Урад павялічыў бюджэт дзяржпраграмы развіцця лічбавай эканомікі
(абноўлена 11:35 18.02.2020)
Першапачаткова бюджэт дзяржаўнай праграмы ацэньваўся ў 146 мільёнаў рублёў, цяпер жа ён павялічаны яшчэ на 30 мільёнаў.МІНСК, 18 лют - Sputnik. Урад скарэкціраваў аб'ём фінансавага забеспячэння дзяржаўнай праграмы развіцця лічбавай эканомікі і інфармацыйнага грамадства, адпаведная пастанова Саўміна апублікавана ў аўторак.
Дзяржаўная праграма развіцця лічбавай эканомікі і інфармацыйнага грамадства была зацверджана вясной 2016 года і прадугледжвае рэалізацыю шэрагу мер да 2020 года ўключна.
Першапачаткова аб'ём бюджэтнага фінансавання дзяржпраграмы ацэньваўся ў 145,9 мільёна рублёў. Сваёй пастановай ад 14 лютага 2020 года №86 ўрад зацвердзіў новы бюджэт праграмы - 175,5 мільёна рублёў.
Той жа пастановай скарэкціраваны бюджэтныя выдаткі на некаторыя падпраграмы. Напрыклад, вялікая сума будзе выдзелена на ўкараненне тэхналогій электроннага ўрада і развіццё інфраструктуры інфарматызацыі.
Унесены і іншыя змены ў дзяржпраграму: з заказчыкаў адной з падпраграм выключылі Адміністрацыю прэзідэнта, таксама паменшаны на 2020 год плануемы гадавы прырост колькасці аб'ектаў органаў пагранслужбы, якія выкарыстоўваюць інтэграваную сістэму аховы дзяржграніцы - хутчэй за ўсё, у сувязі з перавыкананнем плана ў папярэднія гады.
Дзяржпраграма нацэлена на развіццё аказання дзяржаўных паслуг і ажыццяўленне адміністрацыйных працэдур у электронным выглядзе, стымуляванне экспарту паслуг у сферы IT, ўнутранага попыту рэальнага сектара эканомікі, сферы паслуг, сацсферы і дзяржкіравання на гэтыя паслугі.
Тэги:
Мінфін: пытанні дапамогі ад ЕС ва ўмовах пандэміі прапрацоўваюцца
(абноўлена 14:56 04.04.2020)
На перамовах бакі абмеркавалі падыходы ЕС у аказанні дапамогі, у прыватнасці, інструменты змякчэння ўздзеяння наступстваў COVID-19 на эканоміку Беларусі.МІНСК, 4 кра - Sputnik. Міністэрства фінансаў Беларусі прапрацоўвае пытанне аб прыцягненні макрафінансавай дапамогі з боку Еўрапейскага саюза, пра гэта паведамілі ў прэс-службе ведамства ў суботу.
Перамовы міністра фінансаў Максіма Ермаловіча з камісарам ЕС па пытаннях суседства і пашырэння Оліверам Вархелі прайшлі напярэдадні.
"Бакі абмеркавалі падыходы ЕС у аказанні дапамогі краінам Усходняга партнёрства ў мэтах змякчэння ўздзеяння наступстваў пандэміі COVID-19 на эканоміку Беларусі", - удакладнілі ў прэс-службе.
Адзначаецца таксама, што абмеркавалі бакі і магчымасць прадастаўлення Еўрапейскім саюзам макрафінансавай дапамогі Рэспубліцы Беларусь.
Яна стане дадаткам да крэдытных рэсурсаў Міжнароднага валютнага фонду, якія могуць быць вылучаныя ў рамках "інструментаў хуткага фінансавання".
Нагадаем, раней стала вядома, што Еўрапейская камісія выдзеліць 140 млн еўра краінам "Усходняга партнёрства", у ліку якіх Беларусь, у рамках глабальнага адказу на ўспышку каронавіруса новага тыпу.
Сродкі будуць накіраваны на самыя неадкладныя патрэбы Арменіі, Азербайджану, Беларусі, Грузіі, Малдове і Украіне ў рамках барацьбы з COVID-19, а яшчэ 700 мільёнаў Еўракамісія выдзеліць краінам на пераадоленне сацыяльна-эканамічных наступстваў крызісу.
