Нацыянальны банк Беларусі

Нацбанк вызначыў самыя важныя для эканомікі банкі

10
(абноўлена 17:38 14.11.2019)
На працягу 2020 года сістэмна значным банкам трэба будзе забяспечыць дастатковасць нарматыўнага капіталу для стварэння фінансавага буфера.

МІНСК, 14 ліс - Sputnik. Нацыянальны банк Беларусі вызначыў пералік сістэмна значных банкаў на наступны год, пра гэта паведамілі ў прэс-службе фінансавага рэгулятара.

Так, да першай групы сістэмнай значнасці прылічаны Беларусбанк, Белаграпрамбанк, Белгазпрамбанк, БПС-Сбербанк, Банк БелВЭБ, Прыорбанк і Белінвестбанк.

Да другой групы рэгулятар аднёс Альфа-Банк, Банк ВТБ (Беларусь), МТБанк, Дабрабыт і Парытэтбанк.

Да спісу сістэмна значных банкі ставяцца на падставе аналізу маштабу іх дзейнасці, а таксама ўзаемазвязанасці з банкамі-рэзідэнтамі, значнасці для эканомікі і ўзаемазвязанасці з нерэзідэнтамі.

Для разлікаў гэтых паказчыкаў выкарыстоўваецца адмысловая інструкцыя, зацверджаная пастановай праўлення Нацбанка ад 18 мая 2017 года.

Чым адрозніваецца сістэмна важны банк?

На працягу наступнага года фінансава-крэдытным арганізацыям, якія былі аднесены да спісу сістэмна важных, трэба забяспечыць дастатковасць нарматыўнага капіталу, што вызначаецца з улікам буфера сістэмнай значнасці.

Савет дырэктараў або назіральны савет пералічаных банкаў з ліку членаў і работнікаў павінен стварыць камітэт па узнагародах. Яго ўзначаліць незалежны дырэктар.

10
Тэги:
Нацыянальны банк Рэспублікі Беларусь, Беларусь

Эканоміка