Кашалёк з грашыма

Белстат агучыў сярэдні заробак беларусаў у лютым

37
(абноўлена 09:15 25.03.2020)
Самымі высокааплатнымі сферамі сталі інфармацыйныя тэхналогіі, паветраны транспарт і дапаможная дзейнасць у сферы фінансавых паслуг і страхавання.

МІНСК, 25 сак - Sputnik. Намінальны налічаны сярэдні заробак работнікаў рэспублікі ў лютым вырас за месяц крыху больш, чым на паўтара рубля, пра гэта паведамілі ў Нацыянальным статыстычным камітэце Беларусі.

"амінальны налічаны сярэдні заробак работнікаў Рэспублікі Беларусь у лютым 2020 года склаў 1119,7 рубля", - паведамілі ў Белстаце. Для параўнання, у студзені гэты паказчык знаходзіўся на ўзроўні 1118,1 рубля.

Паводле статыстычных дадзеных Белстата, у лютым мінулага года намінальны налічаны сярэдні заробак знаходзіўся на ўзроўні 977,6 рубля, а яшчэ годам раней ён складаў 850,4 рубля.

Хто ў Беларусі зарабляе больш за ўсіх?

Згодна з аператыўнымі звесткамі Белстата, самымі высокімі традыцыйна былі  заробкі супрацоўнікаў такіх сфер, як інфармацыйныя тэхналогіі і дзейнасць у галіне інфармацыйнага абслугоўвання (4697,4 рубля), паветраны транспарт (2689,8 рубля, у прыватнасці пасажырскі - 2832,8 рубля), а таксама дапаможная дзейнасць у сферы фінансавых паслуг і страхавання (2463,6) рубля.

Больш за паўтары тысячы рублёў атрымлівалі супрацоўнікі сфер вытворчасць коксу і прадуктаў нафтаперапрацоўкі (1805,5 рубля), горназдабыўной прамысловасці (1789,6 рубля), вытворчасцяў хімічных прадуктаў (1699,7 рубля), работнікі ў галіне тэлекамунікацый (1722,8 рубля), а таксама прадстаўнікі прафесійнай, навуковай і тэхнічнай дзейнасці (1543,3 рубля).

Самым нізкім апынуўся заробак работнікаў цырульняў і салонаў прыгажосці (565,3 рубля), бібліятэк, архіваў, музеяў і ўстаноў культуры (658,7 рубля), а таксама людзей, занятых працай у спецыялізаваных установах і прадастаўленнем сацыяльных паслуг (661,9 рубля).

Чытайце таксама:

37
Тэги:
Белстат, заробак, Беларусь
Міністр замежных спраў Беларусі Уладзімір Макей

Макей: Беларусь выстаіць ва ўмовах санкцый Захаду

25
(абноўлена 17:02 18.06.2021)
Па словах кіраўніка беларускага знешнепалітычнага ведамства, меры ў адказ на санкцыі будуць прымацца з улікам саюзніцкіх адносін.

МІНСК, 18 чэр – Sputnik. Беларусь здолее выстаяць ва ўмовах заходніх санкцый, а меры рэспублікі ў адказ улічваюць наяўнасць у Мінска саюзнікаў, якія гатовы падтрымаць, заявіў у пятніцу кіраўнік МЗС Уладзімір Макей.

"Мы выстаім", - сказаў ён пасля перамоў са сваім расійскім калегам Сяргеем Лаўровым.

Пры гэтым Макей адзначыў, што краіна прыме "канкрэтныя меры" процідзеяння, пры гэтым будзе ўлічвацца тое, што Беларусь не адна, і ў яе ёсць верныя саюзнікі, якія гатовы заўсёды падтрымаць рэспубліку.

Новы чацвёрты пакет санкцый

Еўрапарламент 10 чэрвеня прыняў рэзалюцыю па Беларусі падчас пленарнай сесіі ў Страсбургу.

Рэзалюцыя заклікае ЕС да ўвядзення супраць афіцыйнага Мінска новых санкцый - як эканамічных, так і персанальных, а таксама да часовага адключэння Беларусі ад плацежнай сістэмы SWIFT.

Санкцыі могуць таксама закрануць гандаль сырой нафтай і нафтавымі прадуктамі, калійную, сталеліцейную і дрэваапрацоўчую прамысловасць. Заклікаецца спыніць супрацоўніцтва і фінансаванне беларускіх дзяржаўных банкаў і абмежаваць крэдытныя лініі міжнародных банкаў для даччыных банкаў у Беларусі.

У санкцыйны пералік еўрадэпутаты заклікаюць уключыць адказных за пасадку борта Ryanair у Мінску.

Еўрасаюз тройчы публікаваў санкцыйныя спіскі па Беларусі 2 кастрычніка, 6 лістапада і 17 снежня 2020 года. Прэзідэнта Аляксандра Лукашэнку ўнеслі ў "чорны спіс" у другім пакеце.

