Вытворчы працэс на прадпрыемстве Магілёўліфтмаш

У ЕЭК вызначылі 4 накірункі для стварэння транснацыянальных кампаній

22
(абноўлена 15:27 16.08.2019)
Першым праектам стане стварэнне сумеснага прадпрыемства з удзелам беларускага "Магілёўліфтмаша" і расійскага вытворцы ліфтаў.

МІНСК, 16 жні - Sputnik. Ідэя стварэння транснацыянальных кампаній была падтрымана кіраўнікамі дзяржаў ЕАЭС, заявіў міністр па прамысловасці і аграпрамысловым комплексе Еўразійскай эканамічнай камісіі Аляксандр Субоцін на прэс-канферэнцыі ў МПЦ Sputnik.

Паводле яго слоў, ЕЭК было даручана вывучыць перадавы сусветны вопыт у гэтай сферы, у першую чаргу бліжэйшага суседа - Еўрапейскага саюза.

"Аказалася, што ёсць шмат падводных камянёў, пачынаючы ад падаткаабкладання, і заканчваючы знаходжаннем штаб-кватэры. Даючы прэферэнцыі, можна скажаць нармальны бізнес-клімат", - адзначыў міністр ЕЭК.

У Еўрасаюзе транснацыянальныя кампаніі ствараліся, каб зняць бар'еры перамяшчэння тавараў унутры ЕС. Вопыт паказвае, што гэта больш іміджавыя рэчы, якія паказваюць, як можна інтэграваць магчымасці.

"Трэба больш дбайна і глыбока ў гэтай справе разабрацца. Мы папрасілі яшчэ час - і прапрацаваць гэтае пытанне больш глыбока, і вывучыць вопыт не толькі Еўрасаюза", - адзначыў Аляксандр Субоцін.

Пры гэтым ён распавёў, што міністры прамысловасці краін ЕАЭС вызначылі чатыры напрамкі, у якіх трэба ствараць такія кампаніі.

Міністр ЕЭК удакладніў, што гэта запатрабаваныя праекты на рыку Еўразійскага эканамічнага саюза. У гэты пералік патрапілі сумесны праект па выпуску прадукцыі "Магілёўліфтмаша" і расійскага вытворцы.

Таксама запатрабаваныя праекты ў сферы сельгастэхнікі, і цяпер спецыялісты вызначаюцца, у якім кірунку працаваць, а таксама выбіраюць паміж трактарамі і камбайнамі.

У цяперашні час на рынку ЕАЭС няма вытворчасці ёмістых акумулятараў або суперкандэнсатараў, таму гэты напрамак будзе запатрабаваны. Акрамя гэтага, прапрацоўваецца стварэнне асобнай лагістычнай кампаніі для аграрнага сектара.

22
Тэги:
Мультымедыйны прэс-цэнтр Sputnik Беларусь, ЕЭК
Кашалёк з грашыма

Белстат: рэальныя даходы беларусаў за 4 месяцы выраслі больш чым на 3%

36
(абноўлена 17:35 15.06.2021)
Большая частка даходаў насельніцтва па-ранейшаму фарміруецца за кошт аплаты працы, якая перавышае 60% ад усіх наяўных даходаў.

МІНСК, 15 чэр - Sputnik. Рэальныя наяўныя грашовыя даходы насельніцтва Беларусі ў студзені - красавіку бягучага года павялічыліся на 3,4% у параўнанні з аналагічным перыядам мінулага года, паведамілі ў прэс-службе Нацыянальнага статыстычнага камітэта рэспублікі.

Структура рэальных даходаў беларусаў выглядае наступным чынам:

  • аплата працы - 64,0%
  • даходы ад прадпрымальніцкай і іншай дзейнасці, якая прыносіць даход - 7,5%
  • трансферты насельніцтву (пенсіі, дапамогі, стыпендыі і іншыя) - 23,3%
  • даходы ад уласнасці і іншыя даходы - 5,2%

У адпаведнасці з беларускай метадалогічй рэальнымі размяшчанымі даходамі лічацца грашовыя даходы, з якіх ужо вылічаны падаткі, зборы і ўнёскі, скарэкціраваны на індэкс спажывецкіх цэн на тавары і паслугі.

Белстат ў пачатку чэрвеня распаўсюдзіў інфармацыю, што ў траўні гэтага года індэкс спажывецкіх цэн у параўнанні са снежнем 2020 года склаў 105,2%. Прагнозны паказчык росту інфляцыі пры гэтым павялічылі ў гадавым вымярэнні з 5% да 7%.

Раней міністэрства эканомікі прадставіла прагноз, паводле якога ў 2021 годзе беспрацоўе не павінна перавысіць 4,4%, а даходы насельніцтва ў намінальным выражэнні павялічацца на 7%.

