Сцяг СГА

Беларусь плануе ўступіць у СГА да 2020 года

10
(абноўлена 08:46 28.12.2016)
Краіна падрыхтуе выніковы даклад, у якім абазначыць свае абавязацельствы ў якасці члена СГА. Нацыянальныя інтарэсы будуць у прыярытэце падчас перамоўнага працэсу.

МІНСК, 27 сне — Sputnik. Беларусь да 2020 года плануе стаць членам Сусветнай гандлёвай арганізацыі (СГА), гаворыцца ў Праграме сацыяльна-эканамічнага развіцця краіны на 2016-2020 гады, якая была зацверджана прэзідэнтам Аляксандрам Лукашэнкам у сярэдзіне снежня.

Беларусь пачала працэс уступлення ў СГА ў 1993 годзе. У 2015-м працэс актывізаваўся, а ў 2016 годзе, пасля зняцця з рэспублікі санкцый ЕС, многія краіны заявілі аб тым, што чакаюць Беларусь у СГА і выступілі з ініцыятывай аднаўлення перамоў.

"Плануецца падрыхтоўка праекта выніковага дакладу, які ўстанаўлівае пакет абавязацельстваў Беларусі ў якасці члена СГА. Уступленне ў бягучым пяцігоддзі краіны ў СГА на ўмовах, якія ўлічваюць нацыянальныя інтарэсы, будзе спрыяць паглыбленню інтэграцыі Беларусі ў шматбаковую гандлёвую сістэму, пашырэнню знешнегандлёвых сувязяў краіны з членамі СГА, развіццю экспарту", — гаворыцца ў дакуменце.

У праграме таксама адзначаецца, што Беларусь будзе працаваць над пераарыентацыяй таварных патокаў на новыя перспектыўныя рынкі пры захаванні пазіцый на традыцыйных рынках. Аднак пры гэтым чакаецца захаванне долі паставак беларускай прадукцыі на рынак РФ, паколькі гэта прыносіць максімальную эканамічную эфектыўнасць.

Стратэгія дыверсіфікацыі знешніх рынкаў грунтуецца на развіцці супрацоўніцтва з дзяржавамі, з якімі існуюць дамоўленасці або кантакты на высокім палітычным узроўні: краіны Лацінскай Амерыкі, Усходняй і Паўднёва-Усходняй Азіі, Блізкага Усходу і Афрыкі, а таксама Кітай і Індыя.

"Прыярытэтам на еўрапейскім вектары з'яўляецца інтэнсіфікацыя партнёрства з краінамі Еўрасаюза ў сферах гандлю і высокатэхналагічных інвестыцый, транспарту, транзіту, трансгранічнага і рэгіянальнага супрацоўніцтва, спрашчэння візавага рэжыму, аховы навакольнага асяроддзя.

Адна з ключавых задач на перспектыву — поўная нармалізацыя адносін і выхад на заключэнне базавага пагаднення аб партнёрстве і супрацоўніцтве паміж Беларуссю і Еўрапейскім саюзам", — гаворыцца ў праграме. За пяць гадоў Мінск разлічвае раўнамерна размеркаваць свае таварныя патокі на рынках ЕС, ЕАЭС і краін "далёкай дугі".

10
Тэги:
Сусветная эканоміка, Міжнародны гандль, СГА, Аляксандр Лукашэнка, Беларусь
По теме
Лукашэнка даў згоду паскорыць перамовы аб уступленні ў СГА
Калькулятор і грошы

З 1 чэрвеня даражэюць гарачая вада і ацяпленне. Як зменяцца сумы ў жыроўках

1
(абноўлена 09:59 01.06.2020)
Чэрвеньскае падаражэнне паслуг цеплазабеспячэння прадугледжана планавым павышэннем тарыфаў на жыллёва-камунальныя паслугі ў межах 5 долараў.

МІНСК, 1 чэр - Sputnik. Тарыфы на цеплазабеспячэнне (ацяпленне і абаграванне вады), якія субсідуюцца дзяржавай, павялічваюцца з 1 чэрвеня - з 18,4831 да 20,6216 рубля за 1 Гкал. Эканамічна абгрунтаваны тарыф на паслугі цеплазабеспячэння павялічвалі з 1 студзеня гэтага года - з 88,99 рубля да 92,25 рубля за 1 Гкал (у мінулым годзе ён не мяняўся).