У агульнай складанасці ў абмежавальных спісах - 55 прозвішчаў беларускіх грамадзян. Санкцыі закранулі і сем юрыдычных асоб у Беларусі: ААТ "140 рамонтны завод" (прадпрыемства ваенна-прамысловага комплексу ў Барысаве, якое займаецца бронетэхнікай), ААТ "Агат - электрамеханічны завод" (электроніка для ВПК), ААТ "МЗКЦ" (колавая тэхніка для ВПК) , ЗАТ "Белтэхэкспарт" (пастаўкі зброі на экспарт), Дзяржаўная ўстанова "Галоўнае гаспадарчае ўпраўленне" Кіраўніцтва справамі прэзідэнта Рэспублікі Беларусь, Dana Holdings (найбуйнейшы дэвелапер), IT-кампанія ТАА "Synesis" (сістэмы відэаназірання і распазнання).

Беларусь увяла люстраныя меры супраць Еўрасаюза і некаторых еўрапейскіх кампаній, сярод якіх Skoda і Beiersdorf (гандлёвая марка Nivea). У ліку мер - прыпыненне дзейнасці каардынацыйнай групы "Беларусь - ЕС" і паніжэнне ўзроўню ўдзелу краіны ва "Усходнім партнёрстве".

Чытайце таксама:

25
Тэги:
Захад, санкцыі, Беларусь, Уладзімір Макей

Жыццё пад санкцыямі: што будзе з беларускай эканомікай?

16
(абноўлена 14:57 18.06.2021)
У пятніцу, 18 чэрвеня, у мультымедыйным прэс-цэнтры Sputnik Беларусь адбыўся круглы стол на тэму: "Новыя санкцыі супраць Беларусі: прагнозныя страты і шляхі выхаду з эканамічнага крызісу".

На думку экспертаў, Беларусь адчувае самы магутны знешнепалітычны ціск у гісторыі. На гэтым фоне ідзе планамернае ўздзеянне з мэтай паслаблення і нават разбурэння нацыянальнай эканомікі. 3 чэрвеня Злучаныя Штаты аднавілі санкцыі ў дачыненні да 9 прадпрыемстваў беларускага нафтахімічнага комплексу. 16 чэрвеня ЕС узгадніў ужо 4 па ліку пакет санкцый у дачыненні да Беларусі.

Ці вытрымае ўдар нацыянальная эканоміка? Як выйсці з крызісу і не дапусціць збяднення насельніцтва?

Гэтыя ды іншыя пытанні абмяркоўвалі эксперты ў мультымедыйным прэс-цэнтры Sputnik Беларусь.

Удзельнікі круглага стала:

  • доктар эканамічных навук, загадчык кафедры эканамічнай тэорыі Акадэміі кіравання пры Прэзідэнце Рэспублікі Беларусь Ірына НОВІКАВА;
  • дэпутат Палаты прадстаўнікоў Нацыянальнага схода Рэспублікі Беларусь, старшыня Пастаяннай камісіі па міжнародных зносінах Андрэй САВІНЫХ;
  • палітычны эксперт Сямён УРАЛАЎ;
  • латвійскі палітык і грамадскі дзеяч Руслан ПАНКРАТАЎ.
16
Тэги:
крызіс, Мультымедыйны прэс-цэнтр Sputnik Беларусь, Sputnik Беларусь, Эканоміка, санкцыі, жыццё
Стадыён Уэмблі у Лондане

Фінал Еўра-2020 могуць перанесці з Лондана

12
(абноўлена 12:21 18.06.2021)
УЕФА можа перанесці фінальны паядынак, так як у Лондане дзейнічаюць жорсткія каранцінныя меры.

МІНСК, 18 чэр – Sputnik. Фінал чэмпіянату Еўропы па футболе могуць перанесці з Лондана ў Будапешт, паведамляе Times.

Фінал Еўра-2020 павінен прайсці ў Лондане на стадыёне "Уэмблі" 11 ліпеня.

Паводле інфармацыі крыніцы, калі афіцыйныя асобы УЕФА і ФІФА не будуць вызвалены ад неабходнасці праходзіць самаізаляцыю па прыбыцці, будзе разгледжаны варыянт з пераносам матча з Лондана ў Будапешт.

У сваю чаргу, брытанскі Кабмін абмяркоўвае магчымасць зрабіць выключэнне для 2,5 тысяч прадстаўнікоў УЕФА і ФІФА, палітыкаў, спонсараў і вяшчальнікаў і дазволіць ім не сыходзіць на ізаляцыю.

Афіцыйным асобам могуць дазволіць наведваць матчы плэй-оф Еўра на "Уэмблі", трэніроўкі каманд, сустракацца з членамі ўрада Вялікабрытаніі.

Стадыён "Уэмблі" умяшчае 90 000 гледачоў. На першых матчах кантынентальнага першынства ў Лондане ўстаноўлена абмежаванне ў 25% ад ёмістасці арэны - 22 500 чалавек. Плануецца, што гэтая колькасць будзе павялічана да плэй-оф.

Дарэчы, на матчах чэмпіянату Еўропы ў Венгрыі дазволена 100-працэнтная запаўняльнасць стадыёна.

У Лондане пройдуць яшчэ дзве сустрэчы групавога этапу з удзелам зборнай Англіі, два матчы 1/8 фіналу турніру, паўфінал і фінал.

Чытайце таксама:

12
Тэги:
УЕФА, Лондан, Еўра-2020, фінал