Сямейны капітал: каля 680 млн долараў ляжаць на рахунках шматдзетных бацькоў

Сямейны капітал: каля 680 млн долараў ляжаць на рахунках шматдзетных бацькоў

26
(абноўлена 14:12 13.05.2019)
Шматдзетныя сем'і могуць адкрываць у банках дэпазітныя рахункі, на якія ім налічваюцца сродкі з бюджэту, у рамках рэалізацыі праекта "Сямейны капітал".

МІНСК, 13 мая - Sputnik. У Беларусі каля 68 тысяч шматдзетных сем'яў скарысталіся магчымасцю размясціць на дэпазітах сямейны капітал на агульную суму каля 680 мільёнаў долараў, распавёў на прэс-канферэнцыі намеснік міністра працы і сацыяльнай абароны Валерый Кавалькоў.

Па словах беларускага чыноўніка, у краіне цалкам пабудавана сістэма, якая дазваляе аказваць падтрымку шматдзетным сем'ям. Сярод такіх мер ён назваў дзяржаўную сістэму сямейнага капіталу.

"На 1 мая адкрыта амаль 68 тысяч асабовых дэпазітных рахункаў. Столькі шматдзетных сем'яў скарысталіся магчымасцю. На іх рахункі залічана амаль 680 мільёнаў долараў", - паведаміў Валерый Кавалькоў.

У цяперашні час распараджацца сямейным капіталам можна толькі пасля наступлення паўналецця дзіцяці. Грошы можна будзе выдаткаваць на паляпшэнне жыллёвых умоў, адукацыю, лячэнне, розныя сацыяльныя паслугі і, у тым ліку, назапашвальную пенсію для маці.

Раней стала вядома, што прэзідэнт Аляксандр Лукашэнка ацаніў вопыт рэалізацыі праграмы пазітыўна і даручыў чыноўнікам прапрацаваць пытанне падаўжэння сямейнага капіталу. Справа ў тым, што пяцігадовы тэрмін рэалізацыі праграмы заканчваецца ў гэтым годзе.

26