Грошы ў кашальку

Стала вядома, колькі беларусаў атрымліваюць 10000 рублёў, а колькі 300

18
(абноўлена 10:03 24.01.2020)
Лічбы Белстата не ўключаюць заробкі ў мікраарганізацыях і арганізацыях ведамаснай падпарадкаванасці.

МІНСК, 24 сту - Sputnik. Амаль кожны чацвёрты беларус у лістападзе 2019 года атрымліваў заробак у памеры ад 1000 да 1500 рублёў, сведчаць дадзеныя Нацыянальнага статыстычнага камітэта Беларусі.

Паводле інфармацыі Белстата, 23,7% беларускіх грамадзян атрымалі ў лістападзе за сваю працу ад 1000 да 1500 рублёў. Больш сціплы заробак - ад 600 да 800 рублёў - атрымалі 18,6% беларусаў, менш 300 рублёў - 2,1%.

Усяго адзін працэнт насельніцтва меў у лістападзе заработную плату вышэй за 5000 рублёў, а больш за 10000 - зусім 0,1%.

Гэтыя лічбы падлічаныя без уліку заработных плат у мікраарганізацыях і арганізацыях ведамаснай падпарадкаванасці. Акрамя гэтага, былі палічаныя "брудныя" заробкі - гэта значыць да выліку падаткаў (13% падаходнага і 1% страхавога ўнёску).

Як раней паведамлялася, сярэдні заробак у Беларусі зніжаўся ў 2019 годзе не аднойчы і ў лістападзе склаў 1113,1 рубля. Медыянны заробак апынуўся менш за сярэдні амаль на 250 рублёў і склаў 848,5 рубля.

Чытайце таксама:

18
Тэги:
Беларусь, заробак

Эканоміка