагадалі, што з парадкам афармлення папярэдніх заказаў у аб'ектах грамадскага харчавання можна азнаёміцца на сайце Мінгандлю ў раздзеле "Грамадскае харчаванне. Даведачная інфармацыя".
