Нафта, архіўнае фота

Стала вядома, колькі нафты Азербайджан паставіў на НПЗ у Беларусі

36
Увогуле беларускі бок павінен атрымаць у 2020 годзе ад SOCAR 1 мільён тон азербайджанскай нафты і іншага паходжання.

МІНСК, 30 кра - Sputnik. Азербайджан гатовы прадаваць нафту беларускім НПЗ на ўзаемавыгадных умовах, распавёў у інтэрв'ю часопісу "Веснік Белнафтахіма" прэс-сакратар кампаніі SOCAR Ібрагім Ахмедаў.

Раней стала вядома, што даччынае падраздзяленне Азербайджанскай дзяржаўнай нафтавай кампаніі паставіла танкерамі чатыры партыі нафты ва ўкраінскі порт у Адэсе.

"Мы з задавальненнем успрынялі намер падпісаць пагадненне на пастаўку азербайджанскай нафты ў Беларусь у аб'ёме аднаго мільёна тон у 2020 годзе. Канцэрн "Белнафтахім" - наш надзейны партнёр, і мы гатовыя прадаваць нафту для перапрацоўкі на беларускіх НПЗ на ўзаемавыгадных умовах", - сказаў прадстаўнік SOCAR.

Па словах Ахмедова, з пачатку года SOCAR адправіла ў Беларусь 2,05 мільёна барэляў азербайджанскай і 1,78 мільёна барэляў неазербайджанской нафты.

Спецыялісты азербайджанскай кампаніі таксама зараз прымаюць удзел у мадэрнізацыі нафтаперапрацоўчага заводу ў Мазыры.

"Разглядаем таксама свой удзел у праекце мадэрнізацыі ААТ "Нафтан" - тут можа быць запатрабаваны наш вопыт у пракладцы трубаправодаў, электрыкі. Ці гатовыя прыняць удзел і ў праекце будаўніцтва новага комплексу па выпуску азотных угнаенняў ААТ "Гродна Азот", - запэўніў прэс-сакратар азербайджанскай кампаніі.

36
Тэги:
Азербайджан, Беларусь, Нафта
Тэмы:
Пытанне паставак нафты ў Беларусь (121)
Будынак Белгазпрамбанка

Белгазпрамбанк за квартал страціў сродкі кліентаў на мільярд рублёў

5
(абноўлена 12:53 06.07.2020)
Прыкметна ў другім квартале знізіўся і прыбытак банка - з красавіка па чэрвень ён паменшыўся больш, чым на траціну.

МІНСК, 6 ліп - Sputnik. Сродкі кліентаў Белгазпрамбанка за другі квартал скараціліся на мільярд рублёў, сведчыць фінансавая справаздачнасць банка.

Пасля затрыманняў шэрагу былых і цяперашніх супрацоўнікаў Белгазпрамбанка ў ім была ўведзена часовая адміністрацыя на чале з Надзеяй Ермаковай. Як вынікае з апублікаванай банкам справаздачнасці, за другі квартал гэтага года фінансавыя паказчыкі Белгазпрамбанка прыкметна пагоршыліся.

Так, з красавіка па чэрвень сродкі кліентаў у банку скараціліся больш, чым на мільярд рублёў, або на 30,6%. Калі на 1 красавіка яны складалі амаль 3,3 мільярда, то на 1 ліпеня - каля 2,3 млрд.

Знізіўся і прыбытак Белгазпрамбанка: калі ў першым квартале ён склаў 29,9 мільёнаў рублёў, то ў другім - 18,9 мільёнаў. Зніжэнне - на 36,8%.

Таксама зараз у Белгазапромбанка паўсталі абавязацельствы перад Нацбанкам на 215 мільёнаў рублёў. Нагадаем, рэгулятар дапамагае забяспечваць фінансавую стабільнасць банка.

Справа Белгазпрамбанка

На пачатку чэрвеня ў Белгазпрамбанк прыйшлі з ператрусамі супрацоўнікі фінансавай міліцыі Камітэта дзяржкантролю: шэраг былых і цяперашніх супрацоўнікаў банка падазраецца ў фінансавых махінацыях. Па справе затрыманыя больш за два дзясяткі чалавек, у тым ліку які прэтэндуе на пасаду прэзідэнта Віктара Бабарыкі, які раней узначальваў банк. Яшчэ да затрымання экс-банкір заяўляў пра тое, што на працягу 20 гадоў ні адна праверка не мела сур'ёзных прэтэнзій да працы Белгазпрамбанка.

Пасля ператрусаў ДФР і ўзбуджэння крымінальнай справы Нацбанк Беларусі прыпыніў працу дзеючага складу праўлення Белгазпрамбанка і прызначыў часовую адміністрацыю на чале з Надзеяй Ермаковай.

Асноўныя акцыянеры - Газпромбанк і Газпрам - заявілі аб незаконнасці дзеянняў Нацбанка ў прызначэнні часовай адміністрацыі: гэта парушае як беларускае заканадаўства, так і нормы ЕАЭС.

У самім Белгазпрамбанку пасля назначэння часовай адміністрацыі заяўлялі пра тое, што гэта ніяк не адбілася на фінансавай стабільнасці банка.

5
Тэги:
ААТ "Белгазпрамбанк"
Дзяўчына ў ахоўнай масцы пакуе падарункі ў гандлёвым цэнтры Дана Мол у Мінску

Міністр працы распавяла, як змянілася ў Беларусі занятасць з-за пандэміі

8
(абноўлена 10:38 06.07.2020)
Сітуацыя на рынку працы Беларусі "дастаткова кіраваная", беларускія лічбы значна ніжэйшыя за ўзровень скарачэнняў, якія сёння назіраюцца на сусветным рынку, перакананая міністр.

МІНСК, 6 ліп - Sputnik. Колькасць занятых у эканоміцы знізілася за апошні час, паведаміла міністр працы і сацыяльнай абароны Ірына Касцевіч ў эфіры тэлеканала СТБ.

Паводле яе слоў першыя тры месяцы года былі стабільнымі.

"Змены пайшлі ўжо ў красавіку-маи. Мы гэта вельмі добра бачым, праглядалася гэтая праблема. Калі паглядзець за пяць месяцаў, то па занятых у эканоміцы - тэмп 99,8 працэнта. Гэта значыць на 0,2 адсоткі колькасць занятых у эканоміцы знізілася", - адзначыла Касцевіч.

Разам з тым, міністр лічыць, што сітуацыя на рынку працы Беларусі "дастаткова кіраваная". Ва ўсякім разе, беларускія лічбы значна ніжэйшыя за ўзровень скарачэнняў, якія сёння назіраюцца на сусветным рынку.

"Наймальнікі не ўжывалі актыўна такую меру, як масавае звальненне людзей альбо наогул звальненне людзей па неабгрунтаваных прычынах", - адзначыла міністр працы і сацыяльнай абароны.

Па дадзеных праверак 288 арганізацый сярэдняга і буйнога бізнесу міністэрства не выявіла масавых парушэнняў, былі зафіксаваныя толькі адзінкавыя выпадкі парушэння нормаў Працоўнага кодэкса.

Разам з тым, на прадпрыемствах усё часцей здараюцца прастоі, уводзіцца скарочаны рэжым працы. Касцевіч перакананая, што наймальнікі выбіраюць гэтыя меры, каб захаваць працоўныя калектывы.

"У маи вымушаная няпоўная занятасць вырасла ў чатыры разы. Так, гэта вялікі рост, але самае галоўнае для чалавека - тое, што ён захаваў працоўнае месца, самае галоўнае для наймальніка - ён захаваў прафесійныя кадры, якія вельмі складана знайсці на рынку працы", - адзначыла Касцевіч.

8
Тэги:
Беларусь, Ірына Касцевіч, Міністэрства працы і сацыяльнай абароны Рэспублікі Беларусь
Які сёння дзень: 7 ліпеня 2020 года

Які сёння дзень: 7 ліпеня 2020 года

0
(абноўлена 07:39 06.07.2020)
Гэты дзень з'яўляецца сто восемдзесят дзявятым па грыгарыянскім календары, да канца года засталося 177 дзён.

У гэты дзень святкуецца Купалле. Якія яшчэ падзеі адбыліся 7 ліпеня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 7 ліпеня

  • У 1864 годзе была адкрыта Маладзечанская настаўніцкая семінарыя.
  • У 1992 годзе Беларусь усталявала дыпламатычныя адносіны з Уругваем.
  • У 2007 годзе была афіцыйна зарэгістравана Віцебская аматарская астранамічная абсерваторыя.

Хто нарадзіўся 7 ліпеня

  • 1796: Ян Чачот, беларускі і польскі паэт.
  • 1882: Янка Купала, класік беларускай літаратуры.

Таксама сёння нарадзіліся аўстрыйскі дырыжор і кампазітар Густаў Малер і французскі мадэльер П'ер Кардэн.

7 ліпеня ў народным календары

Сёння праваслаўныя вернікі святкуюць дзень нараджэянна Іаана Хрысціцеля. У народным календары гэты дзень вядомы як Іван Купала – працягваецца святкаванне Купалля, якое пачалося ў ноч з 6 на 7 ліпеня.

Раніцай 7 ліпеня дзяўчыны хадзілі ўмывацца расой, таму што лічылася, што так атрымаецца захаваць прыгажосць. Таксама купаліся ў рацэ, каб змыць усё дрэннае і пазбавіцца ад нядугаў.

Калі на Івана Купалу шоў дождж, гэта значыла, што праз тыдзень настане цёплае і яснае надвор'е. Калі на небе шмат зорак, будзе добры ўраджай грыбоў, а вось навальніца сведчыла пра дрэнны ўраджай лясных арэхаў.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей