Стала вядома, колькі збожжа сабралі беларускія аграрыі

Стала вядома, колькі збожжа сабралі беларускія аграрыі

12
(абноўлена 13:58 12.08.2019)
Непрыбранымі пакуль застаюцца каля 20% сельгасугоддзяў.

МІНСК, 12 жні - Sputnik. Больш за 5,5 мільёнаў тон збожжа ўжо сабралі з беларускіх палёў, уборачная кампанія завершана на 80%, паведамілі ў Міністэрстве сельскай гаспадаркі і харчавання.

Цяпер збожжавыя і зернебабовыя культуры, не уключаючы кукурузу, грэчку і проса, прыбраныя больш чым з 1,7 мільёна гектар зямлі. Сярэдняя ўраджайнасць трымаецца на ўзроўні 32 цэнтнераў з гектара, тады як у 2018 годзе гэты паказчык быў на ўзроўні 27 цэнтнераў.

У Брэсцкай вобласці ўборачная кампанія ўжо выйшла на фінішную прамую - тут прыбралі 98,7% плошчаў, намалаціўшы пры гэтым звыш за 1 мільён 180 тысяч тон збожжа. У Гродзенскай вобласці таксама блізкія да фінішу: убрана больш за 90% плошчаў, нарыхтавана 1 мільён 124 тысячы тон збожжа. На трэцім месцы аграрыі з Мінскай вобласці, дзе работы выкананы на 82% і нарыхтавана 1 мільён 413,2 тысячы тон збожжа.

У Гомельскай вобласці ўбрана 76,8% плошчаў, у Магілёўскай - 74,4%, а ў Віцебскай вобласці - крыху больш за 50%.

Чытайце таксама: 

12
Тэги:
Ураджай, Сельская гаспадарка, Беларусь

Эканоміка