МІНСК, 30 кра - Sputnik. Замежныя грошы, якія паступаюць у Беларусь для фінансавання замежных праектаў, не павінны быць выкарыстаны на дэструктыўную дзейнасць унутры краіны, заявіў прэзідэнт Беларусі Аляксандр Лукашэнка ў ходзе нарады, прысвечанай пытанням паступлення і выкарыстання замежнай бязвыплатнай дапамогі.
"Мы бачым актывізацыю нашых заходніх партнёраў - розных фондаў і асацыяцый па фінансаванні так званых гуманітарных праектаў. Маю пазіцыю вы ведаеце. Ні капейкі не павінна быць выдаткавана на дэструктыўную дзейнасць унутры краіны. Выкарыстанне бязвыплатнай дапамогі з-за мяжы павінна быць пад самым жорсткім кантролем", - цытуе Лукашэнку БелТА.
Адкрываючы нараду, прэзідэнт заявіў, што мае намер абмеркаваць пытанні, звязаныя з прадастаўленнем Беларусі замежнай бязвыплатнай дапамогі, а таксама магчымай карэкціроўкі дзеючага парадку яе рэгістрацыі.
"У мэтах зніжэння нагрузкі на бюджэт па маім даручэнні у 2018 годзе ўрад сумесна з Упраўленнем справамі зацвердзіў комплекс мер па прыцягненню дапамогі", - нагадаў Лукашэнка.
Паводле яго слоў, рэалізацыя гэтых мер дала магчымасць павялічыць паток фінансавых паступленняў з-за мяжы. Толькі за апошнія тры гады іх агульны аб'ём склаў каля $240 мільёнаў долараў.
Льготы і прэферэнцыі
Кіраўнік дзяржавы настойвае на тым, што ўся замежная гуманітарная дапамога, якая прадастаўляецца на бязвыплатнай аснове, павінна накіроўвацца толькі на сацыяльныя мэты.
У цяперашні час рэспубліка адкрыта для атрымання дапамогі з-за мяжы, накіраванай на ліквідацыю наступстваў катастрофы на ЧАЭС, аказанне меддапамогі, падтрымку малазабяспечаных грамадзян, інвалідаў, пенсіянераў і дзяцей.
"Мы гатовыя даць рознага роду падатковыя льготы і прэферэнцыі. Але сродкі павінны даходзіць да канкрэтнага атрымальніка, а не растварацца па дарозе", - падкрэсліў Аляксандр Лукашэнка.
Усебаковая ацэнка і абмеркаванне
Беларускі лідар канстатаваў, што ў цяперашні час трэцяя частка ад усёй дапамогі не мае сацыяльнай накіраванасці. Частка грошай сыходзіць на матэрыяльна-тэхнічную базу і аплату выдаткаў.
"Мы такую дзейнасць льгатаваць спынілі некалькі гадоў таму, і я думаю, што ні ў якім разе тут нельга нешта мяняць", - лічыць Аляксандр Лукашэнка.
Прэзідэнт раней даручаў распрацаваць прапановы, як удасканаліць парадак дзеянняў з гуманітарнай фінансавай дапамогай. Гэтым непасрэдна займаліся кіраўнік спраў, адміністрацыя прэзідэнта і КДК.
Пасля чаго ён нагадаў, што дырэктару Дэпартамента па гуманітарнай дзейнасці падчас прызначэння на пасаду былі пастаўленыя аналагічныя задачы.
"Вынікам такой работы з'явiўся новы праект дэкрэта. Асобныя яго нормы істотна мяняюць дзейсныя механізмы рэгістрацыі дапамогі. Таму унесеныя прапановы патрабуюць ўсебаковай ацэнкі і абмеркавання", - лічыць Аляксандр Лукашэнка.
Беларусь уводзіць плату за дапамогу
Паводле яго слоў, удзельнікі нарады павінны адказаць на такія пытанні, як наколькі аптымальны прапанаваны механізм рэгістрацыі дапамогі, вызваленне яе ад падаткаў, узгадненне мэты прымянення, ці ёсць у гэтым бюракратызм.
"Прэзідэнт таксама пацікавіўся, чым абгрунтоўваецца памер платы якая ўводзіцца, за рэгістрацыю дапамогі, што плануецца змяніць у працы Дэпартамента па гуманітарнай дзейнасці", - піша БелТА.
Асобным пытаннем стаў удзел мясцовых органаў улады ў працы з замежнай дапамогай, як яны ацэньваюць яе эфектыўнасць і як іх праца адлюстравана ў праекце дэкрэта.
Аляксандр Лукашэнка таксама паставіў пытанне, як кантралюецца дзяржавай паступленне дапамогі, і ці патрэбныя новыя меры, якія папярэдзяць нямэтавае прымяненне.
