На электрападстанцыі

Беларусь прапаноўвае Польшчы пастаўляць у ЕС атамную электраэнергію

11
(абноўлена 16:04 24.10.2016)
Прэм'ер Беларусі лічыць, што Польшча магла б скарыстацца электраэнергіяй, вырабленай на БелАЭС, або заняцца яе транзітам.

МІНСК, 24 кас — Sputnik. Беларусь прапаноўвае Польшчы супрацоўніцтва ў пытаннях паставак электраэнергіі з будучай АЭС у краіны Еўрасаюза, заявіў прэм'ер-міністр Беларусі Андрэй Кабякоў, сустракаючыся ў панядзелак у Мінску з віцэ-прэм'ерам, міністрам развіцця і фінансаў Польшчы Матэушам Маравецкім.

Раней Літва заклікала краіны ЕС адмовіцца ад куплі электраэнергіі, выпрацаванай на БелАЭС, паколькі лічыць яе экалагічна небяспечнай.

"Беларусь плануе у 2018 годзе ўвесці першы энергаблок атамнай электрастанцыі. Думаю, мы маглі б вельмі добра супрацоўнічаць у пытаннях пастаўкі электраэнергіі з Беларусі ў Еўрапейскі саюз, і польскі бок маг бы скарыстацца гэтай электраэнергіяй або транзітаваць яе далей у Еўрапейскі саюз", — прыводзіць словы Кабякова прэс-служба ўрада.

Прэм'ер адзначыў, што "гэта тэма актыўна ў свой час вывучалася, і я думаю, яна мае перспектыву". Беларусь і Польшча каля дзесяці гадоў таму актыўна абмяркоўвалі магчымасць арганізацыі транзіту электраэнергіі. Для гэтага патрабавалася аднавіць міждзяржаўную ЛЭП "Рось — Беласток", якая цалкам спыніла працу ў 2005 годзе.

У сярэдзіне 2000-х гадоў Белэнерга вяло перамовы з польскай кампаніяй PSE на пастаўку электраэнергіі з Бярозаўскай ГРЭС. Тады ж Беларусь афіцыйна накіроўвала ў Еўракамісію прапанову па стварэнні электраэнергетычнага транспартнага кальца з ЕС, але з розных нагод яму не быў дадзены ход.

З выкарыстаннем гэтай лініі ў 2008 годзе глабальны праект прапаноўваў польскі Kulczyk Holding. Ён уключаў у сябе будаўніцтва Зэльвенскай ТЭС, якая працавала б на польскім вугалі, а таксама рэканструкцыю ЛЭП і будаўніцтва новых ліній для экспарту электраэнергіі ў Польшчу. Агульны кошт праекта ацэньваўся прыкладна ў 2 мільярды долараў.

Аднак абвастрэнне палітычных адносін паміж Беларуссю і Польшчай у 2011 годзе прывяло да згортваньня гэтага праекта. Энергетычныя эксперты ў Беларусі і Польшчы мяркуюць, што з запускам БелАЭС ён можа быць рэанімаваны.

11
Тэги:
Энергетыка, Энергетычны рынак, Атамная энергетыка, БелАЭС, Матэуш Маравецкі, Андрэй Кабякоў, Мінск
Міністр замежных спраў Беларусі Уладзімір Макей

Галодныя бунты: Макей назваў мэту заходніх санкцый у дачыненні да Беларусі

3
(абноўлена 17:57 12.06.2021)
Кіраўнік беларускага МЗС таксама выказаў здзіўленне з нагоды заяў шэрага заходніх палітыкаў аб тым, што моцныя санкцыі супраць Беларусі будуць у інтарэсах саміх грамадзян рэспублікі.

МІНСК, 12 чэр – Sputnik. Міністр замежных спраў Беларусі Уладзімір Макей лічыць, што ўзмацненне жорсткасці заходніх санкцый у дачыненні да Мінска мае сваёй мэтай выклікаць "галодныя бунты" у краіне.

Захад прыняў некалькі пакетаў санкцый у дачыненні да Беларусі пасля пратэстаў, якія адбыліся ўслед за прэзідэнцкімі выбарамі ў жніўні 2020 года. Тэма ўзмацнення жорсткасці санкцый з новай сілай прагучала пасля экстранай пасадкі самалёта Ryanair у мінскім аэрапорце і затрымання апазіцыянера Рамана Пратасевіча.

"Абсалютна варожыя выказванні (пра санкцыі - Sputnik), якія прымушаюць нас задумацца. Без адказу такія выказванні і дзеянні не павінны заставацца. Чаму гэта робіцца? Мэтай з'яўляецца ўдушэнне эканомікі Беларусі, давядзенне краіны да галодных бунтаў, якія павінны знесці гэтую ўладу", - заявіў Макей у інтэрв'ю тэлеканалу АНТ, урывак якога быў паказаны ў суботу.

Паводле яго слоў, перад беларускай апазіцыяй некаторым сіламі на Захадзе ставіцца задача аднавіць масавыя пратэсты ў краіне да верасня.

"Нам дакладна вядома, што літаральна нядаўна тым (прадстаўнікам беларускай апазіцыі - Sputnik), хто знаходзіцца ў Польшчы, было дакладна сказана: "Калі да верасня не будзе масавых пратэстаў у Беларусі, мы спынім ваша фінансаванне". Вядома, яны вымушаны рэагаваць на гэтую пагрозу, звязаную з непасрэдна іх дабрабытам, і пачынаць нейкія дзеянні", - дадаў кіраўнік МЗС.

Макей выказаў здзіўленне з нагоды заяў заходніх палітыкаў аб тым, што моцныя санкцыі супраць Беларусі будуць у інтарэсах саміх грамадзян рэспублікі, якія нібыта чакаюць жорсткіх абмежавальных мер.

"Некалькі прыкладаў кароткіх. Мадам прэзідэнт Эстоніі па выніках сустрэчы з вядомай збеглай дамай кажа: "Як я толькі што была праінфармавана, моцныя эфектыўныя санкцыі - гэта ў нацыянальных інтарэсах беларускага народа, і яны чакаюць гэтых санкцый. Гэта прымусіць беларусаў пацярпець, але гэта не вялікая цана", - сказаў Макей.

"Уяўляеце, якія кашчунскія разважанні?" - падкрэсліў міністр.

Ён прывёў яшчэ два кароткія прыклады таго, як заходнія палітыкі патрабуюць санкцый у дачыненні да Мінска. "Мадам міністр замежных спраў Нідэрландаў кажа, што жорсткія санкцыі - гэта важна і прыгожа. Я так і ўяўляю: яна сядзіць перад люстэркам, камера стаіць запісвае, і яна фарбуе пазногці і кажа "санкцыі - гэта важна і прыгожа", - сказаў кіраўнік МЗС . Сваю рэпліку ён артыстычна суправадзіў жэстамі.

"А прэм'ер-міністр Нідэрландаў заявіў, што мы не пакінем каменя на камені ад Беларусі, ад грамадства і гэтак далей і да таго падобнае", - працягнуў Макей.

"Абсалютна варожыя выказванні, якія, вядома ж, прымушаюць нас задумацца і без адказу такія выказванні не павінны заставацца", - падкрэсліў кіраўнік беларускай дыпламатыі.

Чытайце таксама:

3
Тэги:
рэспубліка, грамадзяне, МЗС, Беларусь, санкцыі, бунт, Уладзімір Макей
Тэмы:
Пратэсты пасля выбараў у Беларусі
Трактары МТЗ на выставе Белагра

МТЗ запланаваў прома-тур беларускіх трактароў у ЗША

15
(абноўлена 16:29 11.06.2021)
Беларускія трактары пакажуць на буйных сельскагаспадарчых выставах у Злучаных Штатах Амерыкі.

МІНСК, 11 чэр - Sputnik. Мінскі трактарны завод збіраецца паказаць сваю тэхніку на выставах у Злучаных Штатах Амерыкі, паведаміла прэс-служба прадпрыемства.

Плануецца, што выставы пройдуць у верасні. Прома-тур пачнецца ў штаце Ілінойс на спецыялізаваным сельскагаспадарчым паказе Farm Progress Show, далей ён працягнецца ў Паўночнай Дакоце - найбуйнейшай выставе Сярэдняга Захаду Big Iron Farm Show у аграрнай галіне.

Плануецца, што МТЗ пакажа тры мадэлі тэхнікі - Belarus-952.7, 1025.7 і 1221.7 - з рухавікамі экалагічнага класа Tier IV Final.

У студзені гэтага года трактары Belarus-952.7, 1025.7 і 1221.7 з рухавікамі Caterpillar прайшлі сертыфікацыйныя выпрабаванні для выхаду на рынак Еўрапейскага саюза.

Чытайце таксама:

15
Тэги:
выстава, ЗША, трактар, МТЗ