Кароўнік, архіўнае фота

Лукашэнка абурыўся тым, што кароўнікі не прыбіраюцца па-чалавечы

53
(абноўлена 15:36 26.03.2019)
Прэзідэнт пабываў у некалькіх кароўніках комплексу "Сліжы" і выказаў незадаволенасць умовамі ўтрымання жывёл і адсутнасцю парадку ў памяшканнях.

МІНСК, 26 сак - Sputnik. Прэзідэнт Беларусі Аляксандр Лукашэнка абурыўся ўмовамі ўтрымання жывёлы на адной з ферм у Шклоўскім раёне, сваю незадаволенасць ён выказаў у час рабочай паездкі ў аўторак, паведаміла прэс-служба кіраўніка дзяржавы.

Беларускі лідар наведаў сёння малочнатаварны комплекс "Сліжы" ў Шклоўскім раёне, напярэдадні ён жорстка раскрытыкаваў аграрную сферу на Магілёўшчыне.

Лукашэнка пабываў у некалькіх кароўніках комплексу "Сліжы", пасля чаго абурыўся ўмовамі ўтрымання жывёл.

"Калі чалавек не разумее, што гэта Асвенцым, а вы яго ставіце кіраўніком холдынгу (ТАА "Купалаўская"), я вас наогул не разумею", - сказаў кіраўнік дзяржавы.

Ён таксама адзначыў адсутнасць парадку ў вытворчых памяшканнях.

"Колькі комплекс працуе? Два гады? А мне здаецца, што гадоў дзесяць. Тут ніколі ніхто не прыбірае па-чалавечы", - выказаў абурэнне Лукашэнка.

Нагадаем, раней прэзідэнт Беларусі адзначыў неабходнасць развіваць новыя напрамкі ў сельскай гаспадарцы рэспублікі, каб атрымліваць сучасную прадукцыю для імпартазамяшчэння.

53
Тэги:
Сельская гаспадарка, Аляксандр Лукашэнка

Эканоміка