Канвеер ААТ БелАЗ

"БелАЗ" прааналізаваў магчымасць прадаваць тэхніку за біткоіны

15
(абноўлена 18:02 31.01.2018)
Напачатку студзеня кампанія заявіла аб магчымасці разгледзець рэалізацыю тэхнікі за самую папулярную крыптавалюту.

МІНСК 31 сту — Sputnik. ААТ "БелАЗ" працягвае вывучаць магчымасць рэалізоўваць сваю прадукцыю за біткоіны, пра гэта ў сераду паведаміла прэс-служба кампаніі.

Фінансавы аналітык групы Каліта-Фінанс Дзмітрый Галубоўскі
© Photo : личный архив Дмитрия Голубовского

Упершыню вытворца кар'ерных самазвалаў заявіў пра магчымасць працаваць з крыптавалютай 10 студзеня, вынікі даследавання апублікаваныя на сайце прадпрыемства.

"Усе звароты былі ўважліва разгледжаны кіраўніцтвам прадпрыемства, а таксама прааналізаваныя аналітычнай, фінансавай і эканамічнай службамі ААТ "БелАЗ". Таксама атрыманыя кампетэнтныя тлумачэнні з боку банкаўскіх структур Рэспублікі Беларусь", — растлумачылі ў кампаніі.

У "БелАЗ" распавялі, што ў адпаведнасці з заканадаўствам нашай краіны правядзенне здзелак паміж юрыдычнай асобай і ўласнікам крыптавалютаў магчыма пры распрацоўцы дакументаў, якія будуць рэгуляваць парадак ажыццяўлення аперацый з выкарыстаннем крыптавалют, і з'яўленні ў Беларусі аператара крыптаплатформаў. Службы завода працягваюць вывучэнне рынку крыптавалют.

Кампанія падзякавала тым, хто ўнёс прапановы па куплі прадукцыі, і СМІ, якія распавялі пра цікавасць "БелАЗ" да рынка крыптавалют.

15
Тэги:
криптовалюта, Беларускі аўтамабільны завод, Жодзіна, Беларусь
По теме
Стваральнік "Талера": крыптавалюта не можа быць дзяржаўнай
Вайсберг: прагноз - як павядзе сябе біткоін у 2018 годзе
Румас параўнаў крыптавалюты з МММ
ДМК не плануе змяняць правілы ўвозу абсталявання для майнінга
Запраўка аўтамабіля на АЗС

У дзесяты раз з пачатку года: у Беларусі з 13 красавіка даражэе паліва

9
(абноўлена 09:36 13.04.2021)
З пачатку 2021 года рознічныя цэны на паліва павялічаны ў сярэднім на 4,9 працэнта, паведамілі ў профільным канцэрне.

МІНСК, 13 кра - Sputnik. Паліва даражэе ў Беларусі з 13 красавіка, паведамілі ў канцэрне "Белнафтахім".

Па склалаўшайся практыцы, павышэнне складзе 1 капейку: "на падставе маніторынгу цэн на вуглевадародную сыравіну і ў адпаведнасці з прынятай канцэрнам стратэгіяй стрыманай індэксацыі цэн", - растлумачылі ў канцэрне. Там таксама дадалі, што з пачатку 2021 года рознічныя цэны на паліва павялічаны ў сярэднім на 4,9 працэнта.

З аўторка цэны на паліва будуць наступныя:

  • АІ-92-К5-Еўра - 1,80 руб.
  • АІ-95-К5-Еўра - 1,90 руб.
  • АІ-98-К5-Еўра - 2,12 руб.
  • ДТ - 1,90 рубля

У папярэдні раз кошты мяняліся ў мінулы аўторак, 6 красавіка да гэтага - 29 сакавіка, 16 сакавіка, 10 сакавіка, 2 сакавіка, 23 лютага, 16 лютага, 28 студзеня, 21 студзеня.

Чытайце таксама:

9
Тэги:
цэны, паліва, год, Беларусь
Аляксандр Лукашэнка і Ільхам Аліеў у Мінску

Лукашэнка ў аўторак адправіцца з візітам у Азербайджан

14
(абноўлена 14:08 12.04.2021)
Праграмай двухдзённага візіту прадугледжаны дзве сустрэчы з азербайджанскім калегам Ільхамам Аліевым.

МІНСК, 12 кра – Sputnik. Прэзідэнт Беларусі Аляксандр Лукашэнка адправіцца ў аўторак 13 красавіка з візітам у Азербайджан, паведамілі Sputnik у панядзелак у прэс-службе кіраўніка дзяржавы.

Тэмы перамоў лідэраў Беларусі і Азербайджана

Кіраўнікі дзяржаў сустрэнуцца двойчы і правядуць перамовы ў двух фарматах: нефармальным і афіцыйным.

Першая частка перамоў адбудзецца адразу па прыбыцці Лукашэнкі ў Баку. Плануецца, што лідары ​​дзвюх краін абмяркуюць асноўныя напрамкі беларуска-азербайджанскіх адносін і стратэгічныя пытанні паглыблення двухбаковага супрацоўніцтва. У сераду абмеркаванне найбольш актуальных тэм адбудзецца як у вузкім, так і пашыраным складах з удзелам членаў дэлегацый. Асноўную ўвагу бакі нададуць пашырэнню гандлёва-эканамічнага ўзаемадзеяння і напаўненню супрацоўніцтва новым зместам.