Чэрвеньскае падаражэнне паслуг цеплазабеспячэння прадугледжана планавым павышэннем тарыфаў на жыллёва-камунальныя паслугі ў межах 5 долараў.

Па звычайнай практыцы, у Беларусі тарыфы на камуналку мяняюцца двойчы на год. Так, на пачатку студзеня павялічваюцца тарыфы на газа-, электра- і водазабеспячэнне, водаадвядзенне, на паслугі па капрамонту, санітарнае ўтрыманне дапаможных памяшканняў жылога дома, па кампенсацыі выдаткаў на электраэнергію. На пачатку лета даражэе толькі цеплазабеспячэнне.

Як зменяцца сумы за ацяпленне і гарачую ваду

Так, уладальнік мінскай аднапакаёўкі плошчай 33,2 квадратнага метра, які ў красавіку плаціў за ацяпленне 11,97 рубля (пры спажытых 0,65 Гкал), пасля пачатку ацяпляльнага сезона заплаціць ужо 13,35 рубля. Сума да выплаты за падагрэў вады (пры спажытых 0,4 Гкал) узрастае з 7,39 рубля да 8,23 рубля.

Нагадаем, што кошт ацяплення разлічваецца па агульнай плошчы кватэры і па сведчаннях агульнадамавыя лічыльніка расходу цеплаэнергіі. Калі ў хаце не ўсталяваны лічыльнік на ацяпленне, то кошт за гэтую ЖКП залежыць ад агульнай плошчы кватэр і сярэдніх нарматываў расходу цеплаэнергіі на ацяпленне квадратнага метра такой агульнай плошчы.

1
Тэги:
Тарыфы ЖКГ, Беларусь
Цыстэрны з нафтай

Беларусь павышае экспартныя пошліны на нафту і нафтапрадукты

22
(абноўлена 10:31 01.06.2020)
Рост нафтавых катыровак на міжнародных гандлёвых пляцоўках аўтаматычна пацягнуў за сабой рашэнне беларускага ўрада аб павелічэнні збораў.

МІНСК, 1 чэр - Sputnik. Беларусь з 1 чэрвеня падвышае экспартныя пошліны на нафту і нафтапрадукты, якія вывозяцца за межы мытнай тэрыторыі ЕАЭС, паведамілі ў прэс-службе ўрада.

Цяпер згодна з пастановай Саўміна стаўка экспартнай пошліны на сырую нафту складзе 8,3 долара за 1 тону (раней - 6,8 долара).

У сваю чаргу пошліна на прамагонны бензін вырасце з 3,7 долара да 4,5 долара за 1 тону. На таварныя бензіны, лёгкія і сярэднія дыстыляты яе значэнне павялічыцца з 2 долараў да 2,4 долара за 1 тону. Аналагічны паказчык будзе прымяняцца ў дачыненні да дызеля, бензолу, талуолу, ксілолы, змазачных і іншых маслаў.

У папярэдні раз 1 мая стаўкі вывазных мытных пошлін на нафту і нафтапрадукты на фоне абвалу рынку паніжаліся.

22
Тэги:
Урад Беларусі, Нафта, Беларусь
Дзіцячыя вершы: пра прыроду, сям'ю і школу

Дзіцячыя вершы: пра прыроду, сям'ю і школу

16520
(абноўлена 12:44 30.05.2020)
Чытайце вершы дзя дзяцей на беларускай мове ў падборцы Sputnik. Тут толькі самае лепшае і натхняльнае.

У Міжнародны дзень абароны дзяцей Sputnik прапануе падборку лепшых дзіцячых вершаў на беларускай мове. У вершах сучасных паэтаў і класікаў паўстае выява дзяцінства, агульная для ўсіх: сябры, жывёлы і птушачкі, любімая сям'я, новыя адкрыцці і школьныя бязладзіцы.

Наведаць чароўную краіну дзяцінства і ўспомніць любімыя вершы можна таксама па спасылцы, а калі вам падабаюцца загадкі, Sputnik ужо рабіў падборку нескладаных пытанняў, якія можна задаваць самым маленькім.

Вершы пра маму, бацьку і сям'ю нікога не пакінуць абыякавымі. Пачытайце таксама беларускія народныя прыказкі пра дзяцей – абяцаем, некаторыя з іх вас сапраўды здзівяць.

Чытайце таксама:

16520
Тэги:
Беларуская мова, Вершы
Тэмы:
Ад Барадуліна да Хадановіча: вершы на беларускай мове