Больш за паўмільёна пералічана ў фонд матэрыяльнай дапамогі медыкам

Больш за паўмільёна пералічана ў фонд матэрыяльнай дапамогі медыкам

8
(абноўлена 14:27 23.04.2020)
Заявы медыкаў імкнуцца разглядаць максімальна аператыўна: з прафсаюзнага страхавога фонду ўжо пералічана 15 тысяч рублёў.

МІНСК, 23 кра - Sputnik. Больш за 500 тысяч рублёў пералічана ў прафсаюзны фонд страхавання медыкаў, пра гэта паведамілі ў прэс-службе Федэрацыі прафсаюзаў Беларусі (ФПБ) у чацвер.

Фонд, з якога аказваецца матдапамога ўрачам, якія захварэлі на каронавірус, быў заснаваны па рашэнні ФПБ у пачатку красавіка: ён фармуецца як за кошт "салідарных адлічэнняў усіх галіновых прафсаюзаў", так і з дапамогай добраахвотных ахвяраванняў суайчыннікаў.

"На сённяшні дзень прафсаюзамі пералічана ў фонд больш за 440 тысяч рублёў. Яшчэ звыш за 72 тысяч рублёў - асабістыя ўнёскі людзей (...). З прафсаюзнага страхавога фонду ўжо пералічана 15 тысяч рублёў у якасці матэрыяльнай дапамогі", - паведамілі ў ФПБ.

Адзначаецца таксама, што заявы медыкаў імкнуцца разглядаць максімальна аператыўна. Для атрымання дапамогі дастаткова хадайніцтва ад прафсаюзнага камітэта і копіі лістка непрацаздольнасці.

Аказваюць і іншую дапамогу

Установам аховы здароўя аказваюць дапамогу прафсаюзы ўсіх галін: гаворка, у першую чаргу, аб набыцці сродкаў індывідуальнай абароны для медыкаў.

"Рэспубліканскія камітэты, многія першасныя прафсаюзныя арганізацыі ўключыліся ў гэтую працу. Набываюцца і перадаюцца ў бальніцы і паліклінікі маскі, ахоўныя медыцынскія камбінезоны, дэзсродкі. Таксама сродкі абароны закупляюцца прафсаюзамі і непасрэдна для работнікаў прадпрыемстваў", - распавялі ў прэс-службе федэрацыі.

Адзначаецца таксама, што матдапамога выплачваецца работнікам, якія ў сілу складанай сітуацыі на тым ці іншым прадпрыемстве найбольш у гэтым маюць патрэбу, усяго на гэтыя мэты з прафсаюзных кас узаемадапамогі з пачатку красавіка выдаткавана больш 4,3 мільёна рублёў.

"Пад асаблівай увагай і клопатам прафсаюзаў работнікі тых галін, якія ў сілу прафесійных абавязкаў кантактуюць з вялікай колькасцю людзей і таксама маюць павышаную рызыку захворвання", - гаворыцца ў паведамленні прэс-службы.

Так, напрыклад, супрацоўнікі шэрагу дамоў-інтэрнатаў пераведзеныя сёння на вахтавы метад работы, для іх забяспечана фінансаванне гарачага харчавання. А больш за 6,5 тысяч работнікаў чыгункі будуць застрахаваны на выпадак хваробы за кошт прафсаюзных сродкаў.

8
Тэги:
каронавірус, Беларусь
Тэмы:
Каронавірус COVID-19 (655)
Беларуская АЭС

Лукашэнка ўхваліў змены ў крэдытнае пагадненне з Расіяй па БелАЭС

30
(абноўлена 11:21 11.07.2020)
Праект пратакола аб зменах у пагадненне аб расійскім крэдыце на БелАЭС падпісаны кіраўніком дзяржавы.

МІНСК, 11 ліп - Sputnik. Аляксандр Лукашэнка падпісаў указ №263 "Аб праекце міжнароднай дамовы", якім ухваліў унясенне змяненняў у міжурадавае пагадненне з Расіяй аб прадастаўленні ўраду Беларусі дзяржаўнага экспартнага крэдыту для будаўніцтва АЭС, дакумент апублікаваны на Нацыянальным прававым інтэрнэт-партале.

На падставе гэтага праекта пратакола ўрад Беларусі будзе весці перамовы з расійскім бокам.

Цяпер унутрыдзяржаўныя працэдуры, неабходныя для падпісання пратаколаў, завершаны з абодвух бакоў.

Гісторыя крэдыту

Раней паведамлялася, што Беларусь вядзе перамовы з расійскім бокам з нагоды змены ўмоваў крэдыту на будаўніцтва БелАЭС у Астраўцы. У першую чаргу, гэта звязана са зрушэннем тэрмінаў уводу першага і другога энергаблока станцыі.

Пытанне нават абмяркоўвалася на вышэйшым узроўні: прэзідэнт Беларусі Аляксандр Лукашэнка і прэзідэнт Расіі Уладзімір Пуцін гаварылі па тэлефоне аб змене працэнтнай стаўкі па гэтым крэдыце. Пасля чаго расійскі бок не выключаў, што крэдыт будзе рэструктурызаваны.

Нагадаем, пагадненне аб прадастаўленні расійскага крэдыту для будаўніцтва АЭС прадугледжвае вылучэнне 10 мільярдаў долараў. Пры гэтым 90% прызначана на будаўніцтва па кантракце, яшчэ 10% ад кошту работ Беларусь фінансуе самастойна.

Згодна з дзеючымі умовамі, пагашэнне крэдыту павінна пачацца праз шэсць месяцаў пасля ўводу АЭС у эксплуатацыю, але не пазней за 1 красавіка 2021 года. Зварот грошай прадугледжаны 30 роўнымі долямі кожныя шэсць месяцаў. На 50% сумы налічваюцца працэнты па стаўцы 5,23% гадавых. На астатнія 50% налічваюцца працэнты па стаўцы LIBOR для шасцімесячных дэпазітаў у доларах, павялічанай на маржу ў памеры 1,83% гадавых.

30
Тэги:
БелАЭС, Аляксандр Лукашэнка
Тэмы:
Будаўніцтва БелАЭС у Астраўцы
У цэнтры занятасці, архіўнае фота

Cпартсмен за $5 тыс і дырэктар піўзавода: якіх работнікаў шукаюць у Беларусі?

19
(абноўлена 11:13 11.07.2020)
Сярод самых высокааплатных вакансій - шмат месцаў для спартсменаў і трэнераў у футбольныя, хакейныя і гандбольныя клубы.

МІНСК, 10 ліп - Sputnik. Спартсмена-інструктара ў хакейны клуб "Дынама-Мінск" на заробак ад дзесяці тысяч рублёў шукаюць сёння праз Дзяржаўную службу занятасці.

На сёння ў Беларусі зарэгістравана 76878 вакансій. З іх заробак парадку 1000 долараў і вышэй абяцаюць у 156 месцах.

Традыцыйна, у топе вакансій - пілоты для "Белавія", якіх шукаюць не першы месяц.

Цікава, што ў спісе вакансій, на якіх можна атрымаць максімальны заробак - спартсмен-інструктар для ХК "Дынама-Мінск". Суіскальніку абяцаюць ад дзесяці тысяч рублёў.

Дзве вакансіі для спартсменаў-інструктараў адкрыты ў футбольным клубе "Іслач": з заробкам ад трох і ад пяці тысяч рублёў. У ФК "БАТЭ" таксама шукаюць спартсмена-інструктара, заробак абяцаюць ад двух тысяч рублёў. У "Шахцёр" патрэбны трэнер за 1,5 тысячы рублёў.

Цікава, што ў той жа час у гарадзенскі ФК "Нёман" спартсмена-інструктара шукаюць на больш сціплы заробак - 375 рублёў.

Сярод іншых цікавых высокааплатных вакансій - месца для прараба з заробкам вышэй за 6918 рублёў. Таксама шукаюць новага гендырэктара аднаго з піўзаводаў - на заробак ад 3,5 тысячы рублёў.

19
Тэги:
вакансіі, Беларусь
Абітурыенты здаюць ЦТ

Сталі вядомыя вынікі ЦТ па біялогіі

0
(абноўлена 17:26 13.07.2020)
У цэлым абітурыенты здалі тэсціраванне па біялогіі лепш, чым у мінулым годзе - максімальны бал атрымалі 55 чалавек.

МІНСК, 13 ліп - Sputnik. Вынікі цэнтралізаванага тэсціравання (ЦТ) па біялогіі сталі вядомыя ў панядзелак.

Вынікі цэнтралізаванага тэсціравання пачалі з'явіцца на мінулым тыдні. На сёння вядомыя балы па рускай і беларускай мовах, грамадазнаўстве і матэматыцы.

У панядзелак сталі вядомыя і вынікі ЦТ па біялогіі. Першымі свае балы даведаліся абітурыенты, падпісаныя на смс-рассылку, затым дадзеныя загружаюцца на сайт Рэспубліканскага інстытута кантролю ведаў (РІКВ).

Па дадзеных РІКВ, максімальны бал на біялогіі ў гэтым годзе набралі 55 абітурыентаў - больш, чым у 2019-м. Ніводнага бала не атрымалі трое ўдзельнікаў тэсціравання.

З зарэгістраваных 20,8 тысяч абітурыентаў на тэсціраванне з'явіліся каля 19,4 тысяч чалавек.

У бліжэйшыя дні, як чакаецца, стануць вядомыя вынікі ЦТ па замежных мовах.

0
Тэги:
ЦТ, Уступная кампанія, Беларусь