Чытайце таксама:

36
Тэги:
Праца, даходы, Белстат
Долары ЗША

У Беларусі валютныя дамовы прыйдзецца рэгістраваць на партале з 9 ліпеня

14
(абноўлена 11:07 15.06.2021)
Улады рэспублікі адмянілі для фізічных асоб дазвольны парадак правядзення валютных аперацый, звязаных з рухам капіталу, а для юрыдычных асоб дазвольны парадак адкрыцця рахункаў за мяжой.

МІНСК, 15 чэр - Sputnik. Нацыянальны банк уводзіць у эксплуатацыю вэб-партал "Рэгістрацыя валютных дамоў", паведамляе прэс-служба рэгулятара.

Дадзенае рашэнне матывавана рэалізацыяй закона "Аб валютным рэгуляванні і валютным кантролі". Беларускія ўлады дэкларуюць, што ён накіраваны на лібералізацыю валютных адносін і спрашчэнне парадку правядзення валютных аперацый.

У прэс-службе Нацбанка нагадалі, што з 9 ліпеня для фізічных асоб адмяняецца дазвольны парадак правядзення валютных аперацый. Гэта тычыцца руху капіталу пры куплі нерухомасці за мяжой, узносаў у статутны фонд нерэзідэнта, набыцця каштоўных папер, выпушчаных нерэзідэнтам. У дачыненні да юрыдычных асоб адмяняецца дазвольны парадак адкрыцця рахункаў за мяжой, а таксама рэгістрацыя валютных аперацый, звязаных з рухам капіталу, у банку.

Разам з гэтым пачынае працаваць валютны маніторынг Нацбанка, часткай якога будзе сістэма рэгістрацыі валютных дагавораў на спецыяльным вэб-партале.

Рэзідэнты Беларусі будуць ажыццяўляць рэгістрацыю валютных дагавораў, заключаных c нерэзідэнтамі на гэтым партале, які размешчаны на сайце рэгулятара.

"Рэгістрацыі падлягаюць валютныя дамовы, сума грашовых абавязацельстваў на дату заключэння якіх не вызначана або роўная цi перавышае ў эквіваленце 2000 базавых велічынь для фізічных асоб і 4000 базавых велічынь для юрыдычных асоб і індывідуальных прадпрымальнікаў", - патлумачылі ў прэс-службе. Пры гэтым поўны спіс валютных аперацый, калі неабходна рэгістрацыя дагавора, змяшчаецца ў пастанове праўлення рэгулятара ад 12 лютага 2021 г. № 37.

Зараз карыстальнікі могуць стварыць на вэб-партале асабісты кабінет і ў тэставым рэжыме зарэгістраваць валютны дагавор. Перад 9 ліпеня ўсе дадзеныя будуць выдалены, але захаваюцца асабістыя кабінеты з усімі настройкамі. На дадзеным электронным рэсурсе можна знайсці ўсю падрабязную інфармацыю аб валютных дагаворах, нарматыўных дакументах і атрымаць адказы на найбольш папулярныя пытанні.

Чытайце таксама:

14
Тэги:
рахунак, дамова, валюта, Беларусь
Які сёння дзень: 17 чэрвеня 2021 года

Які сёння дзень: 17 чэрвеня 2021 года

0
(абноўлена 12:10 16.06.2021)
Гэты дзень з'яўляецца сто шасцьдзясят восьмым па грыгарыянскім календары, да канца года засталося 197 дзён.

Сёння адзначаецца Сусветны дзень барацьбы з апустыньваннем і засухай. Якія яшчэ падзеі адбыліся 17 чэрвеня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 17 чэрвеня

  • У 1416 годзе Канстанцкі сабор прыняў рашэнне, паводле якога Жамойць у адміністрацыйным дачыненні падпарадкоўвалася імператару Жыгімонту, а ў царкоўным — польскім і літоўскім біскупам.
  • У 1793 годзе ў Гародні пачаўся апошні сойм Рэчы Паспалітай.
  • У 1907 годзе на з’ездзе ў Вільні створана Краёвая партыя Літвы і Беларусі.

Хто нарадзіўся 17 чэрвеня

  • 1934 год: Барыс Даўгатовіч, беларускі гісторык і літаратар.

Таксама сёння нарадзіліся расійскі кампазітар Ігар Стравінскі і польскі кінарэжысёр Кшыштаф Занусі.

17 чэрвеня ў народным календары

Сёння праваслаўныя вернікі шануюць памяць свяціцеля Мітрафана.

Палявыя работы, нягледзячы на спякоту, не прыпыняліся – сяляне раскідвалі па палях, якія "адпачываюць" – гэта значыць, не засяваюцца ў гэтым годзе, угнаенні.

Таксама сеялі грэчку. Пра тое, што час для гэтага настаў, казалі паружавеўшыя ягады суніц.

Калі ў гэты дзень быў дождж, ён мог зацягнуцца яшчэ на два-тры дні.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей