Лагатып дзяржаўнай карпарацыі па атамнай энергіі Расатам

Беларусь можа разам з Расіяй будаваць АЭС у Егіпце

11
(абноўлена 14:29 21.02.2020)
Праект беларускай атамнай станцыі можа стаць тыпавым для праектаў карпарацыі Расатама па ўсім свеце.

МІНСК, 21 лют - Sputnik. Беларусь разам з Расіяй можа прыняць удзел у будаўніцтве АЭС у Егіпеце, сказаў беларускі прэзідэнт Аляксандр Лукашэнка ў ходзе сустрэчы з губернатарам Архангельскай вобласці Ігарам Арловым, перадае карэспандэнт Sputnik.

Паводле яго слоў, па тэлефоне з прэзідэнтам РФ Уладзімірам Пуціным абмяркоўваўся таксама праект будаўніцтва БелАЭС. Кіраўнікі дзяржаў прыйшлі да высновы, што гэта будзе лепшая станцыя.

"Лепшая, якую мы з расіянамі пабудуем. Па такому тыпу (праекту для Беларусі - Sputnik) расіяне будуць будаваць ва ўсім свеце. Мы будзем падстаўляць плячо, дзе трэба", - запэўніў кіраўнік дзяржавы.

"У нас, напэўна, там (у Егіпце - - Sputnik) будзе агульная будоўля. Расія, мабыць, 4 блокі атамнай станцыі будзе будаваць у Егіпце", - распавёў Лукашэнка.

Пры гэтым ён адзначыў, што Расатам вельмі задаволены працай беларускіх будаўнікоў. "І мы абмяркоўвалі пытанне сумеснага будаўніцтва. Гэта было, дарэчы, да будаўніцтва беларускай станцыі. Каб мы атрымалі тут вопыт будаўніцтва разам з расіянамі", - дадаў прэзідэнт.

Як вынікае з інфармацыі на сайце "Расатама", АЭС "Эль-Дабаа" - першая атамная станцыя ў Егіпце, у вобласці Матрух на беразе Міжземнага мора. Яна будзе складацца з чатырох энергаблокаў з рэактарамі ВВЭР-1200. У лістападзе 2015 года Расія і Егіпет падпісалі міжурадавае пагадненне аб супрацоўніцтве ў будаўніцтве па расійскіх тэхналогіях і эксплуатацыі першай егіпецкай АЭС. Працягваецца праектаванне станцыі і падрыхтоўка дакументацыі для атрымання так званай ядзернай ліцэнзіі на будаўніцтва АЭС з боку егіпецкага органа атамнага нагляду - Упраўлення па рэгуляванні ядзернай і радыелагічнай бяспекі (ENRAA).

11
Тэги:
АЭС, Расія, Беларусь
Манета наміналам адзін долар ЗША і манета наміналам адзін рубель з сімволікай расійскага рубля

Валютныя рэзервы Беларусі ў сакавіку скараціліся больш чым на $1 мільярд

2
(абноўлена 10:03 07.04.2020)
Фінансавы рэгулятар актыўна прадаваў валюту на біржы, каб згладзіць ваганні курсу беларускага рубля, які адчуў на сабе ціск з-за пандэміі каронавіруса і падзеня нафтавых каціровак.

МІНСК, 7 кра - Sputnik. Міжнародныя рэзервовыя актывы Беларусі на 1 красавіка склалі 7 786,5 мільёна долараў, паведамілі ў прэс-службе Нацбанка.

Толькі за сакавік бягучага года золатавалютныя рэзервы знізіліся на 1 018,4 мільёна долараў (або 11,6%) пасля зніжэння ў лютым на 438,2 мільёна долараў (або 4,7%).

Нацбанк такое рэзкае падзенне ЗВР тлумачыць продажам валюты на біржы, а таксама планавым пагашэннем знешняй і ўнутранай запазычанасці на 226,5 мільёна долараў.

Падтрымліваць узровень рэзерваў рэгулятара атрымлівалася за кошт паступлення валюты ў казну, а таксама за кошт продажу валютных аблігацый.

Паводле зместу дзяржаўнай грашова-крэдытнай палітыкі ў гэтым годзе аб'ём міжнародных рэзервовых актываў на 1 студзеня наступнага года павінен быць не менш за 7,3 мільярда долараў.

