МІНСК, 19 жні — Sputnik. Амаль 80% збожжавых прыбралі беларускія аграрыі да пятніцы 18 жніўня, паведамілі ў эфіры тэлеканала АНТ.
Прэзідэнт Беларусі Аляксандр Лукашэнка даручыў скончыць жніво ў рэспубліцы да 20 жніўня. Тым гаспадаркам, якія не паспеюць справіцца ў тэрмін, дапамогуць суседзі. У цэлым у Беларусі абяцаюць намалаціць да канца лета дзесяць мільёнаў тон збожжавых.
Частка палёў у гэтым годзе засеялі імпартнымі гатункамі збожжа: 300 гектараў у Віцебскай вобласці — пшаніцай польскай селекцыі, 100 гектараў у Магілёўскім рэгіёне — нямецкім гібрыдным жытам.
Лідары ўборачнай кампаніі — Мінская і Брэсцкая вобласці, у кожнай з іх ужо ёсць першы мільён тон хлеба. Следам ідуць Гродзенская і Гомельская вобласці, Магілёўская, менш за ўсё збожжа пакуль што намалацілі ў Віцебскай вобласці.
Лічбы пастаянна абнаўляюцца і павінны дасягнуць максімуму да канца выхадных.
