Рыбгас Хотаў ў Стаўбцоўскім раёне каля пасёлка Школьны

Не толькі на Магілёўшчыне: Лукашэнка даручыў падвоіць вытворчасць рыбы

19
(абноўлена 11:29 14.08.2019)
Прэзідэнт запатрабаваў актуалізаваць адпаведную праграму і ўнесці яму канкрэтныя прапановы па будаўніцтве прадпрыемстваў.

МІНСК, 14 жні - Sputnik. Прэзідэнт Беларусі Аляксандр Лукашэнка даручыў актуалізаваць праграму па развіцці рыбагаспадарчай дзейнасці, такое даручэнне беларускі лідар агучыў у сераду.

Кіраўнік дзяржавы наведвае з рабочай паездкай паўднёва-ўсходні рэгіён Магілёўскай вобласці. У прыватнасці, Аляксандр Лукашэнка пабываў на фарэлевай гаспадарцы "Лохва" ў Касцюковіцкім раёне: на думку беларускага лідара, рыбагаспадарчую дзейнасць у краіне неабходна развіваць.

"Чаму мы марудзім разбіраць, чаго баімся? Тэхналогіі выдатныя, рынкі ёсць. Трэба актуалізаваць гэтую праграму і ўнесці мне канкрэтныя прапановы - дзе будзем будаваць і што", - прывяла прэс-служба словы кіраўніка дзяржавы.

Развіццё рыбагаспадарчай дзейнасці прадугледжваецца дзяржпраграмай развіцця аграрнага бізнесу на 2016-2020 гады. Аб'ём вытворчасці рыбных рэсурсаў у Беларусі ў мінулым годзе склаў 14,9 тысячы тон. У планах на 2019 год - 16,5 тысячы, на 2020-ы - 18,2 тысячы.

Планы ў рэспубліцы выконваюць з перавышэннем: у мінулым годзе паказчык дасягнуў 108% да задання, у гэтым чаканая вытворчасць рыбы складзе 100,6%.

"Як мінімум трэба падвоіць вытворчасць рыбы, не толькі на Магілёўшчыне", - падкрэсліў Лукашэнка.

У Беларусі вырабляецца сажалкавая рыба (пераважна карп), таксама вырошчваюцца каштоўныя віды (у асноўным фарэль, асятровыя і сом). Адным з новых відаў рыбнай прадукцыі ў Беларусі з'яўляецца вытворчасць чорнай ікры, якой займаюцца ў дадзены момант два прыватныя прадпрыемствы.

19
Тэги:
Сельская гаспадарка, Магілёўская вобласць, Аляксандр Лукашэнка, Беларусь
Старшыня ўрада РФ Міхаіл Мішусцін правёў перамовы з прэм'ер-міністрам Рэспублікі Беларусь Раманам Галоўчанкам

Мішусцін: у Масквы і Мінска ёсць магчымасць працаваць у лічбавай эканоміцы

4
(абноўлена 17:03 14.07.2020)
Расійскі бок гатовы дзяліцца з беларускімі калегамі ўласнымі распрацоўкамі ў навуковай сферы, якія тычацца ў тым ліку працы электроннага ўрада.

МІНСК, 14 ліп - Sputnik. Расія і Беларусь валодаюць магчымасцямі для актыўнай працы ў галіне навукі і тэхналогій, заявіў прэм'ер-міністр Міхаіл Мішусцін падчас сустрэчы з беларускім калегам Раманам Галоўчанкам.

Кіраўнік беларускага ўрада ўпершыню знаходзіцца ў новым статусе ў расійскай сталіцы. Плануецца, што сёння на ўрадавым узроўні будзе падпісаны шэраг дакументаў, якія закранаюць супрацоўніцтва ў энергетыцы.

"У нас (Расіі і Беларусі - Sputnik) ёсць рэальныя магчымасці для актыўнай працы ў галіне навукі і тэхналогій, у лічбавай эканоміцы", - сказаў Мішусцін.

Паводле яго слоў, у ходзе візіту ў Маскву беларускія калегі азнаёмяцца з рашэннямі і распрацоўкамі, якія ёсць у арсенале ўрада Расіі.

"Змяненні з дзяржаўным кіраваннем, з кіраваннем нацыянальнымі праектамі, інфармацыйна-тэхналагічнай платформай, у тым ліку электроннага ўрада", - удакладніў расійскі прэм'ер. Пасля чаго дадаў, што хацеў бы пачуць, якія рашэнні ў гэтай сферы маюцца ў беларускага ўраду.

Прэм'ер-міністры Расіі і Беларусі наведалі таксама офіс Федэральнай падатковай службы Расіі, якім да прызначэння кіраўніком урада кіраваў Мішусцін.

У ФНС беларускай дэлегацыі прадэманстравалі, як працуюць асабістыя кабінеты падаткаплацельшчыкаў, інфармацыйныя сэрвісы размеркаванага рэестра, а таксама IT-рашэнні, укаранёныя ў рамках падтрымкі бізнесу ў перыяд пандэміі.

4
Тэги:
Раман Галоўчанка, Міхаіл Мішусцін, Беларусь, Расія
Міністр энергетыкі РФ Аляксандр Новак

Расія выконвае ўсе абавязацельствы перад Беларуссю ў энергетыцы - Новак

6
(абноўлена 16:59 14.07.2020)
У расійскім Мінэнерга разлічваюць на працяг канструктыўнага дыялогу з беларускім бокам па пытаннях паставак энерганосьбітаў.

МІНСК, 14 ліп - Sputnik. Расія ў поўным аб'ёме выконвае свае абавязацельствы па пастаўках нафты і газу ў Беларусь, паведаміў міністр энергетыкі Расіі Аляксандр Новак па выніках сустрэчы прэм'ер-міністраў дзвюх краін у Маскве.

У ходзе пашыранай сустрэчы Міхаіла Мішусціна і Рамана Галоўчанкі абмяркоўваліся найважнейшыя пытанні двухбаковага ўзаемадзеяння. У тым ліку закраналіся аспекты супрацоўніцтва ў энергетычнай сферы.

"У той жа час намі ў поўным аб'ёме і своечасова выконваюцца прынятыя на сябе абавязацельствы па міжурадавым пагадненням", - цытуе Новака прэс-служба Мінэнерга.

Паводле яго слоў, Расія разлічвае на працяг канструктыўнага дыялогу з беларускім бокам па ўсіх пытаннях энергетычнай сферы.

Аб нафце і газе замовіце слова

На пачатку года расійскія кампаніі спынілі пастаўкі нафты на беларускія НПЗ пасля таго, як зацікаўленыя бакі не змаглі дамовіцца аб цане і прэміі пастаўшчыкам.

Напрыканцы сакавіка на самым высокім узроўні ўдалося дамовіцца аб аднаўленні паставак сыравіны беларускім перапрацоўшчыкам. Бакі дэкларавалі імкненне выканаць баланс паставак нафты, узгоднены ў канцы 2019 года. "Чорнае золата" да канца года ў Беларусь будуць пастаўляць 10 расійскіх кампаній, у асноўным па нафтаправодзе "Дружба".

Беларусі ўдалося дасягнуць дамоўленасцей з расійскім бокам аб захаванні цэны на "блакітнае паліва" ў 2020 годзе на ўзроўні мінулага сезону - 127 долараў за тысячу кубаметраў. Аднак затым афіцыйны Мінск стаў патрабаваць зніжэння кошту газу. Беларускі бок абгрунтоўваў гэта тым, што на спотавых рынках у Еўропе яго кошт апусцілася да 90 долараў. Германія ў маі і зусім плаціла 70 долараў за тысячу кубаметраў.

У ААТ "Газпрам" настойваюць, што гатовыя абмяркоўваць цану на блакітнае паліва, якое будзе пастаўляцца ў 2021 годзе, а пакуль заклікаюць выконваць кантракт.