Размова пойдзе аб паглыбленні прамысловай кааперацыі, рэалізацыі бягучых і перспектыўных праектаў у галіне вытворчасці і паставак прадуктаў харчавання, перапрацоўкі сельскагаспадарчай прадукцыі.

Мяркуецца, што бакі абмяркуюць таксама тэмы супрацоўніцтва ў сферы аховы здароўя, навукова-тэхнічнай, адукацыйнай і турыстычнай сферах.

Як указвае прэс-служба прэзідэнта Беларусі, кіраўнікі дзяржаў таксама абмяняюцца меркаваннямі па актуальных пытаннях міжнароднага парадку дня.

Па выніках перамоў чакаецца падпісанне двухбаковых дакументаў.

Сустрэчы прэзідэнтаў дзвюх краін

У апошні раз кіраўнікі дзяржаў бачыліся ў лістападзе 2018 года - тады Аліеў прылятаў у Мінск.

Лукашэнка ж да гэтага быў у Баку двума гадамі раней - восенню 2016-га. Тады бакі падпісалі планы супрацоўніцтва да 2025 года. У ходзе сустрэчы прэзідэнты дамовіліся аб тым, што ў азербайджанскай правінцыі Гянджа беларусы пабудуюць малочнатаварны комплекс на 1200 галоў жывёлы. Тады ж беларускі бок выказаў цікавасць да перапрацоўкі нафты ў Азербайджане на давальніцкіх умовах.

Чытайце таксама:

14
Тэги:
Ільхам Аліеў, сустрэча, Азербайджан, візіт, Аляксандр Лукашэнка
Заслужаны артыст Беларусі Леанід Барткевіч

Памёр Леанід Барткевіч - саліст залатога складу "Песняроў"

2
(абноўлена 13:15 13.04.2021)
Пра смерць заслужанага артыста БССР Леаніда Барткевіча паведаміла Sputnik яго жонка. Яму быў 71 год.

МІНСК, 13 кра - Sputnik. Савецкі і беларускі эстрадны спявак Леанід Барткевіч быў салістам ВІА "Песняры" з 1970 па 1980 год, а таксама з 1999 па жнівень 2003 года.

Леанід Барткевіч належаў да плеяды музыкантаў, чый голас быў знаёмы мільёнам прыхільнікаў творчасці "Песняроў". Гэта ён выконваў "Александрыну", "Вераніку", "Белавежскую пушчу", "Бярозавы сок", "Купалінку".

Леанід Барткевіч нарадзіўся ў 1949 годзе ў Мінску. Музыкай пачаў захапляцца яшчэ ў дзяцінстве: быў салістам у хоры хлопчыкаў Палаца піянераў, граў на гітары, скончыў музычную школу па класе трубы.

Падчас вучобы ў архітэктурным тэхнікуме быў салістам мясцовага аркестра, а пасля - вакалістам ансамбля "Залатыя яблыкі".

Працаваў архітэктарам у "Белндігіпрасельбуд". Дарэчы, на аснове дыпломнага праекта Барткевіча быў пабудаваны мінскі кінатэатр "Кастрычнік".

У 1970 годзе лёс звёў Барткевіча з Уладзімірам Мулявіным, які паклікаў таленавітага юнака выступаць у "Песнярах".

Праспяваўшы некалькі твораў, напісаных Мулявіным, Леанід быў прыняты ў склад легендарнай групы. З гэтага моманту пачалася яркая творчая біяграфія Барткевіча. З ансамблем Леанід пабываў на гастролях у ЗША. "Песняры" сталі першымі ўладальнікамі "Залатога дыска СССР".

Чаму Барткевіч сыходзіў з "Песняроў"

У 1980 годзе артыст паступіў у Расійскі інстытут тэатральнага мастацтва (ДІТІС) на курс эстраднага рэжысёра Іакіма Шароева. З-за вучобы Барткевіч вымушаны быў сысці з "Песняроў". У 1983 годзе ён стаў салістам Беларускага тэлебачання і радыё. У 1989 годзе разам з жонкай, алімпійскай чэмпіёнкай па спартыўнай гімнастыцы Вольгай Корбут і сынам Рычардам пераехаў у ЗША. Там ён пражыў амаль дзесяць гадоў.

Пасля вяртання ў Беларусь Леанід Барткевіч працаваў у ансамблі "Песняры" да самай смерці Уладзіміра Мулявіна.

Затым Барткевіч з некалькімі калегамі стварыў свой ансамбль з такой жа назвай. Ён перастаў існаваць у 2008 годзе, а ў 2009 артыст аб'яднаўся з музыкамі Анатолем Кашапаравым і Алегам Моўчанам ў новы ансамбль "Песняры".

За ўсю сваю кар'еру Леанід Барткевіч атрымаў нямала ўзнагарод. У 1973 годзе ён стаў лаўрэатам I прэміі Усесаюзнага конкурсу савецкай песні, у 1979 атрымаў званне заслужанага артыста Беларусі. Песняр не раз станавіўся лаўрэатам міжнародных фестываляў і конкурсаў.

25 траўня яму магло б споўніцца 72 гады.

Sputnik выказвае спачуванні родным і блізкім Леаніда Леанідавіча.

Чытайце таксама:

2
Тэги:
Беларусь, Sputnik, БССР, артыст, "Песняры", Леанід Барткевіч