Лукашэнка: Расія хоча, каб мы куплялі нафту па цэнах вышэйшых за сусветныя

© Sputnik / Владимир Астапкович / Перайсці ў медыябанкНафтавыя цыстэрны, архіўнае фота
Нафтавыя цыстэрны, архіўнае фота - Sputnik Беларусь
Падпісацца
Імпарт нафты з Расіі ў Беларусь быў прыпынены з 1 студзеня, затым былі арганізаваны пастаўкі з прыватных расійскіх прадпрыемстваў.

МІНСК, 9 сту - Sputnik. Беларусь не дамовілася з Расіяй аб пастаўках нафты з-за занадта высокіх коштаў, заявіў у чацвер прэзідэнт рэспублікі Аляксандр Лукашэнка.

Уваход у будынак Белнафтахіма - Sputnik Беларусь
Беларусь дамовілася аб пастаўцы першай партыі нафты па кошце без прэміі

На пачатку 2020 года стала вядома, што расійскі бок спыніў пастаўкі нафты на беларускія НПЗ, таму што Мінск і Масква не паспелі ўзгадніць новы кантракт. Пазней рэспубліка дамовілася аб куплі нафты ў прыватных расійскіх кампаній.

"У двух словах, чаму з прэзідэнтам Расіі не дамовіліся па нафце. Таму што РФ хоча, каб мы купілі ў яе нафту па цэнах вышэйшых за сусветныя. Дзе такое бачана?! Таму я і адмовіўся ад такой нафты. І прама заявіў: калі не будзе паставак нафты па сусветнай цане з Расіі, мы знойдзем гэтую нафту ў іншым месцы. Што мы і робім. І знайшлі", - заявіў кіраўнік дзяржавы ў чацвер, яго словы прыводзіць "Пул Першага".

Паралельна з разглядам пытання цаны на нафту Масква і Мінск вядуць перамовы па кошце газа, прычым тут таксама няма рашэння: дасягнута была толькі прамежкавая дамоўленасць - вызначана формула на газ на студзень-люты.

Нафтагазавыя пытанні таксама застаюцца тэмай адпаведных дарожных карт па развіцці інтэграцыі, якія Беларусь і Расія не ўзгаднілі.

Стужка навiн
0