6
Тэги:
Беларусь, Расія, Аляксандр Новак
Сцягі з сімволікай Еўрасаюза

ЕС асудзіў адмову зарэгістраваць кандыдатаў у прэзідэнты Беларусі

0
(абноўлена 17:30 14.07.2020)
Выключэнне кандыдатаў абмяжоўвае магчымасць для беларускага народа выказваць сваю волю, а таксама падрывае агульную дэмакратычнасць выбараў, лічаць у ЕС.

МІНСК, 14 ліп - Sputnik. Адмова зарэгістраваць кандыдатаў на прэзідэнцкіх выбарах у Беларусі абмяжоўвае волевыяўленне і падрывае дэмакратычнасьць выбарчага працэсу, гаворыцца ў заяве вярхоўнага прадстаўніка ЕС па знешняй палітыцы і палітыцы бяспекі Жозэпа Барэля.

Цэнтрвыбаркам у аўторак адмовіў Віктару Бабарыку ў рэгістрацыі кандыдатам у прэзідэнты. Падставай для такога рашэння стаў ліст КДК у адрас ЦВК, дзе прыведзены атрыманыя ў ходзе следства па "справе Белгазпрамбанка" дадзеныя аб фінансавых махінацыях Бабарыки і наяўнасці ў яго незаконнага даходу. Аргументам супраць рэгістрацыі ў ЦВК назвалі і тое, што некаторыя сябры ініцыятыўнай групы палітыка, якія з'яўляюцца супрацоўнікамі банка, маглі карыстацца службовымі рэсурсамі, што можа быць расцэнена як замежнае фінансаванне кампаніі.

Таксама ў рэгістрацыі было адмоўлена экс-кіраўніку ПВТ Валерыю Цапкалу: у ЦВК нагадалі, што ў яго падтрымку ўлічваецца менш за 100 тысячаў подпісаў ( "з-за высокай колькасці несапраўдных подпісаў"), акрамя таго ў яго знайшлі неадпаведнасць у дэкларацыі яго жонкі - Веранікі.

"Выключэнне кандыдатаў абмяжоўвае магчымасць для беларускага народа выказваць сваю волю, а таксама падрывае агульную дэмакратычнасць выбараў. Адмовіўшы ў рэгістрацыі Віктару Бабарыку і Валерыю Цапкалу, беларускія ўлады не змаглі забяспечыць значную палітычную канкурэнцыю", - сказана ў заяве вярхоўнага прадстаўніка ЕС.

У ЕС дадалі таксама, што разлічваюць, на тое, што Беларусь "будзе паважаць права грамадзян на свабоду волевыяўлення і мірныя сходы ў тыдні, якия папярэднічаюць выбарам".

Нагадаем, раней МЗС заявіў, што Беларусь з'яўляецца суверэннай краінай і як іншыя незалежныя дзяржавы праводзіць выбарчыя кампаніі для сябе.

"Беларусь, напэўна, пакуль яшчэ не краіна ідэальнай дэмакратыі, але вось ужо сапраўды шмат гадоў суверэнная дзяржава. Таму для нас вельмі дзіўна, калі прадстаўнік Еўрапейскага саюза, пастаянна дэкларуе падтрымку нашай незалежнасці, пачынае раптам выступаць у ролі вонкавага кіраўніка, вызначаць вінаватых і невінаватых і дыктаваць, што і як трэба рабіць "кіраўніцтву Беларусі", а таксама пагражаць санкцыямі", - заявіў раней афіцыйны прадстаўнік міністэрства замежных спраў Беларусі Анатоль Глаз.

Паводле яго слоў, Беларусь адкрыта для для раўнапраўнага і ўзаемапаважлівага дыялогу з еўрапейскімі партнёрамі. Але трываць ціск на выбарчую, судовую і праваахоўную сістэмы афіцыйны Мінск не мае намеру.

0
Тэги:
Выбары, Еўрасаюз, Беларусь
Тэмы:
Выбары прэзідэнта Беларусі - 2020