У Беларусі выкапалі палову бульбы новага ўраджаю

© Sputnik / Александр Кряжев / Перайсці ў медыябанкУборка бульбы
Уборка бульбы - Sputnik Беларусь
Падпісацца
Беларускія аграрыі ўжо сабралі больш за 480 тысяч тон бульбы, лідзіруе па ўборцы Мінская вобласць.

МІНСК, 27 вер — Sputnik. Больш за палову плошчаў бульбы ўбрана ў Беларусі, паведамляецца ў аператыўнай зводцы Міністэрства сельскай гаспадаркі і харчавання краіны. 

Так, па стане на раніцу 27 верасня ў рэспубліцы было прыбрана 50,1% плошчаў бульбы, што складае 15,3 тысячы гектараў. Сельгаспрадпрыемствы і фермеры накапалі 484,5 тысячы тон бульбы.

У разрэзе рэгіёнаў на першым месцы Мінская вобласць з ураджаем у 148,9 тысячы тон, больш за 80 тысяч тон бульбы ўжо атрымана ў Магілёўскай і Брэсцкай абласцях, менш за ўсё пакуль ураджай у пацярпелай сёлета ад халадоў і дажджоў Віцебскай вобласці.

Таксама ў Беларусі ўбрана 27,7% плошчаў цукровых буракоў, ураджай на раніцу серады склаў больш за 1,2 мільёна тон.

Паводле прагнозаў Мінсельгасхарча, сёлета ў Беларусі ўраджай бульбы павінен скласці каля 1,1 мільёна тон.

На пачатку лета, праз дажджы і халоднае надвор'е, беларускія навукоўцы-бульбаводы адзначалі, што з ураджаем бульбы могуць быць праблемы, паколькі ідзе развіццё розных захворванняў гэтай сельгаскультуры. Аднак ужо ў сярэдзіне лета Мінсельгасхарч і віцэ-прэм'ер Беларусі Міхаіл Русы абверглі гэтую інфармацыю, заявіўшы, што бульбы сёлета хопіць і беларусам, і тым, хто купляе беларускую бульбу праз экспарт.

Стужка навiн
0