Тэги:
Мы заўсёды дамовімся: Лукашэнка хоча, каб бізнесмены развівалі вёску
(абноўлена 13:12 03.04.2020)
Прадпрымальнікі, якія працуюць у Беларусі, пры дзейнай уладзе не павінны забываць пра людзей і населеныя пункты, дзе яны займаюцца бізнесам.МІНСК, 3 кра - Sputnik. Аляксандр Лукашэнка назваў бізнесменаў, якія хочуць проста так атрымаць зямлю і не клапаціцца пра людзей, дурнямі, пра гэта ён сказаў у час рабочай паездкі ў Смалявіцкі раён.
Паводле яго слоў, бізнесмены, якія хочуць працаваць у нашай краіне пры дзеючай уладзе і кіраўніку дзяржавы, у першую чаргу павінны думаць пра беларусаў.
Пры гэтым беларускі прэзідэнт задаў прадпрымальнікам вектар на развіццё населеных пунктаў у сельскай мясцовасці, якія размяшчаюцца непадалёк ад іх вытворчасцяў.
"Мы тады заўсёды дамовімся. І за цаной не пастаім. Галоўнае - гэта чалавек. І тыя бізнесмены, якія сёння кажуць: вось, дай мне зямлю, дай мне тое, гэта, а людзі - не важна. Гэта дурні поўныя - прыехалі сарваць нешта і ўцячы адсюль", - лічыць Аляксандр Лукашэнка, яго словы прывяла БелТА.
Абы былі грошы
Прэзідэнт Беларусі расказаў, што яму прапанавалі ацэньваць кіраўнікоў у раёнах па прыбаўленні і удоям, як гэта было на пройдзены савецкім этапе.
"Якія прыбаўленні? Грошы!" - звярнуў ён асаблівую ўвагу на тое, што з'яўляецца прыярытэтам.
Аляксандр Лукашэнка прапанаваў, што ў выпадку росту бюджэту і наяўнасці грошай у кіраўніка райвыканкама, можна пэўны адсотак ад гэтай сумы падзяліць на ўсіх па меркаванні старшыні.
"Які прыбаўленне, каму патрэбны гэтыя прыбаўленні? Можаш без прыбаўлення, абы грошы былі", - канстатаваў беларускі прэзідэнт.
Тэги:
COVID-19 перахварэюць многія: медыкі звярнуліся да беларусаў – відэа
(абноўлена 14:50 04.04.2020)
Больш за два дзясяткі ўрачоў з розных медустаноў Беларусі звярнуліся па падтрымку і дапамогу да жыхароў роднай краіны.Медыкі розных спецыялізацый запісалі відэазварот беларусам: у ім спецыялісты распавялі, як паводзіць сябе ва ўмовах пандэміі COVID-19, каб засцерагчыся ад захворвання самім і зберагчы блізкіх.
"Мы, урачы, звяртаемся да вас і просім вас аб падтрымцы. Пандэмія каронавіруснай інфекцыі ахапіла практычна ўсе краіны свету, на жаль, гэтага лёсу не пазбегла і наша родная Беларусь", - гаворыцца ў звароце.
Аўтары мяркуюць, гледзячы на вопыт іншых краін, што "перахварэе і заразіцца большая частка насельніцтва". На шчасце, у большасці захворванне пройдзе без якіх-небудзь прыкмет, ці як звычайная прастуда, аднак для некаторых можа стаць смяротным: гэта людзі старэйшыя за 60 гадоў, пацыенты з хранічнымі захворваннямі і самі медработнікі.
"Нават калі ў вас няма прыкмет захворвання, вы можаце быць крыніцай інфекцыі. Менавіта вы можаце заразіць іншых, у тым ліку і сваіх блізкіх (...). І менавіта вы можаце захаваць здароўе сабе і сваім блізкім", - наказваюць урачы.
Грамадзян заклікаюць быць свядомымі і выконваць рэкамендацыі па прафілактыцы заражэння ВРІ. Нагадаем, асноўныя меры засцярогі для абароны ад новай каронавіруснай інфекцыі можна знайсці на сайце Сусветнай арганізацыі аховы здароўя (СААЗ).
У Беларусі, паводле апошніх звестак, зарэгістраваны 351 выпадак каронавіруса COVID-19 (больш за ўсё захварэлых у Мінску - 190). У Віцебскай вобласці, якая апынулася ў цэнтры ўвагі грамадскасці ў сувязі з сітуацыяй, зафіксавана куды менш - 89 выпадкаў. Трэцяя па колькасці выпадкаў - Мінская вобласць, тут іх паўсотні.
Тэги: