Мытна-прапускны пункт Чырвонае на мяжы Беларусі і Расіі

Беларусь і Расія нагандлявалі сельгаспрадукцыяй на 5,8 мільярда долараў

24
(абноўлена 15:20 13.03.2020)
У мінулым годзе аб'ём знешнегандлёвага абароту сельскагаспадарчай прадукцыі і прадуктаў харчавання паміж дзвюма краінамі вырас на 4,7%.

МІНСК, 13 сак - Sputnik. Аб'ём знешнегандлёвага абароту сельскагаспадарчай прадукцыі і прадуктаў паміж Беларуссю і Расіяй вырас у мінулым годзе на 4,7% і дасягнуў лічбы ў 5,8 мільярда долараў, паведамілі ў прэс-службе Мінсельгасхарча.

Аграрныя ведамствы дзвюх краін правялі ў пятніцу сумесную калегію ў фармаце відэаканферэнцыі. У ходзе яе былі прыняты рашэнні па актуальных для дзвюх краін пытаннях, якія спрыяюць прадаўжэнню развіццю двухбаковых адносін у сферы харчавання.

"Мы накіраваныя на пошук новых форм супрацоўніцтва і рэалізацыю сумесных праектаў у аграрнай сферы з расійскімі калегамі. Наша супрацоўніцтва, безумоўна, можна назваць стратэгічным, таму што яно аказвае значны ўплыў на эканоміку дзвюх краін, і ахоплівае розныя напрамкі і сферы, ад сумесных навуковых распрацовак да рэалізацыі праектаў", - расказаў міністр сельскай гаспадаркі і Беларусі Анатоль Хацько.

Экспарт беларускай сельскагаспадарчай прадукцыі і прадуктаў харчавання ў Расію у 2019 годзе склаў 4,3 мільярда і вырас на 3% да ўзроўню 2018 года. Пры гэтым пастаўкі аналагічнай расійскай прадукцыі склалі 1,5 мільярда долараў.

У беларускім аграрным ведамстве адзначылі, што рост узаемнага тавараабароту абумоўлены не толькі пастаўкамі звыклых мясной і малочнай прадукцыі, але высокатэхналагічнай прадукцыі.

24
Тэги:
Сельская гаспадарка, гандаль, Расія, Беларусь
Здабыча нафты

Пяскоў: Мінск не зможа купіць у РФ нафту за $4 без рынкавай прапановы

3
(абноўлена 14:41 02.04.2020)
Цэны на расійскую нафту будзе вызначаць рынкавая кан'юнктура і адпаведныя прапановы па яе закупках.

МІНСК, 2 кра - Sputnik. Беларусь не зможа закупіць у Расіі чорнае золата па цане чатыры долары за барэль, калі не будзе адпаведнай рынкавай прапановы, сказаў прэс-сакратар прэзідэнта Дзмітрый Пяскоў.

Сёння перад адкрыццём вясновай сесіі парламента прэм'ер-міністр Сяргей Румас заявіў, што Беларусь будзе закупляць у красавіку расійскую нафту па цане каля чатырох долараў за барэль. Пры гэтым Менск разлічвае атрымаць два мільёны тон нафты ў бягучым месяцы.

На думку прэс-сакратара прэзідэнта РФ, гэтае пытанне адносіцца да рынкавай кан'юнктуры. У выпадку ўзнікнення прапановы з такімі коштамі можна будзе набыць сыравіну.

"Але калі такіх часоў рынкавых не наступіць і нават калі наступяць, але будзе адсутнічаць прапанова, тады закупіць не атрымаецца. Гэта абсалютна рынкавая кан'юнктура", - канстатаваў Дзмітрый Пяскоў.

Раней Беларусь і Расія здолелі дасягнуць прынцыповай дамоўленасці аб пастаўках расійскай нафты. Цяпер прапрацоўваецца пытанне, якім чынам будзе ажыццяўляцца міжбюджэтны трансфер, які кампенсуе расійскім пастаўшчыкам зніжэнне прэміі за пастаўкі нафты.

3
Тэги:
Дзмітрый Пяскоў, Расія, Беларусь, Нафта
Тэмы:
Пытанне паставак нафты ў Беларусь
Румас: Беларусь у красавіку будзе атрымліваць нафту па 4 долары за барэль

Румас: Беларусь у красавіку будзе атрымліваць нафту па 4 долары за барэль

10
(абноўлена 10:38 02.04.2020)
Беларусь і Расія раней дасягнулі прынцыповых дамоўленасцяў па пастаўках чорнага золата.

МІНСК, 2 кра - Sputnik. У красавіку Беларусь разлічвае атрымаць 2 мільёны тон нафты, заявіў прэм'ер-міністр краіны Сяргей Румас, перадае карэспандэнт Sputnik.

"Сёння, я думаю, "Белнафтахім" закончыць перамовы з расійскімі кампаніямі па пастаўках нафты на красавік", - выказаў упэўненасць кіраўнік беларускага ўрада.

Паводле яго слоў, Беларусь разлічвае атрымаць 2 мільёны тон нафты. У дачыненні да пытання выплаты прэміі расійскім пастаўшчыкам беларускі бок прытрымліваецца жорсткай пазыцыі.

"Пастаўка расійскай нафты будзе ажыццяўляцца без прэміі. Гэта жорсткая і паслядоўная ўстаноўка кіраўніка дзяржавы аб куплі расійскай нафты без прэміі ў цане, вытрымліваецца урадам", - нагадаў Сяргей Румас.

Пасля чаго дадаў, што вынікам гэтай пазіцыі з'яўляецца цана, па якой Беларусь будзе купляць нафту ў красавіку з Расійскай Федэрацыі.
"Кошт каля 4 долараў за барэль", - рэзюмаваў кіраўнік урада.

10
Тэги:
Расія, Беларусь, Нафта
Тэмы:
Пытанне паставак нафты ў Беларусь
Амапавец на плошчы Свабоды ў Мінску

Лукашэнка заявіў, што мог бы ўвесці рэжым НС перад выбарамі, але не хоча

0
(абноўлена 17:01 02.04.2020)
Беларускія ўлады здольныя за суткі нейтралізаваць любы горад, калі гэта спатрэбіцца, але масавая ізаляцыя будзе толькі пагаршаць сітуацыю.

МІНСК, 2 кра - Sputnik. У Беларусі будуць змагацца з любой хваробай, а не толькі з каронавірусам, заявіў Аляксандр Лукашэнка ў інтэрв'ю міждзяржаўнай тэлерадыёкампаніі "Мір".

"Калі ўжо шчыра, я б сёння мог увесці надзвычайнае становішча. Патрулі па вуліцах, усе сядзяць, і паказаць перад прэзідэнцкімі выбарамі, які я круты хлопец, што я магу ўсё ўзяць пад кантроль", - прызнаўся кіраўнік дзяржавы.

Пры гэтым ён адзначыў, што не хацеў бы апынуцца ў сітуацыі, калі абмяжоўваюць магчымасці для людзей выйсці на вуліцу і пагуляць з дзіцем.

"І я ў гэтыя гульні гуляць не жадаю. Мы будзем змагацца з любой хваробай. Я не вылучаю таму каронавірус", - патлумачыў сваю пазіцыю прэзідэнт Беларусі.

Аляксандр Лукашэнка ў чарговы раз адзначыў, што масавая ізаляцыя ў дамах можа толькі паспрыяць пагаршэнню стану людзей, якія чымсьці захварэлі.

"Гэта не праблема. Мы за суткі нейтралізуем горад. Але чаго гэта будзе каштаваць і колькі будзе тады смерцяў? Мы ўжо потым будзем выхопліваць з кватэр людзей, якія будуць цяжкія, і адразу іх на штучную вентыляцыю лёгкіх. І што, мы выратуем гэтых людзей? Таму не трэба дурасцю займацца", - заклікаў ён.

Пасля чаго нагадаў пра старое правіла, што трэба праветрываць памяшканні і выходзіць дыхаць свежым паветрам. Улады, у сваю чаргу, калі прыйдзе такая неабходнасць, патушаць "пажар".

"І прытым значна больш эфектыўна, чым літоўскі прэзідэнт (Гітанас Науседа - Sputnik). Ён паклапаціўся пра беларускі вірус. Сваім вірусам займіся, у цябе там куча пытанняў. Ён яшчэ папракае, што, напэўна, беларусы не пра ўсё інфармуюць", - абурыўся Аляксандр Лукашэнка.

Пры гэтым беларускі прэзідэнт падзякаваў медыкам за іх працу і тое, як яны лечаць вірусныя захворванні. Праўда, адзначыў, што сітуацыю ў Беларусі нельга назваць спакойнай.

"Глупства поўнае, проста мы не панікуем. Займаемся кожны сваёй справай. Не вырашаем праз каронавірус ніякіх палітычных пытанняў, хоць у нас палітычны год", - падкрэсліў кіраўнік дзяржавы.

0
Тэги:
каронавірус, Беларусь, Аляксандр Лукашэнка
Тэмы:
Успышка каронавіруса з Уханя