Калькулятар і долары, архіўнае фота

Татальная эканомія выдаткаў: бюджэт на 2020 год плануецца з дэфіцытам

45
(абноўлена 14:34 30.07.2019)
Паводле прагнозаў Мінфіна, дэфіцыт рэспубліканскага бюджэту ў наступным годзе складзе 1,4 мільярда долараў.

МІНСК, 30 ліп - Sputnik. Бюджэт Беларусі на наступны год плануецца з дэфіцытам у 1,4 мільярда долараў, заявіў у аўторак журналістам міністр фінансаў рэспублікі Максім Ермаловіч.

Урад вызначыў асноўныя задачы па эканамічным развіцці рэспублікі на наступны год. Плануе ўрад ужо і рэспубліканскі бюджэт на 2020-ы.

"Бюджэт на 2020 год плануецца з дэфіцытам 1,4 мільярда долараў, гэта складае прыкладна 1,4% ВУП. Крыніцы для фінансавання дэфіцыту бюджэту назапашаныя, мы на працягу двух з паловай гадоў выконваем бюджэт з прафіцытам і фарміруем яго рэшткі, каб паступова па меры стабілізацыі агульнаэканамічнай сітуацыі выходзіць на рашэнне сацыяльных задач", - распавёў Ермаловіч.

Мінфін прагназуе зніжэнне даходаў бюджэту ў сувязі з правядзеннем у Расіі падатковага манеўру, пры гэтым адзначаецца і нарастаючая патрэбнасць у фінансаванні расходаў. Мяркуецца, што прыбыткі бюджэту Беларусі ў наступным годзе застануцца на ўзроўні бягучага года.

У той жа час у бюджэце на 2020 год вырашаецца задача па давядзенні заробку бюджэтнікаў да ўзроўню ў 80% ад сярэдняга па эканоміцы. Па словах Ермаловіча, гэта важны элемент бюджэтнай палітыкі, які адпавядае даручэнням кіраўніка дзяржавы.

"З 2020 года праблема будзе вырашана, і пачынаючы з пачатку года заробак бюджэтнікаў не будзе ніжэй за 80% ад сярэдняга па эканомцы", - адзначыў міністр.

Пры гэтым, паводле слоў Ермаловіча, з улікам росту выдаткаў спатрэбіцца бюджэтная аптымізацыя і "татальная эканомія выдаткаў" па ўсіх напрамках, у тым ліку на падтрымку нацыянальнай эканомікі і дзяржпрадпрыемстваў.

"Гэтыя выдаткі аптымізаваныя і максімальна скарочаныя там, дзе гэта можна зрабіць. Пры гэтым ёсць задача абсталяваць сучаснай тэхнікай асноўныя сектары эканомікі - сельская гаспадарка, шэраг прамысловых прадпрыемстваў. На гэтыя мэты будуць прадугледжвацца новыя механізмы аказання дзяржпадтрымкі, якія накіраваны на павышэнне яе эфектыўнасці", - сказаў на заканчэнне Ермаловіч, яго словы прывяла БелТА.

Апошні раз бюджэт Беларусі быў дэфіцытным ў 2013 годзе: урад планаваў "выйсці ў нуль", аднак фактычны дэфіцыт склаў 2296 мільярдаў недамінаваных рублёў. Дэфіцытным быў і 2012 год. Зрэшты, часцей за ўрад стараецца захаваць прафіцыт рэспубліканскага бюджэту.

45
Тэги:
Міністэрства фінансаў Беларусі, Дзяржаўны бюджэт, Беларусь
Прэм'ер-міністр Беларусі Раман Галоўчанка

Галоўчанка заклікаў Расію аб'яднаць патэнцыялы ў прамысловасці

9
(абноўлена 16:09 19.01.2021)
Нягледзячы на тое, што свет з-за COVID рухаецца "па траекторыі разбурэння інтэграцыі", прэм'ер-міністр Беларусі Раман Галоўчанка заклікаў РФ аб'ядноўваць патэнцыялы краін у прамысловасці і іншых сферах.

МІНСК, 19 сту – Sputnik. Галоўчанка звярнуў увагу на захаванне ўзаемадапаўняльнасці эканомік дзвюх краін і выказаў задаволенасць тым, як развіваюцца адносіны Мінска і Масквы.

"Трэба рухацца наперад. Нас жыццё падштурхоўвае да таго, што мы павінны... аб'яднаць нашы патэнцыялы - прамысловы, у першую чаргу, інтэлектуальны, навуковы, культурны", - сказаў Галоўчанка на сустрэчы з паслом РФ у Беларусі Дзмітрыем Мезенцавым у Мінску.

Беларускі прэм'ер пры гэтым выказаў меркаванне, што свет цяпер "ідзе па траекторыі падзелу, ідзе фактычна на разбурэнне інтэграцыі". Па словах Галоўчанкі, гаворка нават пра тыя дамоўленасці, якія раней былі дасягнуты, што вядзе да з'яўлення новых бар'ераў.

"Пандэмія паўплывала на гэтыя працэсы... Нам трэба ісці ў бок зліцця нашых патэнцыялаў у тых сферах, якія я назваў", - падкрэсліў Галоўчанка.

Ён таксама звярнуў увагу, што ўдалося захаваць ўзаемадапаўняльнасць эканомік дзвюх краін. І менавіта пра гэта беларускія ўлады плануюць у бліжэйшы час гаварыць з расійскімі калегамі.

"Трэба не проста ствараць гандлёвыя, гандлёва-прамысловыя ланцужкі, трэба ствараць сумесныя бізнэсы, трэба сыходзіць ад нахілу рэгулятарнага ў бок стваральнага. Мы павінны эканоміць грошы адзін аднаго, інтэлектуальныя рэсурсы адзін аднаго", - адзначыў ён.

Па словах Галоўчанкі, мінулы год у цэлым быў канструктыўным і плённым для беларуска-расійскіх адносін. Дзякуючы гэтаму ў 2021-й Мінск і Масква ўвайшлі з вырашанымі пытаннямі па пастаўках энергарэсурсаў і дасягнутымі дамоўленасцямі ў паліўна-энергетычнай сферы.

Чытайце таксама:

9
Тэги:
Беларусь, Расія, Прамысловасць, Дзмітрый Мезенцаў, Раман Галоўчанка, Інтэграцыя
Бярвёны, архіўнае фота

Аднавілі згубленае: Лукашэнка ацаніў стан лясной гаспадаркі

11
(абноўлена 12:34 19.01.2021)
Лес - найкаштоўнейшае багацце, якое атрымалася захаваць і прымножыць, заявіў беларускі лідэр на сустрэчы з віцэ-прэм'ерам Субоціным і міністрам лясной гаспадаркі Дрожджай.

МІНСК, 19 сту – Sputnik. Лясная гаспадарка - гэта фундаментальная галіна, якую ўдалося захаваць, аб гэтым заявіў прэзідэнт Беларусі Аляксандр Лукашэнка на сустрэчы ў Палацы незалежнасці з намеснікам прэм'ер-міністра Аляксандрам Субоціным і міністрам лясной гаспадаркі Віталіем Дрожджай.

Лукашэнка адзначыў, што лес - каштоўны аднаўляльны рэсурс, які займае каля 40% тэрыторыі Беларусі. На яго думку, за гады суверэнітэту краіна змагла прымножыць гэта багацце. Сёння плошча лесу павялічана амаль на мільён гектараў.

"Гэта сведчыць, што мы не "драпежнікі" і да прыроды, таго рэсурсу, які падараваны нам Госпадам, ставімся па-чалавечы", - падкрэсліў ён.

Паводле слоў Лукашэнкі, Беларусь у лідэрах і па запасах драўніны ў Еўропе. Сёння яны складаюць амаль два мільярды кубічных метраў.

"І гэта важна, мы аднавілі тое, што было страчана ў бытнасць Савецкага Саюза, калі ўсю драўніну гналі эшалонамі за межы краіны, секлі", - сказаў беларускі лідэр.

І дадаў, што доля так званых спелых лясоў (гатовых да высечкі) сёння складае каля 20%, калі ў 90-ыя была ўсяго толькі 3%.

Лукашэнка назваў лясную галіну прыбытковай, паколькі яна прыносіць у два разы больш даходу, чым атрымлівае фінансавання з бюджэту. А яшчэ папрасіў чыноўнікаў перапрацоўваць неякасны лес, а не кідаць яго.

"Мы гэтую драўніну перапрацуем ў дровы і прададзім з высокай рэнтабельнасцю ў Еўропу. Ды і не толькі Еўропа, нам свае патрэбы трэба закрыць, вызначыць аб'ёмы. Колькі нам трэба дранкі, пелет, каб замясціць прыродны газ", - заявіў прэзідэнт.

На яго думку, краіне трэба больш актыўна пераходзіць на абаграванне дамоў на мясцовым паліве, а не спальваць дарагі імпартны прыродны газ.

Як паведаміў міністр лясной гаспадаркі Віталій Дрожжа, беларускія лясы ў асноўным складаюцца з сасны - яе 55%. Далей ідзе бяроза - 19%, елка - 11%. Ён таксама адзначыў, што ў краіне нядаўна пабудавалі вялікі цяплічны комплекс пры Рэспубліканскім лясным селекцыйна-насенняводчым цэнтры, дзе вырошчваюць дрэвы, устойлівыя да беларускага клімату, а таксама розных хвароб.

11
Тэги:
Беларусь, лес, Аляксандр Лукашэнка
Старшыня Камісіі па спартыўным праве Асацыяцыі юрыстаў Расіі, доктар юрыдычных навук, прафесар Сяргей Аляксееў

Мінск можа аспрэчыць рашэнне IIHF пра перанос хакейнага чэмпіянату - эксперт

5
(абноўлена 16:08 19.01.2021)
Рашэнне IIHF парушае статут арганізацыі і многія міжнародныя дакументы ў галіне спорту, беларускі бок павінен запатрабаваць кампенсацыі ўжо панесеных страт на арганізацыю першынства, лічыць расійскі юрыст Сяргей Аляксееў.

МІНСК, 19 сту – Sputnik. Рашэнне савета Міжнароднай федэрацыі хакея (IIHF) парушае статут арганізацыі, а таксама іншыя міжнародныя дакументы, заявіў старшыня камісіі па спартыўным праве Асацыяцыі юрыстаў Расіі Сяргей Аляксееў, каментуючы адмену федэрацыяй правядзення ЧС у Мінску. Ён падкрэсліў, што рашэнне можна абскардзіць у Спартыўным арбітражным судзе (CAS).

Таксама юрыст зазначыў, што беларускі бок можа запатрабаваць кампенсацыі страт, якія панесены пры арганізацыі чэмпіянату. Калі Мінск дакументальна пацвердзіць расходы, тады ёсць шанец гэтыя сродкі спагнаць.

"Гэта паспешлівае рашэнне, непрадуманае і юрыдычна непрапрацаванае. Яно можа негатыўна адбіцца і на маральным стане спартсменаў, можа дэмаралізаваць беларускіх спартсменаў", - дадаў ён.

Аляксееў удакладніў, што IIHF прыняла чыста палітычнае рашэнне.

"Рашэнне IIHF, прынятае па навядзенні членаў Еўрапарламента, уяўляе элемент ціску на "непаслухмяныя" краіны, якія паказваюць добрыя вынікі ў спорце", - адзначыў ён.

Эксперт упэўнены, што трэба дамагацца аргументаванага адказу МАК па прынятаму рашэнню, "каб спадзявацца не на сілу палітычнай кан'юнктуры і рэверансаў, а на сілу прававых нормаў, якія дзейнічаюць у сферы спартыўнага і алімпійскага руху".

Што не так з чэмпіянатам

Чэмпіянат свету па хакеі планавалі правесці ў сталіцах Беларусі і Латвіі. У панядзелак, 18 студзеня, Міжнародная федэрацыя хакея абвясціла, што Мінск пазбаўлены права на правядзенне мерапрыемства.

Рашэнне IIHF патлумачыла тым, што ў краіне існуюць праблемы з бяспекай з-за палітычнай сітуацыі, якая склалася. Таксама ёсць пытанні, звязаныя з пандэміяй каронавіруса.

Нагадаем, што раней Мінск заяўляў аб поўнай гатоўнасці правесці ЧС сваімі сіламі, калі Рыга адмовіцца ад сумеснай арганізацыі форуму. Цяпер статус Латвіі як суарганізатара чэмпіянату не вядомы, рашэнне па гэтым пытанні будзе разглядаць федэрацыя ў бліжэйшыя дні.

Што тычыцца кампенсацыі, Міжнародная федэрацыя хакея паабяцала выплаціць яе Беларусі, як толькі ўсе пытанні па канчатковым правядзенні форуму будуць вырашаны.

У Мінску ўжо выказалі шкадаванне з прычыны адмены чэмпіянату. Як заявіў старшыня Федэрацыі хакея Беларусі Дзмітрый Баскаў, турнір 2021 года быў бы праведзены не горш, чым у 2014 годзе. Паводле яго слоў, форум прыцягнуў бы ў краіну тысячы балельшчыкаў і журналістаў, якія "на свае вочы ўбачылі б прыгажосці Беларусі і пераканаліся ў бяспецы краіны".

Чытайце таксама:

5
Тэги:
Хакей, Беларусь, Чэмпіянат свету па хакеі 2021 года