Калі рэзервы будуць скарачацца цяперашнімі тэмпамі, Нацбанк можа праваліць выкананне грашова-крэдытнай палітыкі ўжо ў наступным месяцы.

2
Тэги:
Нацбанк РБ
Транснафта пачала пастаўкі нафты на НПЗ Беларусі

"Транснафта" пачала пастаўкі нафты на НПЗ Беларусі

14
(абноўлена 11:30 06.04.2020)
Беларускі бок разлічвае атрымаць у красавіку 2 мільёны тон сыравіны для сваіх нафтаперапрацоўчых заводаў без выплаты прэміі пастаўшчыкам сыравіны.

МІНСК, 6 кра - Sputnik. "Транснафта" пачала пастаўкі нафты на беларускія НПЗ, паведаміў журналістам афіцыйны прадстаўнік кампаніі Ігар Дзёмін.

Раней прэм'ер-міністр Беларусі Сяргей Румас заявіў, што нафта будзе пастаўляцца на нафтаперапрацоўчыя заводы без выплаты прэміі расійскім пастаўшчыкам.

Пры гэтым кіраўнік беларускага ўрада адзначыў, што ў красавіку нафта будзе пастаўляцца па кошце каля 4 долараў за барэль. Усяго Беларусь разлічвае атрымаць 2 мільёны тон чорнага золата ў бягучым месяцы.

"Пастаўкі на НПЗ Беларусі ідуць у адпаведнасці з аформленымі маршрутнымі даручэннямі", - распавёў дарадца прэзідэнта "Транснафты" Ігар Дзёмін.

У прэс-службе канцэрна "Белнафтахім" пацвердзілі, што расійская кампанія аператар трубаправода "Дружба" пачала пастаўкі нафты на айчынныя НПЗ.

Згодна з падпісаным у мінулым годзе пагадненнем аб балансе попыту і прапановы на энергетычным рынку, Беларусь павінна атрымаць 24 мільёны тон нафты.

У першым квартале 2020 года НПЗ у Наваполацку і ​​Мазыры працавалі на 50% ад уласнай магутнасці з-за адсутнасці кантракту на пастаўкі расійскай нафты.

Дамовіцца аб аднаўленні перапрацоўкі расійскай нафты атрымалася ў канцы сакавіка. Пасля чаго беларускі і расійскі бок узгаднілі дэталі паставак сыравіны.

14
Тэги:
Нафта, Беларусь, Транснафта
Тэмы:
Пытанне паставак нафты ў Беларусь
Прафесар Маскоўскай духоўнай акадэміі Аляксей Осіпаў

Багаслоў Осіпаў растлумачыў, што рабіць вернікам з наведваннем храмаў

0
(абноўлена 11:59 07.04.2020)
Многія з настаўнікаў Царквы жылі ў пустынях і пустэльніцтве, што не перашкодзіла ім стаць святымі - меркаванне ганаровага прафесара Маскоўскай духоўнай акадэміі Аляксея Осіпава.
Богослов Осипов разъяснил, что делать верующим с посещением храмов

Набліжаецца Страсны тыдзень Вялікага посту, за якім рушыць услед Вялікдзень. Для хрысціян гэта безумоўная падстава наведаць храм, што ў дадзеным становішчы эпідэміі каронавіруса вельмі непажадана. Як быць у такой няпростай сітуацыі, тлумачыць вядомы расійскі багаслоў, ганаровы прафесар Маскоўскай духоўнай акадэміі Аляксей Осіпаў.

"Некаторыя кажуць, што не хадзіць у храм, значыць адрачыся ад веры. У такім выпадку ўсе нашы пустэльнікі, усе вялікія прападобныя Сысоі, Антоніі і Макарыі - адступнікі? Там, у пустынях, якія храмы былі?! З Вялікім постам усе манахі сыходзілі ў пустыні. Таму справа не ў храме, а ў тым, каб мы хоць трошкі пачалі маліцца і рабіць добрыя справы. Пабудзьце дома, памаліцеся", - раіць прафесар.

Каментар вядомага расійскага багаслова Аляксея Осіпава слухайце ў аўдыёзапісы на радыё Sputnik Беларусь.

Чытайце таксама:

0
Тэги:
Страсны тыдзень, Вялікдзень
Тэмы:
Сустракаем Вялікдзень