Беларусь і РФ правядуць у канцы тыдня перамовы па пастаўках нафты і газу

© Sputnik / Егор Еремов / Перайсці ў медыябанкГазаправод
Газаправод - Sputnik Беларусь
Падпісацца
Афіцыйны Мінск чакае "стабілізацыі падыходаў ад нашых пастаўшчыкоў з Расійскай Федэрацыі", заявіў Ігар Ляшэнка.

МІНСК, 5 лют - Sputnik. Беларусь і Расія ў канцы тыдня правядуць перамовы па пастаўках і фарміраванні цэн на расійскія нафту і газ, паведаміў у сераду віцэ-прэм'ер рэспублікі Ігар Ляшэнка.

Пастаўкі нафты і газу сёння застаюцца асноўнымі пытаннямі беларуска-расійскіх адносін. Так, кошт газу вызначаны толькі на два месяцы, па нафце пэўнасці да гэтага часу няма.

Па словах Ляшэнкі, у канцы тыдня пройдуць перамовы па пастаўках і фарміраванні цэн на нафту і газ, яго словы перадае БелТА.

Як дадаў віцэ-прэм'ер, беларускі бок чакае "стабілізацыі падыходаў ад нашых пастаўшчыкоў з Расійскай Федэрацыі".

Нафтавае пытанне

Беларусь і Расія да пачатка 2020 года не змаглі прыйсці да пагаднення па кошце нафты: рэспубліка адмаўляецца плаціць пастаўшчыкам прэмію ў 6 долараў за тону да кошту пастаўкі. На гэтым фоне 1 студзеня былі прыпыненыя пастаўкі сыравіны ў рэспубліку.

Транснафта, архіўнае фота - Sputnik Беларусь
Кіраўнік "Транснафты" распавёў аб пастаўках нафты ў Беларусь і рэверсе "Дружбы"

У якасці часовай меры Беларусь закупіла 750 тысяч тон у кампаній расійскага бізнесмена Міхаіла Гуцарыева, якія пагадзіліся працаваць без прэміі. Адначасова, як заяўляе ўрад, вядуцца перамовы з альтэрнатыўнымі пастаўшчыкамі нафты.

У студзені рэспубліка таксама дамовілася аб куплі 80 тысяч тон нарвежскай нафты для "Нафтана" - марка Johan Sverdrup максімальная блізкая па характарыстыках да Urals. Пастаўляцца яна будзе праз порт Клайпеды, які ў год можа прапусціць толькі 3,6 мільёна тон. Акрамя таго, за перавалку і транспарціроўку нарвежскай сыравіны Беларусь пераплачвае па 20 долараў за тону.

Для загрузкі аднаго "Нафтана" патрабуецца каля дзевяці мільёнаў тон штогод, гэта значыць каля 25 тысяч тон штодня. Мазырскі НПЗ перапрацоўвае каля дзесяці мільёнаў тон у год. Большая частка прадукцыі "нафтахіму" ідзе на экспарт у выглядзе светлых нафтапрадуктаў, у першую чаргу аўтамабільнага паліва.

Без альтэрнатывы?

Беларусь ужо шукала альтэрнатыўныя крыніцы нафты ў папярэднія гады. Так, у Венесуэлы рэспубліка закупляла марку Santa Barbara на пачатку 2010-х. Аднак надзвычай дарагая лагістыка і нізкая якасць сыравіны вымусілі звярнуцца да своп-схемы з Азербайджанам. Усяго рэспубліка закупіла ў Венесуэлы за тры гады амаль 3,4 мільёнаў тон. Цікава, што сярэдні кошт за тону расійскай сыравіны для Беларусі ў 2010 годзе была 434 долара, венесуэльскай - 647 долара.

Міністры замежных спраў Беларусі і Літвы Уладзімір Макей і Лінас Лінкявічус - Sputnik Беларусь
Беларусь абмяркоўвае з Літвой пастаўкі нафты і газу

Крыху менш за мільён тон Беларусь закупіла ў Азербайджана ў 2011-м - па кошце ў 838 долараў за тону. Для параўнання: расейская нафта тады ж каштавала каля 430 долараў за тону. У 2016-м Беларусь зноў звярнулася да Азербайдлжана за брэндамі Azeri Light і CPC Blend, аднак таксама ў невялікіх аб'ёмах: 560 тысяч тон. У 2017 рэспубліка закупіла 1,4 мільёна тон нафты ў Ірана.

Пакрыць патрэбы Беларусі ў нафце не могуць ні Азербайджан, ні Казахстан, ні іншыя краіны-партнёры. Акрамя таго, яе ўсё роўна прыйдзецца "разводзіць" расійскай, бо беларускія НПЗ "заточаныя" пад Urals. Пры гэтым кошт альтэрнатыўных пастаўшчыкоў заўсёды перавышае кошт на расійскую сыравіну. Розніца з улікам лагістыкі можа дасягаць практычна два разы.

У мінулым годзе Беларусь купляла ў Расіі нафту па сярэднім кошце ў 364 долара за тону. Пры гэтым рэспубліка плаціла за сыравіну толькі 83% ад сусветнага кошту нафты.

Стужка навiн
0