Кітайскія юані і 100 долараў, архіўнае фота

Мінфін: кітайскі крэдыт не паўплывае на выкананне бюджэту

11
(абноўлена 13:26 19.11.2019)
Беларускія ўлады вырашылі ў будучым годзе замест крэдыта ад Расіі прыцягнуць сродкі кітайскага дзяржаўнага банка.

МІНСК, 19 ліс - Sputnik. Прыцягненне крэдыту ў Кітаі спрыяльна адаб'ецца на бюджэце, сказаў намеснік міністра фінансаў Юрый Селіверстаў на слуханнях у парламенце, перадае карэспандэнт Sputnik.

Адказваючы на пытанне дэпутата, як адаб'ецца на бюджэце 2020 года прыцягненне дзяржаўнага крэдыту ў Кітаі, а не ў Расіі, прадстаўнік Мінфіна заявіў, што "гэта не паўплывае на бюджэт у прынцыпе".

Юрый Селіверстаў патлумачыў гэта тым, што аб'ём сродкаў, што прыцягваюцца ў Кітаі супастаўны з сумай, якая прапрацоўвалася з Расіяй.

"Улічваючы, што мы вядзем палітыку дыверсіфікацыі запазычанняў, а значыць - магчыма пазычаць з розных крыніц", - адзначыў намеснік міністра.

Пры гэтым ён звярнуў увагу, што ў Беларусі ўжо ёсць абавязацельствы перад Кітаем, намінаваныя ў юанях.

"У цэлым гэта (прыцягненне крэдыту ў Кітаі - Sputnik) акажа спрыяльны ўплыў", - лічыць Юрый Селіверстаў.

Раней міністр фінансаў паведамляў, што Беларусь збіраецца да канца бягучага года атрымаць кітайскі крэдыт у памеры 500 мільёнаў долараў. Ён адзначыў, што "ўсе асноўныя элементы крэдыту ўзгоднены", і цяпер рэспубліка чакае рашэння з боку Кітая.

Чытайце таксама:

 

11
Тэги:
Міністэрства фінансаў Беларусі, Кітай, Беларусь

Эканоміка