МІНСК, 30 сне - Sputnik. Павелічэнне тарыфаў на жыллёва-камунальныя паслугі ў 2020 годзе ў Беларусі запланавана на 5 долараў, паведаміў першы намеснік прэм'ер-міністра Дзмітрый Крутой.
"Традыцыйна мы падпішам дакумент аб павелічэнні тарыфаў на жыллёва-камунальныя паслугі на 5 долараў, жыллёвую праграму па ўсіх дадатках", - паведаміў у эфіры тэлеканала "Беларусь-1" Дзмітрый Крутой.
Паводле яго слоў, у апошнія дні адыходзячага года ва ўрада шмат цяжкай працы. Падводзячы вынікі адыходзячага года, ён сказаў: "Лічу, у гэтым годзе мы справіліся нядрэнна. У нас ёсць прагноз, бюджэт, зацверджаныя і падпісаныя кіраўніком дзяржавы".
Акрамя таго, па словах Крутога, кіраўніком дзяржавы падпісана і праграма дзяржінвестыцый.
"Гэта дазволіць нам ужо з 1 студзеня працягнуць фінансаванне 107 праектаў і паспяхова асвоіць больш за 580 мільёнаў інвестыцый менавіта за кошт бюджэту", - сказаў Крутой.
"У наступны год мы ўступаем у поўным узбраенні і з поўным пакетам падпісаных нарматыўных дакументаў", - рэзюмаваў першы віцэ-прэм'ер.
