Прадукцыя Белшыны

Мясніковіч абвінаваціў Расію ў нядобрасумленнай канкурэнцыі з "Белшынай"

16
Старшыня Савета рэспублікі мяркуе, што меры пратэкцыянізму ў Саюзнай дзяржаве павінны быць узгоднены.

МІНСК, 23 сне — Sputnik. ААТ "Белшына" нясе страты з-за нядобрасумленнай канкурэнцыі ў Расіі, заявіў у пятніцу старшыня Савета Рэспублікі Нацыянальнага сходу Міхаіл Мясніковіч.

"З боку Расіі ў наяўнасці факты нядобрасумленнай канкурэнцыі, калі прымаюцца рашэнні па энерганосьбітах і па сыравіне для сваіх прадпрыемстваў шыннай прамысловасці па цэнах ніжэй, чым для беларускіх пакупнікоў. Гэта стварае няроўныя ўмовы на агульным нашым рынку", — сказаў Мясніковіч падчас наведвання прадпрыемства. Яго словы прыводзіць у пятніцу дзяржаўнае агенцтва БелТА.

Ён мяркуе, што "гэта тычыцца не толькі шыннай прадукцыі, але і па многіх іншых паказчыках мы не збліжаемся ў рамках фарміравання Адзінай эканамічнай прасторы без выключэнняў і абмежаванняў, а разыходзімся". "На жаль, гэта імкненне выжыць у цяжкі час у адзіночку, я лічу, з'яўляецца памылковым", — дадаў Мясніковіч.

Паводле яго слоў, цяпер абмяркоўваюцца падыходы, як зрабіць так, каб і ў рамках Саюзнай дзяржавы, і ў межах Еўразійскага эканамічнай саюза ўсё ж такі праводзіць узгодненую эканамічную палітыку.

"Усе меры дзяржаўнага пратэкцыянізму павінны быць узгоднены. Мы дапускаем, што яны могуць быць, але яны не павінны наносіць урон і страты для партнёраў, якія працуюць у рамках Адзінай эканамічнай прасторы. Безумоўна, канкурэнцыя павінна быць, але яна павінна быць добрасумленнай", — сказаў кіраўнік верхняй палаты парламента.

16
Тэги:
Саюзная дзяржава, Эканоміка, Савет Рэспублікі Нацыянальнага сходу РБ, Міхаіл Мясніковіч, Бабруйск, Беларусь
Каментары